ສູດ​ເຄື່ອງ​ດື່ມ​ລ້າງ​ສານ​ພິດ​ໃນ​ລຳ​ໄສ້​ ດ້ວຍ​ແອັບ​ເປີ້ນ​ແລະ​ນ້ຳເ​ຜີ້ງ​

ສູດ​ເຄື່ອງ​ດື່ມ​ລ້າງ​ສານ​ພິດ​ໃນ​ລຳ​ໄສ້​ ດ້ວຍ​ແອັບ​ເປີ້ນ​ແລະ​ນ້ຳເ​ຜີ້ງ​

ລ້າງ​ສານ​ພິດ​ໃນ​ລຳ​ໄສ້​ຂອງ​ເຈົ້າ​ ດ້ວຍ​ 4 ສ່ວນ​ປະສົມ​ ເຮັດ​ຄວາມສະດວກ​ທີ່​ມີ​ແອັບ​ເປີ້ນ​ ແລະ ​ນ້ຳເ​ຜີ້ງລວມ​ເຂົ້າ​ໄວ້​ນຳກັນ​ 

ການເຮັດ​ຄວາມ​ສະ​ອາດ​ລຳ​ໄສ້​ໃຫຍ່​ມີ​ມາ​ຕັ້ງ​ແຕ່​ສະໄໝ​ກີກ​ບູຮານ ​ແລະ ​ໄດ້​ກາຍ​ເປັນ​ທີ່​ນິຍົມ​ໃນ​ປະເທດ​ສ​ະຫະລັດ​ອາ​ເມ​ຮິ​ກາ​ໃນ​ປີ​ ຄ.​ສ.​ 1920 ແລະ​ 1930 ວັດ​ຖຸ​ປະສົງ​ເພື່ອ​ເຮັດ​ຄວາມ​ສະ​ອາດ​ລຳ​ໄສ້​ໃຫຍ່​ທີ່​ເປັນ​ພິດ​ຈາກ​ພາຍ​ໃນ​ຮ່າງກາຍ​ (autointoxication)

ກ່າວ​ຄື​ ອາຫານ ​ແລະ ​ຊີ້ນ​ສັດ​ທີ່​ບໍ່​ໄດ້​ຖືກ​ຍ່ອຍ​ຢ່າງ​ເໝາະ​ສົມ​ ນຳ​ໄປ​ສູ່​ການ​ສະ​ສົມ​ຂອງ​ເມືອກ​ໃນ​ລຳ​ໄສ້​ໃຫຍ່​ຊຶ່ງ​ຈະ​ສ້າງ​ສານ​ພິດ​ທີ່​ເປັນ​ອັນຕະລາຍ​ຕໍ່​ຮ່າງກາຍ​ແລະ​ ກໍ່​ໃຫ້​ເກີດ​ອາການ​ຕ່າງ​ໆ​ ເຊັ່ນ​ ນ້ຳ​ໜັກ​ເພີ່ມ​ຂຶ້ນ​ ຄວາມ​ເມື່ອຍ​ລ້າ​ ແລະ​ອາການ​ປວດ​ຫົວ​

ເຈົ້າ​ຕ້ອງ​ເລືອກ​ຜັກ ​ແລະ ​ໝາກໄມ້​ສຳລັບ​ຂັ້ນ​ຕອນ​ການເຮັດ​ຄວາມ​ສະ​ອາດ​ ເພາະ​ສິ່ງເຫົ່ານີ້​ມີ​ສານ​ອາຫານ​ ແລະ​ ໄຟ​ເບີ​ສູງ​

ເຮົາ​ຈະ​ແນະ​ນຳ​ສູດ​ສຳລັບ​ການ​ລ້າງ​ລຳ​ໄສ້​ ທີ່​ອຸດົມ​ໄປ​ດ້ວຍ​ສານ​ອາຫານ​ ວິ​ຕາ​ມິນ ​ແລະ ​ໄຟ​ເບີ​ ພ້ອມ​ທັງ​ມີປະ​ສິດ​ທິ​ພາບ​ໃນ​ການ​ກຳຈັດ​ສານ​ພິດ​ອອກຈາກ​ຮ່າງກາຍ​

ດັ່ງ​ນັ້ນ​ມັນ​ຈຶ່ງ​ມີ​ແອັບ​ເປີ້ນ​ ເພາະ​ມັນ​ອັດ​ແໜ້ນ​ໄປ​ໄຟ​ເບີ​ທີ່​ຊ່ວຍ​ໃຫ້​ຖ່າຍ​​ໄດ້​ງ່າຍ​ຂຶ້ນ​ ຫມາກໄມ້​ຊະນິດ​ນີ້​ປະກອບ​ໄປ​ດ້ວຍ​ໄຟ​ເບີ​ເປັນ​ຈຳນວນ​ຫຼາຍ​ ຊ່ວຍ​ແກ້​ບັນ ຫາ​ອາການ​ຖອກທ້ອງ​​ ແລະ ​ເຈົ້າ​ຕ້ອງ​ຈຳ​ໄວ້​ວ່າ​ເມື່ອ​ເຈົ້າ​ກິນ​ແອັບ​ເປີ້ນ ​ຫຼື​ ອາ ຫານ​ທີ່​ມີ​ເສັ້ນ​ໃຍ​ສູງ​ເຈົ້າ​ຈະ​ຕ້ອງ​ດື່ມ​ນ້ຳ​ຕາມ​ຫຼາຍ​ໆ​

ເມັດ​ແຟ​ກລວມ​ຢູ່ໃນ​ການເຮັດ​ຄວາມ​ສະ​ອາດ​ນີ້​ດ້ວຍ​ ຊຶ່ງ​ເມັດ​ແຟກ​​ມີ​ໄຟ​ເບີ​​ສູງ​ແລະ ​ຍັງ​ເພີ່ມ​ການ​ດູດ​ຊຶມ​ຂອງ​ສານ​ອາຫານ​ໃນ​ລຳ​ໄສ້ ​ແລະ ​ຊ່ວຍ​ຢຶດ​ເວລາ​ໃນ​ການ​ລ້າງ​ກະເພາະ​ອາຫານ​ ກ່າວ​ຄື​ ຊ່ວຍ​ຫຼຸດ​ຄວາມ​ສ່ຽງ​ຂອງ​ມະ​ເຮັງ​ລຳ​ໄສ້​ໃຫຍ່​ແລະ ​ຊ່ວຍ​ໃນ​ການ​ສົ່ງ​ຜ່ານ​ອາຫານ​ ນອກ​ຈາກ​ນີ້​ເມັດ​ແຟ​ກ​​ຍັງ​ເຮັດ​ໜ້າທີ່​ເປັນ​ສານ​ຕ້ານ​ອະ​ນຸ​ມູນ​ອິດສະຫຼະ​ທີ່​ແຂງແຮງ​ ຊ່ວຍ​ປ້ອງ​ກັນ​ພະຍາດ​ຫົວ​ໃຈ​ ແລະ​ຫຼອດ​ເລືອດ​ ແລະ ​ເສີມ​ສຸຂະພາບ​ຂອງ​ຫົວ​ໃຈ​ໃຫ້​ແຂງ​ແຮງ​ ແລະ ​ຍັງ​ອຸດົມ​ໄປ​ດ້ວຍ​ກົດ​ໄຂ​ມັນ​ໂອ​ເມ​ກ້າ​ 3

ແຮງ​ໄປ​ກວ່າ​ນັ້ນ​ຍັງມີ​ເມັດ​ເຈຍ​ທີ່​ມີ​ເສັ້ນ​ໃຍ​ສູງ​ຫຼາຍ​ ຊ່ວຍ​ເສີມ​ລະບົບ​ທາງເດີນ​ອາ ຫານ​ ເມັດ​ເຈຍ​ອຸດົມ​ໄປ​ດ້ວຍ​ວິ​ຕາ​ມິນ​ ແລະ ​ສານ​ອາຫານ​ ທີ່​ຈະ​ຖືກ​ດູດ​ຊຶມ​ເຂົ້າ​ສູ່​ຮ່າງກາຍ​ໃນ​ລະຫວ່າງ​ການ​ລ້າງ​ພິດ​ ເມັດ​ພັນ​ຊະນິດ​ນີ້​ຍັງ​ເຮັດໃຫ້​ຮູ້ສຶກ​ອິ່ມ​ ດີ​ຕໍ່​ຜູ້​ທີ່​ຕ້ອງ​ການ​ຫຼຸດ​ນ້ຳ​ໜັກ​ ແລະ ​ມັນ​ອຸດົມ​ໄປ​ດ້ວຍ​ກົດ​ໄຂ​ມັນ​ໂອ​ເມ​ກ້າ​ 3 ທີ່​ເສີມ​ສ້າງ​ຫົວ​ໃຈ​ໃຫ້​ແຂງ​ແຮງ​

ສູດ​ແອັບ​ເປີ້ນ​ເຮັດ​ຄວາມ​ສະ​ອາດ​ລຳ​ໄສ້​ 

ສ່ວນ​ປະສົມ​
ແອັບ​ເປີ້ນ​ 1 ໜ່ວຍ​
ເມັດ​ແຟ​ກບົ​ດ​ 1 ບ່ວງ​ໂຕະ​ 
ເມັດ​ເຈຍ​ 1 ບ່ວງ​ໂຕະ​
ນ້ຳ​ເຜີ້ງ​ 1 ບ່ວງ​ຊາ​ 
ນ້ຳ​ 1 ຖ້ວຍ​

ວິທີ​ເຮັດ​
ນຳ​ສ່ວນ​ປະສົມ​ທັງ​ໝົດ​ຍົກ​ເວັ້ນ​ເມັດ​ເຈຍລົ​ງ​ໃນ​ເຄື່ອງ​ປັ່ນ​ ແລະ ​ປັ່ນ​ປະສົມ​ໃຫ້​ເຂົ້າ​ກັນ​ ຈາກ​ນັ້ນ​ເທ​ສ່ວນ​ປະສົມ​ລົງ​ໃນ​ແກ້ວ​ແລະ​ໂຫຍ​ດ້ວຍ​ເມັດ​ເຈຍ​ ຄົນ​ສ່ວນ​ປະສົມ​ປະ​ມານ​ 5 ນາ​ທີ​ ຈົນ​ເຈົ້າ​ສັງເກດ​ເຫັນ​ວ່າ​ເມັດ​ເຈຍ​ເລີ່ມ​ພອງ​ ດື່ມ​ມື້​ລະ​ 2 ເທື່ອ​ປະ​ມານ​ 15-20 ມື້​