ສ.ສ ໝີຂາວໜູນຫຼັງແຟນບານຫົວຮູນແຮງ

 

ອີກໍ ເລເບເດຟ ສະມາຊິກຜູ້ແທນລາຊະດອນຂອງລັດເຊຍອອກມາໜຸນຫຼັງແຟນບານພວກຫົວຮຸນແຮງຂອງປະເທດເຕັມທີ່ ຊີ້ສາເຫດທີ່ເກີດການວິວາດກັນມັນເປັນຍ້ອນວ່າຕຳຫຼວດເຮັດໜ້າທີ່ໄດ້ບໍ່ດີເອງບໍ່ແມ່ນຍ້ອນແຟນບານເມົາແຕ່ຢ່າງໃດ.

 

ອີກໍ ເລເບເດຟ ສະມາຊິກຜູ້ແທນລາຊະດອນຂອງປະເທດລັດເຊຍສະໜັບສະໜູນໃຫ້ແຟນບານຂອງຊາດຕົນເອງເຊຍຕາມໃຈມັກຕໍ່ໄປ ເຖິງວ່າພວກເຂົາຫາກໍສ້າງເລື່ອງໄວ້ກໍຕາມ.

 

ກອງເຊຍ “ໝີຂາວ” ກໍ່ເລື່ອງວິວາດກັບແຟນບານຂອງ “ຜູ້ດີ” ທັງກ່ອນ ແລະ ຫຼັງເກມບານຊິງແຊມເອີຣົບ “ຢູໂຣ 2016” ຮອບແບ່ງກຸ່ມ ກຸ່ມ ບີ ນັດທີ່ທັງສອງທີມສະເໝີກັນ 1-1 ເມື່ອວັນເສົາທີ່ຜ່ານມາໂດຍທີ່ ສະຫະພັນບານເຕະເອີຣົບເຖິງຂັ້ນຂູ່ວ່າຈະເອົາທັງສອງອອກຈາກການແຂ່ງຂັນຖ້າວ່າຍັງກໍ່ເລື່ອງແບບນີ້ອີກ.

 

ເລເບເດຟ ກ່າວຜ່ານ ທະວິດເຕີ ວ່າ “ຂ້ອຍບໍ່ເຫັນດີນຳເລີຍວ່າການທີ່ແຟນບານທັງສອງທີມຕີກັນມັນຈະເປັນບັນຫາຫຍັງ ທີ່ຈິງແລ້ວຕ້ອງບອກວ່າພວກເຂົາເຮັດໄດ້ດີແລ້ວຊ້ຳ!! ເຮັດແບບນີ້ຕໍ່ໄປເດີ້!!”.

 

“ສິ່ງທີ່ເກີດຂຶ້ນໃນເມືອງມາກແຊ ແລະ ເມືອງອື່ນໆຂອງຝຣັ່ງບໍ່ໄດ້ເປັນຍ້ອນການເມົາ ມັນເປັນຍ້ອນເຈົ້າໜ້າທີ່ຕຳຫຼວດເອງທີ່ບໍ່ມີຄວາມສາມາດໃນການຈັດທົວນາເມັນລະດັບນີ້ ແລະ ຂ້ອຍກໍບໍ່ເຂົ້າໃຈອີກວ່າເປັນຫຍັງບັນດານັກການເມືອງ ແລະ ເຈົ້າໜ້າທີ່ຂອງເຮົາຈຶ່ງໄດ້ຕຳນິແຟນບານຂອງເຮົາເອງ ພວກເຂົາຕ້ອງປົກປ້ອງແຟນບານເຫຼົ່ານີ້ຕົວະ!!! ພວກເຂົາຕ້ອງທຳຄວາມເຂົ້າໃຈກັບແຟນບານເຫຼົ່ານີ້” ເລເບເດຟ ລະບຸ.

 

 

ບົດຄວາມໃຫມ່ໆ