ສູດ​ເດັດຫຼຸດ​ຄວາມຕຸ້ຍ​ທັນ​ໃຈ​ ເພາະ​ກິນ​ຫມາກໄມ້​ 2 ຢ່າງ​ນີ້​

ສູດ​ເດັດຫຼຸດ​ຄວາມຕຸ້ຍ​ທັນ​ໃຈ​ ເພາະ​ກິນ​ຫມາກໄມ້​ 2 ຢ່າງ​ນີ້​

ເຊື່ອ​ໄດ້​ເລີຍ​ວ່າ​ສາວ​ໆ​ ຫຼາຍ​ຄົນ​ຄົງ​ກຳ​ລັງ​ສັນ​ຫາ​ວິທີ​ຫຼຸດ​ນ້ຳ​ໜັກ​ໃຫ້​ໄດ້​ຜົນ​ດີີ​ທີ່ສຸດ​ ບາງ​ຄົນ​ເຖິງ​ຂັ້ນ​ຍອມ​ອົດ​ເຂົ້າ​ອົດ​ນ້ຳ​ ບໍ່​ກິນ​ຫຍັງ​ເລີຍ​ຈັກ​ຢ່າງ​ເພື່ອ​ໃຫ້​ສ່ວນ​ເກີນ​ຫຼຸດລົງ​ ບາງ​ຄົນ​ກໍ​ອາໄສ​ກິນ​ແຕ່​ຜັກ​ຫມາກໄມ້​ຢ່າງ​ດຽວ​
ຊຶ່ງ​ສາລະພັດ​ພວກ​ນີ້​ອາດຈະ​ໄດ້​ຜົນ​ໃນ​ໄລຍະທຳອິດ​ ແຕ່​ຫຼັງ​ຈາກ​ເວລາ​ຜ່ານ​ໄປ​ສັກ​ພັກ​ລຳ​ໄສ້​ຂອງ​ເຮົາ​ກໍ​ຈະ​ເລີ່ມ​ເຮັດວຽກ​ໄດ້​ບໍ່​ປົກກະຕິ​ ເພາະ​ສະ​ນັ້ນ​ ການຫຼຸດ​ນ້ຳ​ໜັກ​ທີ່​ດີ​ຈະ​ຕ້ອງ​ກິນ​ອາຫານ​ທີ່​ມີປະ​ໂຫຍດຄອບຄູ່​ໄປ​ກັບ​ການ​ອອກ​ກຳ​ລັງ​ກາຍ​ດ້ວຍ​
ແລະ ​ອີກ​ 1 ປັດ​ໄຈ​ທີ່​ສຳຄັນ​ກໍ​ຄື​ ການ​ກິນ​ຫມາກໄມ້​ທີ່​ມີ​ສ່ວນ​ຊ່ວຍ​ໃນ​ການ​ຂັບ​ຖ່າຍ​ນັ້ນ​ເອງ​ ມາ​ເບິ່ງ​​ດີກວ່າ​ວ່າ​ຫມາກໄມ້​ທີ່​ຖື​ວ່າ​ເປັນ​ຮາ​ຊິ​ນີ​ແຫ່ງ​ການຫຼຸດ​ນ້ຳ​ໜັກ​ນັ້ນ​ຄື​ຫມາກໄມ້​ຊະນິດ​ໃດ​ດ້ວຍ​ ມາ​ເບິ່ງ​ເລີຍ​

1. ກ້ວຍ​
ກ້ວຍ​ ເປັນ​ຫມາກໄມ້​ທີ່​ຈະ​ຊ່ວຍ​ໃຫ້​ລະບົບ​ການ​ຂັບ​ຖ່າຍ​ໃນ​ຮ່າງກາຍ​ເຮັດວຽກ​ດີ​ຂຶ້ນ​ ນອກ​ຈາກ​ນີ້​ແລ້ວ​ ກ້ວຍ​ຍັງມີ​ສານ​ວິ​ຕາ​ມິນ​ບີ​ 1 ແລະ ​ວິ​ຕາ​ມິນ​ບີ​ 2 ຊຶ່ງ​ສານ​ເຫຼົ່າ​ນີ້​ຈະ​ມີບົດ​ບາດ​ໃນ​ການ​ເລັ່ງ​ເຜົາ​ຜານໄຂ​ມັນ​ແລະ​ນ້ຳ​ຕານ​ດ້ວຍ​ ນອກ​ຈາກ​ນີ້​ ກ້ວຍ​ຍັງມີ​ໂປ​ແຕດ​ຊຽມ​ທີ່​ຊ່ວຍ​ຂັບ​ໂຊ​ດຽມ​ ຊຶ່ງ​ຈະ​ຊ່ວຍ​ຫຼຸດ​ການ​ບວມ​ໃນ​ຮ່າງກາຍ​ໄດ້​ເປັນ​ຢ່າງ​ດີ​
ປະໂຫຍດ​ຂອງ​ກ້ວຍ​ກັບ​ຄວາມ​ສວຍຄວາມ​ງາມ​
ກ້ວຍ​ມີ​ໄຟໂຕເຄ​ມິ​ຄັນ​ທີ່​ມີ​ຊ່ວຍ​ຕໍ່​ຕ້ານ​ອະ​ນຸ​ມູນ​ອິດສະຫລະ​ ຊະ​ລໍ​ຄວາມ​ແກ່​ແລະ​ຮິ້ວ​ຮອຍ​ໄດ້​ ອີກ​ທັງຍັງ​ຊ່ວຍ​ປ້ອງ​ກັນ​ພະຍາດ​ມະ​ເຮັງ​ ແລະ ​ຊ່ວຍ​ໃຫ້​ຮ່າງກາຍ​ສ້າງ​ພູ​ມ​ຄຸ້ມ​ກັນ​ໄດ້​ດີ​ຂຶ້ນ​ກວ່າບປົກກະ​ຕິ​ ຫຼາຍ​ຄົນ​ອາດຈະ​ສົງ​ໄສ​ວ່າ​ ແລ້ວ​ເຮົາ​ຄວນ​ຈະ​ກິນ​ກ້ວຍ​ໃນ​ຊ່ວງ​ໃດ​ເຖິງ​ຈະ​ເຫັນ​ຜົນ​ດີີ​ທີ່ສຸດ​? ຄຳ​ຕອບ​ກໍ​ຄື​ ຫາກ​ເຮົາ​ກິນ​ກ້ວຍ​ໃນ​ຊ່ວງ​ເຊົ້າ​ ຈະ​ເຮັດໃຫ້​ຮ່າງກາຍ​ຂອງ​ເຮົາ​ໄດ້ຮັບ​ນ້ຳ​ໃນ​ປະ ລິມານ​ທີ່ພໍ​ດີ​ ແລະ ​ຊ່ວຍ​ໃຫ້​ການ​ໄຫຼ​ວຽນ​ຂອງ​ຂອງ​ແຫລວ​ໃນ​ຮ່າງກາຍ​ດີ​ຂຶ້ນ​ດ້ວຍ​

2. ແກ້ວ​ມັງກອນ
ແກ້ວ​ມັງກອນ ເປັນ​ຫມາກ​ໄມ້​​ລົດ​ຫວານ​​ທີ່​ຊ່ວຍ​ໃຫ້​ເຮົາ​ອິ່ມ​ທ້ອງ​ໄດ້​ງ່າຍໆ ແຖມ​ຍັງ​ມີ​ກາກ​​ໃຍສູງ​ແລະ​ແຄ​​ລໍຮີຕ່ຳ​ອີກ​ດ້ວຍ ເພ​າະ​ສະນັ້ນ​ສາວໆ ຫຼາຍ​ຄົນ​ຈຶ່ງ​ເລືອກ​ກິນ​ແກ້ວ​ມັງກອນ​ເປັນ​ອາຫານ​ແລງຫລື​ກິນ​ທັງ​ຫມົດ​ກັບ​ຜັກ​​ສ​ະລັດ​ອື່ນໆ ເພື່ອ​ຊ່ວຍ​ໃນ​ການ​ຫຼຸ​​ດ​ນ້ຳໜັກ​ໂດຍ​ບໍ່​ຕ້ອງ​ຫ່ວງ​ວ່າ​ຈະ​ຄວາມ​ຫວານ​ຈະ​ໄປ​ເປັນ​ໄຂມັນ​ສະ​ສົມ​ໃນ​ພາຍຫຼັງ ຊຶ່ງ​ນອກຈາກ​ແກ້ວ​ມັງກອນ​ຈະ​ຊ່ວຍຫຼຸ​​ດ​ຄວາມ​ຕຸ້ຍ​ໄດ້​ເປັນ​ຢ່າງ​ດີ​ແລ້ວ ຍັງ​ຊ່ວຍ​​ບຳລຸງ​ຜິວ​ພັນ​ໄປ​ໃນ​​ຕົວ​ດ້ວຍ ເພ​​າະ​ໃນ​ແກ້ວ​ມັງກອນ​ນັ້ນ​ມີ​ວິຕາມິນ​ຊີ​ຢູ່​ໃນ​ປະລິມານ​ທີ່​ສູງ​ຫລາຍ​ນັ້ນ​ເອງ
ເມ​​ນູ​ແກ້ວ​ມັງ​​ກອນລົດ​ຄວາມຕຸ້ຍ
ກ່ອນ​ອື່ນ​ໃຫ້​ຜ່າ​​ແກ້ວ​ມັງກອນ​ແລ້ວ​ແບ່ງເ​​ຄິ່ງອອກ​ເປັນ​ສອງ​ສ່ວນ ຄ່ອຍໆ ລອກ​ເປື​​ອກ​ຫລື​ໃຊ້​ບ່ວງ​ຕັກ​ເຂົ້າ​ປາກ​ເລີຍ​ກໍ​ໄດ້ ຫລື​ໃຜ​ທີ່​ບໍ່​ຢາກ​ກິນ​ແກ້ວ​ມັງ ກອນ​ແບບ​ທຳ​ມະ​ດາ ກໍ​ອາດ​ຈະ​ນຳໄປ​ເຮັດ​ເປັນ​ເຄື່ອງ​ດື່ມ​ປັ່ນ​ແບບ​​ສະ​ມູດ​ຕີ້ ກິນ​ເປັນ​ເຄື່ອງ​ດື່ມ​ຍາມ​ວ່າງ​ແທນ​ເຄື່ອງ​ດື່ມ​​ປະ​ເພດ​ນ້ຳ​ອັດ​ລົມ​ຫລື​ນ້ຳຫວານ​ກໍ​ໄດ້ ຈະ​ນຳໄປ​ປະສົມ​ກັບ​​ສ​ະລັດ​ຜັກ​ຫມາກ​ໄມ້​ກໍ​ເບິ່ງ​ເຂົ້າກັນ​ດີ ຫລື ​ແມ່ນ​ແຕ່​ກິນ​ຄູ່​ກັບ​ໄອ​ສະຄ​​ຮີມ ກໍ​ສາມາດ​ປະສົມ​ກັບ​ທຸກ​ເມ​​ນູ​ໄດ້​ຢ່າງ​ລົງ​​ຕົວ