ສ.ເກົາຫລີ ປະກາດສິ້ນສຸດການລະບາດພະຍາດລະບົບຫາຍໃຈ

ໃນ​ວັນ​ທີ 28ກໍລະກົດ 2015 ທີ່​ຜ່ານ​ມາ, ທ່ານ ຄວາງ ຄະ​ໂຢອັນ, ນາຍົກລັດຖະມົນຕີ ສ.​ເກົາຫລີ​ໄດ້​ຖະ​ແຫລ​ງວ່າ: ສ.​ເກົາຫລີ​ປະກາດ​ສິ້ນ​ສຸດ​ການ​ແຜ່​ລະບາດ​ຂອງ​ເຊື້ອ​ພະ ຍາດ​ລະບົບ​ທາງ​ເດີນຫາຍ​ໃຈ ຕາ​ເວັນ​ອອກ​ກາງ(MERS)ຢ່າງ​ເປັນ​ທາງ​ການ.

ທ່ານ ນາຍົກລັດຖະມົນຕີ ສ​.​ເກົາຫລີ​ໄດ້​ກ່າວ​ໃນ​ກອງ​ປະຊຸມ​ຄະນະ​ລັດຖະມົ​ນຕີ ສ.​ເກົາຫລີ​ວ່າ: ຈາກ​ການ​ລວບລວມລາຍ​ງານ​ຕ່າງໆ​ໂດຍ​ແພດ ​ແ​ລະ​ ເຈົ້າໜ້າ​ທີ່​ລັດຖະບານ​ພິຈາລະນາ​ແລ້ວ​ວ່າ ປະຊາຊົນ​ບໍ່​ຕ້ອງ​​ເປັນ​ຫ່ວງອີກ​ຕໍ່​ໄປ​ ພາຍຫລັງ​ມີ​ຜູ້​ເສຍ​ຊີວິດ 36ຄົນ ຈາກ​ຜູ້​ຕິດ​ເຊື້ອ 186 ຄົນ​ ​ໃນໄລຍະ​ພະຍາດ​ເມີ​ສລະບາດ ​ເຊິ່ງຖື​ວ່າ​ລະບາດ​ຮຸນ​ແຮງ​ທີ່​ສຸດ ນອກ​ພື້ນ​ທີ່ ອາຣັບບີ ຊາ​ອູ​ດິດ ຫລັງ​ຈາກ​ພົບ​ຜູ້​ຕິດ​ເຊື້ອ​ລາຍ​ທຳ​ອິດ​ໃນ​ເດືອນ​ພຶດສະພາ​ຜ່ານ​ມາ.

ພະຍາດ​ເມີ​ສ​ໄດ້​ສົ່ງ​ຜົນ​ກະທົບ​ຢ່າງ​ໜັກ​ຕໍ່​ເສດ​ຖະກິດ​ເຮັດ​ໃຫ້ການ​ໃຊ້​ຈ່າຍ​ຂອງ​ຜູ້​ບໍລິ​ໂພ​ກຫລຸດ​ລົງ​ ​ແລະ​ ກະທົບ​ຕໍ່​ທຸລະ​ກິດ​ການທ່ອງທ່ຽວ ​ເຮັດ​ໃຫ້​ນັກ​ທ່ອງ​ທ່ຽວ​ຕ່າງປະ​ເທດ​ຫລຸດ​ລົງກວ່າ 40% ​​ໃນເດືອນ​ມິຖຸນາ ​ເມື່ອ​ທຽບ​ໃສ່​ກັບ​ໄລຍະ​ດຽວ​ກັນ​ຂອງ​ປີ​ກາຍ​ນີ້ ​ແລະ ຫລຸດລົງ​ອີກ 60%​ໃນ​ໄລຍະ 2ອາທິດທຳ​ອິດ​ຂອງ​ເດືອນ​ກໍລະກົດ.

....................................................................................................................................................................................................

ທີ່ມາ: www.kpl.gov.la