ສູນກາງແນວລາວສ້າງຊາດ ກຽມຈັດກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X

ສູນກາງແນວລາວສ້າງຊາດ ໄດ້ຈັດກອງປະຊຸມປຶກສາຫາລື ເພື່ອກຽມຄວາມພ້ອມໃຫ້ແກ່ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ໂດຍມີທ່ານ ສຈ. ດຣ ພັນດວງຈິດ ວົງສາ ປະທານສູນກາງແນວລາວສ້າງຊາດ ແລະ ຜູ້ແທນຈາກບັນດາແຂວງໃນທົ່ວປະເທດເຂົ້າຮ່ວມ.
ກອງປະຊຸມດັ່ງກ່າວ, ໄດ້ປຶກສາຫາລື ແລະ ຄົ້ນຄວ້າປະກອບຄຳຄິດ-ຄຳເຫັນ ໃສ່ເນື້ອໃນເອກະສານທີ່ສຳຄັນ ເປັນຕົ້ນ ຮ່າງບົດລາຍງານການເມືອງ, ກົດລະບຽບ ຂອງແນວລາວສ້າງຊາດສະບັບປັບປຸງ ແລະ ບຸກຄະລາກອນ ຜູ້ຈະເປັນກຳມະການສູນກາງແນວລາວສ້າງຊາດ ຄັ້ງທີ X ແລະ ວຽກງານອື່ນໆ ຈຳນວນໜຶ່ງທີ່ກ່ຽວຂ້ອງ ເຊິ່ງຜູ້ແທນກອງປະຊຸມ ຈະໄດ້ພ້ອມກັນຄົ້ນຄວ້າຕື່ມເນື້ອໃນທີ່ຍັງບໍ່ຄົບຖ້ວນ ແລະ ຕັດເນື້ອໃນບາງຕອນທີ່ເຫັນວ່າບໍ່ເໜາະສົມ ເພື່ອເຮັດໃຫ້ຮ່າງລາຍງານ, ກົດລະບຽບ ແລະ ບຸກຄະລາກອນ ໄດ້ມີຂໍ້ມູນທີ່ຄົບຖ້ວນສົມບູນ ເພື່ອກຽມໃຫ້ແກ່ກອງປະຊຸມດັ່ງກ່າວ ດຳເນີນໄປດ້ວຍຜົນສຳເລັດອັນຈົບງາມ.

CRI