ສູດ​ເຮັດ​ວຸ້ນ​ໃນໝາກ​ພ້າວ​ ພ້ອມ​ສ່ວນ​ປະສົມ​ ເຮັດ​ແລ້ວ​ແຊ່​ເຢັນແຊບໆ​!!

ສູດ​ເຮັດ​ວຸ້ນ​ໃນໝາກ​ພ້າວ​ ພ້ອມ​ສ່ວນ​ປະສົມ​ ເຮັດ​ແລ້ວ​ແຊ່​ເຢັນແຊບໆ​!!

ໃນ​ຊ່ວງ​ອາ​ກາດ​ຮ້ອນ​ໆ​ຕ້ອງ​ຫາ​ຫຍັງ​ຫອມ​ໆ​ຫວານ​ໆ​ເຢັນ​ໆ​ມາ​ກິນໃນ​ມື້​ນີ້​ເຮົາ​ຈຶ່ງ​ຢາກ​ມາ​ນຳ​ສະເໜີ​ສູດ​ເຮັດ​ວຸ້ນ​ໃນ​ໝາກພ້າວ​ ພ້ອມ​ສ່ວນ​ປະສົມ​ ເຮັດ​ແລ້ວ​ແຊ່​ເຢັນແຊບໆ​ ມີ​ວິທີ​ການເຮັດ​ແນວໃດ​​ມາ​ເບິ່ງ​

ສິ່ງ​ທີ່​ຕ້ອງກະກຽມ​ (ສຳລັບ​ 1 ໜ່ວຍ​)
1.ໝາກ​ພ້າວ​ອ່ອນ​ 1 ໜ່ວຍ ເລືອກ​ເນື້ອ​ທີ່​ກຳ​ລັງ​ດີ​
2.ນ້ຳ​ຕານ​ຊາຍ 2 ບ່ວງ​ໂຕະ ​(ໃຜ​ມັກ​ຫວານ​ກວ່າ​ນີ້​ໃສ່​ເພີ່ມ​ໄດ້​ຕາມ​ໃຈ​)
3.ຜົງ​ວຸ້ນ ​1 ບ່ວງ​ຊາ​
4.ເກືອ​ ¼ ບ່ວງ​ຊາ​

 

ວິທີ​ການເຮັດ​
1. ໃຫ້​ນຳ​ໝາກ​ພ້າວ​ມາ​​ປອກ​ເປືອກ​ໃຫ້​ສວຍ​ງາມ​
2. ຈາກ​ນັ້ນ​ແຊ່​ໃນ​ນ້ຳ​ສົ້ມ​ສາຍ​ຊູ​ໄວ້​ປະ​ມານ​ 15 ນາ​ທີ​ເພື່ອ​ກັນ​ໝາກ​ພ້າວ​ດຳ​
3. ນຳ​ໝາກ​ພ້າວ​ມາ​ເສາະ​ ໂດຍ​ໃຫ້​ປາກ​ຄ່ອນ​ຂ້າງ​ໃຫຍ່​ສົມຄວນ​ ເພື່ອ​ທີ່​ຈະ​ໄດ້​ສະ​ດວກ​ໃນ​ການ​ຕັກ​ຊີ້ນ​ອອກ​
4. ​ເທ​ນ້ຳ​ໝາກ​ພ້າວ​ອອກ​ ແລ້ວ​ກອງ​ໃຫ້​ຮຽບຮ້ອຍ​
5. ຈາກ​ນັ້ນ​ເທ​ໃສ່​ພາ​ຊະນະ​ທີ່​ຈະ​ຕັ້ງ​ໄຟ​ ແລ້ວ​ເອົາ​ບ່ວງ​ຂູດ​ຊີ້ນ​ໝາກ​ພ້າວ​ອອກ​ໂດຍ​ບໍ່​ໃຫ້​ຖືກສ່ວນ​ຂອງ​ກະໂປະ​ ຫຼື​ ຈະ​ໃຊ້​ມື​ແມວ​ຂູດ​ກໍ​ໄດ້​ ໃຫ້​ໄດ້​ເປັນ​ຊິ້ນ​ພໍດີ​ຄຳ​ ຈາກ​ນັ້ນ​ພັກ​ຖິ້ມ​ໄວ້​
6. ນຳ​ຜົງ​ວຸ້ນ​ ແລະ ​ນ້ຳ​ຕານ​ ເກືອ​ ເທລງ​ໃນ​ພາ​ຊະນະ​ທີ່​ໃສ່​ນ້ຳ​ໝາກ​ພ້າວ​ ແລ້ວ​ຄົນ​ໃຫ້​ລະ​ລາຍ​​
7. ນຳ​ຂຶ້ນ​ຕັ້ງ​ໄຟ​ ໝັ່ນ​ຄົນ​ເລື່ອຍ​ໆ​ ເມື່ອ​ຜົງ​ວຸ້ນ​ເດືອດ​​(​ສ່ວນ​ປະສົມ​ເຂົ້າ​ກັນ​ດີ​ແລະ​ຜົງ​ວຸ້ນ​ລະ​ລາຍ​ໝົດ​ແລ້ວ​​) ຈາກ​ນັ້ນ​ປິດ​ໄປ​
8. ຖ້າບຶດໜຶ່ງ​ໃຫ້​ວຸ້ນ​ເຢັນ​ລົງ​ປະ​ມານ​ 3-5 ນາ​ທີ​ ແລ້ວ​ຄ່ອຍ​ເທ​ໃສ່​ໝາກ​ພ້າວ​ ຕາມ​ດ້ວຍ​ຊີ້ນ​ໝາກ​ພ້າວ​ທີ່​ຂູດ​ໄວ້​
9. ຈາກ​ນັ້ນ​ຄ່ອຍ​ນຳ​ເຂົ້າ​ຕູ້​ເຢັນ​

ຫຼັງ​ຈາກ​ທີ່​ໄດ້​ອ່ານ​​ແລ້ວ​ ກໍ​ໄດ້​ຮູ້​ເຖິງ​ສູດ​ເຮັດ​ວຸ້ນ​ໃນ​​ໝາກ​ພ້າວ​ ພ້ອມ​ສ່ວນ​ປະສົມ​ ເຮັດ​ແລ້ວ​ແຊ່​ເຢັນແຊບໆ​ດັບ​ກະ​ຫາຍ​ ຄາຍ​ຮ້ອນ​ໄປ​ເປັນ​ທີ່​ຮຽບຮ້ອຍ​ແລ້ວ​ ຢ່າ​ຊ້າ​ຈັດ​ກຽມ​ວັດ​ຖຸ​ດິບ​ ເຮັດ​ຕາມ​ວິທີ​ການ​ດ້ານ​ເທິງ​ແລ້ວ​ຖ້າຮັບ​ຄວາມ​ຟິນ​ຕອນ​ກິນ​ໄດ້​ເລີຍ​