ສູດ​ໄຂ່​ປິ້ງ​ປຸງ​ລົດ​ ເມ​ນູນສູດ​ແສນງ່າຍ ທີ່​ໃຜ​ໆ​ຕ່າງ​ຕິດ​ໃຈ​ ບອກ​ເລີຍ​ເຮັດ​ບໍ່​ຍາກ​ແບບທີ່​ຄິດ​!

ສູດ​ໄຂ່​ປິ້ງ​ປຸງ​ລົດ​ ເມ​ນູນສູດ​ແສນງ່າຍ ທີ່​ໃຜ​ໆ​ຕ່າງ​ຕິດ​ໃຈ​ ບອກ​ເລີຍ​ເຮັດ​ບໍ່​ຍາກ​ແບບທີ່​ຄິດ​!

ສ​ະບາຍດີ​ເຊົ້າ​ມື້​ເຮັດວຽກ​​ ໃຜ​ມັກ​ກິນ​ໄຂ່​ປິ້ງ​ແດ່​ ສາມາດ​ກິນ​ໄດ້​ກິນ​ດີ​ທັງ​ເຊົ້າ​ທັງ​ແລງ​ ເດິກໆ​ຍັງມີ​ຂາຍ​ຕາມ​ຂ້າງທາງ​ ຕອນ​ທຳອິດ​ງົງໆ​ ວ່າ​ເຂົາເຮັດແນວໃດ ໄຂ່​ເປັນໜ່ວຍ​ແຕ່​ຂ້າງ​ໃນ​ປຸງ​ລົດຊາດ​ ມື້​ນີ້​ເລີຍ​ເອົາ​ສູດ​ມາ​ຝາກ​​ ຫຼາຍ​ໆ​ ຄົນ​ໜ້າ​ຈະ​ມັກ​ກິນ​ :) 

 

ສ່ວນ​ປະສົມ​
ໄຂ່​ໄກ່​ 5 ໜ່ວຍ​
ນ້ຳ​ 1/2 ຖ້ວຍ​ຕວງ​
ຜົງ​ຊຸບ​ລົດ​ໝູ​ 1 ບ່ວງ​ຊາ​
ພິກ​ໄທ​ປົ່ນ​ 1 ບ່ວງ​ຊາ​
ນ້ຳ​ປາ​ 2 ບ່ວງ​ຊາ​
ເກືອ​ປົ່ນ​ຫຢາບ​ 1/2 ບ່ວງ​ຊາ​

ວິທີ​ເຮັດ​
1. ເຈາະ​ເປືອກ​ໄຂ່​ໃຫ້ເປັນ​ຮູ​ນ້ອຍ​ດ້ານ​ເທິງ​ ເທ​ໄຂ່​ອອກ​ມາ​ໃຫ້​ໝົດ​ ພັກ​ໄວ້​ກ່ອນ​
2. ຕີ​ໄຂ່​ທີ່​ເທອ​ອກ​ມາພໍແຕກ​ ປຸງ​ລົດ​ດ້ວຍ​ຜົງ​ຊຸບ​ລົດ​ໝູ​ ພິກ​ໄທ​ປົ່ນ​ ນ້ຳ​ປາ​ ແລະ​ ເກືອ​ປົ່ນ​ ຕື່ມ​ນ້ຳ​​ຕີ​ໃຫ້​ເຂົ້າ​ກັນ​ ກອງ​ດ້ວຍ​ກະ​ຊອນ​
3. ເທ​ສ່ວນ​ປະສົມ​ໄຂ່​ໃນ​ຂໍ້​ທີ່​ 2 ລົງ​ໃນ​ເປືອກ​ໄຂ່​ ນຳ​ໄປ​ໜຶ້ງ​ດ້ວຍ​ໄຟ​ອ່ອນ​ໆ​ ຈົນ​ສຸກ​ ຍົກ​ລົງ​ພັກ​ໄວ້​ໃຫ້​ເຢັນ​ ສຽບ​ດ້ວຍ​ໄມ້​ປາຍ​ແຫຼມ​ແລ້ວ​ນຳ​ໄປ​ປິ້ງ​