ສູ້ເພື່ອລູກ! ພໍ່ຄົນເກັ່ງ ແມ່ຄົນກ້າ

 

ສູ້ເພື່ອລູກ! ພໍ່ຄົນເກັ່ງ ແມ່ຄົນກ້າ
-----------------------------------------------------------------------------------------------------------------------
ຍ້ອນກັບໄປປະມານເດືອນສິງຫາ 2015 ທີມງານປະກາດໄດ້ເຂົ້າໄປຊ່ວຍຄົນເຈັບ ມາແຕ່ຫຼວງພະບາງ ທີ່ເປັນໄຂ້ຂຶ້ນສະໝອງ ຊື່ ຫຼານໂທນີ (ຂ່າວຂອງໂທນີ http://on.fb.me/1Qwz0zZ) ເຊິ່ງປະຈຸບັນ ອາການຂອງ ລາວຖືວ່າດີຂຶ້ນເກືອບປົກກະຕິ.

ໃນເວລາດຽວກັນພວກເຮົາກໍ່ໄດ້ພົບອີກກໍລະນີ້ ມາແຕ່ຫຼວງພະບາງຄືກັນ ທີ່ມີອາການຄ້າຍກັນ ຄົນເຈັບແມ່ນ ທ້າວອຸໄທ ທີ່ເຈັບໜັກ ກວ່າອີກ ແລະ ປິ່ນປົວມາຫຼາຍບ່ອນ. ອາການໜັກຂອງລາວ ພໍ່-ແມ່ແມ່ນຄິດວ່າເປັນໄປໄດ້ຍາກ. ແຕ່ຍ້ອນຄວາມຮັກ ແລະ ສູ້ເອົາຊີວິດຂອງລູກທັງສອງຜົວເມຍໄດ້ດິ້ນຮົນ ປິ່ນປົວ, ບວກກັບ ການຊ່ວຍເຫຼືອຈາກສັງຄົມ ສາມາດເຮັດການຜ່າຕັດ ແລະ ປິ່ນປົວຫຼາຍຄັ້ງ ເຊິ່ງເປັນເງິນມະຫາສານ.

ດຽວນີ້ ອາການຂອງອຸໄທ ແມ່ນດີຂຶ້ນຫຼາຍ ແລະ ມື້ນີ້ ຜູ້ເປັນພໍ່ດີໃຈ ທີ່ໄດ້ຈັບມືລູກຊາຍຮຽນຍ່າງບຳບັດຮ່າງກາຍ, ອຸໄທສາມາດຕອບສະໜອງ ແລະ ພັດທະນາການດີຂຶ້ນ.

ທ້າວ ຕີ ເຊີ່ງເປັນພໍ່ຂອງ ທ້າວ ອຸໄທ(ຄົນເຈັບ) ຍັງຄົງຫາເງິນຢ່າງອົດທົນ ບໍ່ໄດ້ຕິວຽກນ້ອຍໃຫຍ່ ເພື່ອມາລ້ຽງຄອບຄົວ ແລະ ປິ່ນປົວບຳບັດ ທ້າວອຸໄທ ທີ່ອາການດີຂຶ້ນເປັນລ້ຳດັບ. ທັງຄອບຄົວອາໄສຢູ່ກັບພີ່ນ້ອງເຂດທ່າລາດ ເພາະຕ້ອງໄດ້ກັບມາໂຮງໝໍມະໂຫສົດ ກວດອາການຂອງລູກປົກກະຕິ.

ທ່ານໃດຢາກຊ່ວຍຄອບຄົວນີ້ໃຫ້ຕິດຕໍ່ໄດ້ທີ່ເບີໂທຜູ້ເປັນພໍ່ 020 97974699 ຫຼື ທ່ານສາມາດ ບໍລິຈາກເຂົ້າບັນຊີ
ທະນາຄານການຄ້າຕ່າງປະເທດລາວ ເລກບັນຊີ: 093120001127077001 (Ti Mr).

ຕິດຕໍ່ທີມງານ ALO(ອາໂຫຼ) ເບີໂທ: 020 7888 8888- 28898789
--------------------------------------------------------------

ຂ່າວຜ່ານມາ ຂອງທ້າວ ອຸໄທ:
ລາຍງານຄັ້ງທີ 5: http://on.fb.me/1QwyMZF
ລາຍງານຄັ້ງທີ 4: http://on.fb.me/1R9E5l6
ລາຍງານຄັ້ງທີ 3: http://on.fb.me/1R9E7cH
ລາຍງານຄັ້ງທີ 2: http://on.fb.me/1MDlaPC
ລາຍງານຄັ້ງທີ 1: http://on.fb.me/1GppCOZ

“ຂໍເປັນກຳລັງໃຈໃຫ້ຄອບຄົວສູ້ໆ ເພື່ອລູກ”

ຂໍ້ມູນຈາກ: ເພຈ໌ ປະກາດ