ສ​ະຫມຸນ​ໄພຕົ້ນໄຄ

ສ​ະຫມຸນ​ໄພຕົ້ນໄຄ ຊື່​ວິທະຍາ​ສາດ​ Homonoia riparia Lour. ຈັດ​ຢູ່ໃນ​ວົງ​ EUPHORBIACEAE

ລັກສະນະ​ຂອງ​ຕົ້ນໄຄ​

ຕົ້ນ​ໄຄ​ ຈັດ​ເປັນ​ໄມ້​ພຸ່ມ​ ມີ​ຄວາມ​ສູງ​ໄດ້​ປະ​ມານ​ 7 ແມັດ​ ມັກ​ຂຶ້ນ​ຕາມ​ຊອກ​ຫິນແຄມຫ້ວຍຮອງຄອງບືງ​ ຕາມ​ແມ່ນຳ້​ຫລື​ບໍລິເວນ​​ຝັ່ງ​ທະ​ເລ​ທີ່​ນຳ້​ຖ້ວມ​ເຖິງ.​

ໃບ​ໄຄ​ ຫູ​ໃບ​ເປັນ​ຮູບ​ໃບ​ຫອກ​​ ມີ​ຄວາມ​ຍາວ​ປະ​ມານ​ 0.5-0.8 ຊັ​ງຕິ​ແມັດ​ ຫຼົ່ນ​ງ່າຍ​ ສ່ວນ​ລັກສະນະ​ຂອງ​ໃບ​ເປັນ​ຮູບ​ໃບ​ຫອກ​ຫລື​ຮູບ​ແຖບ​ ມີ​ຄວາມ​ຍາວ​ປະ​ມານ​ 20 ຊັງ​ຕິ​ແມັດ​ ປາຍ​ໃບ​ຍາວ​ແຫຼມ​, ໂຄນ​ໃບ​ແຫຼມ​ ສ່ວນ​ຂອບ​ໃບ​ລຽບ​ຫລື​ເປັນ​ຈັກ​ແບບ​ແຂ້ວ​ເລື່ອຍ​ ມີ​ຕ່ອມ​ຕາມ​ຈັກ​ ແຜ່ນ​ໃບ​ດ້ານ​ລຸ່ມ​ມີນ​ວນ​ ໃບ​ມີ​ເສັ້ນ​ຂະແໜງ​ໃບ​ຢູ່​ຂ້າງ​ລະ​ 13-16 ເສັ້ນ​ ສ່ວນ​ກ້ານ​ໃບ​ຍາວ​ປະ​ມານ​ 0.4-1.5 ຊັງ​ຕິ​ແມັດ​

ດອກ​ໄຄ​ ອອກ​ດອກ​ເປັນ​ຊໍ່​ ຊໍ່ດ​ອກ​ຍາວ​ປະ​ມານ​ 7-10 ຊັງຕິ​ແມັດ​ ດອກ​ໂຕ​ຜູ້​ມີ​ຂະໜາດ​ເສັ້ນ​ຜ່ານ​ສູນ​ກາງ​ປະ​ມານ​ 0.5 ຊັງຕິ​ແມັດ​ ສ່ວນ​ກີບ​ລ້ຽງ​ເປັນ​ຮູບ​ໄຂ່​ ຍາວ​ປະ​ມານ​ 0.3-0.4 ຊັງຕິ​ແມັດ​ ກ້ານ​ເກສອນສູງ​ປະ​ມານ​ 0.3-0.6 ຊັງ​ຕິ​ແມັດ​ ສ່ວນ​ດອກ​ໂຕ​ເມຍ​ມີ​ຂະໜາດ​ເສັ້ນ​ຜ່ານ​ສູນ​ກາງ​ປະ​ມານ​ 0.2 ຊັງ​ຕິ​ແມັດ​ ມີກີບ​ລ້ຽງ​ເປັນ​ຮູບ​ໄຂ່​ຫລື​ເປັນ​ຮູບ​ຂອບ​ຂ​ະໜານ​ ຍາວ​ປະ​ມານ​ 0.1-0.2 ຊັງຕິ​ແມັດ​ ຮວຍໄຂ່​ກົມ​ ມີຂົນ​ລະອຽດ​ ແລະ​ມີ​ຂະໜາດ​ເສັ້ນ​ຜ່ານ​ສູນ​ກາງ​ປະ​ມານ​ 0.1-0.2 ຊັງຕິ​ແມັດ​ ສ່ວນ​ກ້ານ​ເກສອນ​ໂຕ​ເມຍ​ສັ້ນ​ຫລາຍ​ ຍອດ​ເກົາ​ແຢກ​ເປັນ​ 3 ແສກ​ ແຕ່​ລະ​ແສກ​ຍາວ​ໄດ້​ປະ​ມານ​ 0.3 ຊັງຕິ​ແມັດ​.

ສັບ​ພະຄຸນຂອງຕົ້ນໄຄ

  1. ສັບ​ພະຄຸນ​ຂອງຕົ້ນໄຄ ຢາງ​ຈາກ​ລຳ​ຕົ້ນ​ໃຊ້​ກິນ​ແກ້​ໄຂ້​ມາ​ລາ​ເລຍ.​
  2. ນຳ້​ຕົ້ມ​ຈາກ​ລຳ​ຕົ້ນ​ໃຊ້​ກິນ​ເປັນ​ຢາ​ຂັບ​ເຫື່ອ.​
  3. ຮາກ​ຕົ້ມ​ກັບ​ນຳ້​ໃຊ້​ເປັນ​ຢາ​ລະບາຍ​ ຫາກ​ກິນ​ຫລາຍ​ຈະ​ເຮັດໃຫ້​ຮາກ.​
  4. ນຳ້​ຕົ້ມ​ຮາກ​ຮາກ​ໃຊ້​ກິນ​ເປັນ​ຢາ​ຂັບ​ຍ່ຽວ.​
  5. ໄຄ​ ສັບພະຄຸນຊ່ວຍ​ຂັບ​ນິ່ວ​ໃນ​ກະເພາະ​ຍ່ຽວ​ ດ້ວຍ​ການ​ໃຊ້​ຮາກ​ນຳ​ມາ​ຕົ້ມ​ກັບ​ນຳ້​ກິນ.​
  6. ຊ່ວຍ​ແກ້​ນຳ້​ເຫຼືອງ​ເສຍ​ ດ້ວຍ​ການ​ໃຊ້​ຮາກ​ນຳ​ມາ​ຕົ້ມ​ກັບ​ນຳ້​ກິນ​.
  7. ປະໂຫຍດ​ຕົ້ນໄຄ ໃບ​ແລະ​ໜ່ວຍໃຊ້​ຕຳ​ພອກ​ປິ່ນປົວພະຍາດ​ຜິວ​ໜັງ​ ຜົດ​ຜື່ນ​ຄັນ​ບາງ​ປະ​ເພດ​ແລະ​ໃຫ້​ດື່ມ​ນຳ້​ທີ່​ຕົ້ມ​ຈາກ​ໃບ​ແລະ​ໜ່ວຍ​ດ້ວຍ​.

===========================================================================================================