ສ.ອາເມລິກາ ປະກາດໄພພິບັດຮ້າຍແຮງຈາກໄຟປ່າກາລີຟໍເນຍ

ຕາມ​ຂ່າວ ຕ່າງປະ​ເທດ, ວັນ​ທີ 23 ກັນຍາ 2015, ທ່ານ ບາ​ຣັດ​ ​ໂອ​ບາ​ມາ, ປະທານ​ນາ ​ທິບໍດີ ຂອງ​ ສະຫະລັດ ອາ​ເມ​ລິ​ກາ ປະກາດ ​ໄພພິບັດ ຄັ້ງຮ້າຍ​ແຮງ ​ຈາກ​ໄຟ​ປ່າ ​ທາງ​ພາກ​ເໜືອ ຂອງລັດ ກາລີ​ຟໍ​ເນຍ ​ເຮັດ​ໃຫ້​ ເຮືອນ​ປະຊາຊົນ 1.200 ກວ່າ​ຫລັງ ​​ໄດ້​ຮັບ​ຄວາມ​ເສຍ​ຫາຍ ​ແລະ ​ຜູ້​ເສຍ​ຊີວິດ 3 ຄົນ. ຄຳ​ປະກາດ ​ດັ່ງກ່າວ ​ໄດ້​ມີ​ຂຶ້ນ​ ຫລັງ​ຈາກ ​ເຫດ​ໄຟ​ປ່າ ໄດ້ແຜ່ລາມໄປ​ທາງ ​ເລດຄັນທຣີ ຫ່າງໄປ 145 ກິໂລແມັດ ຈາກທາງເໜືອ ຂອງນະຄອນ ຊານຟຣານຊິສໂກ ເພື່ອໃຫ້ ລັດຖະບານກາງ ຈະໄດ້ຈັດສັນເງິນ ຊ່ວຍເຫລືອ ກໍ່ສ້າງ ແລະ ສ້ອມແປງ ທີ່ຢູ່ອາໄສ ໃຫ້ກັບ ປະຊາຊົນ ທີ່ຖືກ ເຄາະ ຮ້າຍ ຄັ້ງນີ້.

ທີ່ມາ http://kpl.gov.la/