ສ້າງຟາຍ .gif ໄດ້ງ່າຍໆດ້ວຍ GIPHY

 

 ເວັບ​ໄຊ​ສຳ­ລັບ​ຄົ້ນ​ຫາ​ຟາຍ .gif(ຟາຍ​ພາບ​ເຄື່ອນ​ໄຫວ) GIPHY ໄດ້​ເປີດ​ຕົວ​ຟີ​ເຈີ​ໃໝ່​ທີ່​ເຮັດ​ໃຫ້​ທ່ານ​ສ້າງ​ຟາຍ .gif ໄດ້​ງ່າຍໆ​ພຽງ ບໍ່​ເທົ່າ­ໃດ​ຄລິກ.

   ທ່ານ​ໃດ​ທີ່​ຢາກ​ສ້າງ​ຟາຍ .gif ທີ່​ຕັດ​ຈາກ​ຄລິບ​ວິ​ດີ​ໂອຕອນ​ນີ​ເວັບໄຊ GIPHY ໄດ້​ເພີ່ມ​ອີກ​ທາງ​ເລືອກ​ໜຶ່ງ​ໃນ​ການ​ສ້າງ​ຟາຍ .gif ໃຫ້ ແລ້ວ ໃຊ້​ເວ­ລາ​ພຽງ​ບໍ່​ເທົ່າ­ໃດ​ນາ­ທີ ເຂົ້າ​ໄປ​ທີ່ http://giphy.com/create/gifmaker

    ວິ­ທີ​ສ້າງ​ຟາຍ .gif ກໍ​ງ່າຍໆ​ພຽງ​ແຕ່​ເອົາ​ລິ້ງ​ຂອງ​ຄລິບ​ວິ​ດີ​ໂອ​ທີ່​ຕ້ອງການ​ເຮັດ​ຟາຍ .gif ແປະ​ລົງ​ໄປ ຫຼື ຈະ​ອັບ​ໂຫຼດ​ຟາຍ​ວິ​ດີ​ໂອ​ຈາກ​ໃນ​ເຄື່ອງ ເຮົາ​ເອງ​ກໍ​ໄດ້ ເມື່ອ​ສຳ­ເລັດ​ກໍ​ເລື່ອນ​ຫາ​ຊ່ວງ​ເວ­ລາ​ທີ່​ເຮົາ​ຕ້ອງ­ການ​ຕັດເປັນ​ຟາຍ​ພາບ​ເຄື່ອນ​ໄຫວ ສາ­ມາດ​ປັບ​ຄວາມ​ຍາວ​ຂອງ  .gif ໄດ້​ສູງ​ສຸດ ເຖິງ 10 ວິ­ນາ­ທີ ແລະ​ ໃສ່​ແຄ໊ບ​ເຊິນ​ກຳ­ກັບ​ຢູ່​ຮູບ​ໄດ້​ອີກ ພໍ​ສ້າງ​ສຳ­ເລັດ ແລ້ວ​ກົດ Create GIF ຖ້າ​ຈັກ​ບຶດ­ໜຶ່ງ​ກໍ​ໄດ້​ຟາຍ​ອອກ​ມາ​ສົມ​ໃຈ​ຖ້າ   ຢາກ​ຮູ້​ເປັນ​ຈັ່ງ​ໃດ​ກໍ​ລອງ​ເຂົ້າ​ໄປ​ຫຼິ້ນ​ລອງ​ເບິ່ງ ຖື​ເປັນ​ອີກ​ທາງ​ເລືອກ​ໜຶ່ງ ໃນ​ການ​ເຮັດ​ຟາຍ  .gif  ທີ່​ວ່ອງ­ໄວ ແລະ​ ງ່າຍ​ສຸດໆ.

---------------------------------------------------------------------------------------------------------------