ສູດ​ຫຼຸດ​ຄວາມ​ອ້ວນ​ງ່າຍໆ​ດ້ວຍ​ການກິນ ກິນແລະກິນ​ ບໍ່​ຕ້ອງ​ອົດ

ສູດ​ຫຼຸດ​ຄວາມ​ອ້ວນ​ງ່າຍໆ​ດ້ວຍ​ການກິນ ກິນແລະກິນ​ ບໍ່​ຕ້ອງ​ອົດ​

ໃນ ​ປະຈຸບັນ​ການ​ຫຼຸດ​ຄວາມ​ອ້ວນ​ໂດຍ​ການ​ “ອົດ​ອາຫານ​” ກາຍ​ມາ​ເປັນ​ໜຶ່ງ​ໃນ​ວິທີ​ທີ່ຄົນ​ສ່ວນ​ໃຫຍ່​ໃຫ້​ຄວາມ​ສົນ​ໃຈ​ ໂດຍ​ມີ​ຄວາມ​ເຊື່ອ​ທີ່​ຜິດ​ໆ​ວ່າ​ ການ​ອົດ​ອາຫານ​ຈະ​ສາມາດ​ຊ່ວຍ​ເຮັດໃຫ້​ຫຼຸດ​ຄວາມ​ອ້ວນ​ໄດ້​ຢ່າງ​ວ່ອງໄວ​ ແຕ່​ທີ່​ແທ້​ແລ້ວ​ການ​ຫຼຸດ​ຄວາມ​ອ້ວນ​ໂດຍ​ການ​ອົດ​ອາຫານ​ນັ້ນ​ ສົ່ງ​ຜົນ​ເສຍ​ຕໍ່​ຮ່າງກາຍ​ ແລະ​ສົມ​ດຸນ​ຂອງ​ລະບົບ​ຕ່າງ​ໆ​ ທັງຫມົດ​ໄປ​ເຖິງ​ສະພາບ​ຈິດ​ໃຈ​ໄດ້​ໃນ​ໄລຍະຍາວ​ເປັນຕາຕົກ​ໃຈ.
ແນວໃດ​ກໍ​ ຕາມ​ ແນວ​ທາງ​ໃນ​ການ​ຫຼຸດ​ນ້ຳ​ໜັກ​ບໍ່​ມີ​ພຽງແຕ່​ທາງ​ທີ່​ສົ່ງ​ຜົນທຳ ຮ້າຍ​ຕໍ່​ຮ່າງກາຍ​ສະເໝີ​ໄປ​ ຖ້າ​ຫາກ​ທຳການ​ສຶກ​ສາ​ຢ່າງ​ເຂົ້າໃຈ​ແທ້ໆ​ຈະ​ພົບ​ວ່າ​ ແທ້​ຈິງ​ແລ້ວ​ການ​ກິນ​ຢ່າງ​ຖືກ​ຕ້ອງ​ເໝາະ​ສົມ​ ກໍ​ສາມາດ​ທີ່​ຈະ​ຊ່ວຍ​ຫຼຸດ​ຄວາມ​ອ້ວນ​ ຄວບ​ຄຸມ​ນ້ຳ​ໜັກ​ຢ່າງ​ເໝາະ​ສົມ​ ແຖມຍັງ​ຊ່ວຍ​ໃຫ້​ຮ່າງກາຍ​ຂອງ​ເຈົ້າ​ໄດ້ຮັບ​ສານ​ອາຫານ​ທີ່​ຈຳ​ເປັນ​ຢ່າງ​ຄົບ​ ຖ້ວນ​ອີກ​ດ້ວຍ​ ສ່ວນ​ອາຫານ​ເຫຼົ່າ​ນັ້ນ​ຈະ​ມີ​ຫຍັງ​ນັ້ນ​ ສາມາດ​ຕິດ​ຕາມ​ອ່ານ​ໄດ້​ຈາກ​ບົດ​ຄວາມ​​ນີ້​ເລີຍ​
ອາຫານ​ທີ່​ຊ່ວຍ​ຫຼຸດ​ຄວາມ​ອ້ວນ​ທີ່​ອຸດົມ​ດ້ວຍ​ແຮ່ທາດ​ແລະ​ສານ​ອາຫານ​ຈາກ​ທຳມະຊາດ​
1.ຊາ ​ຂຽວ​ ໃນ​ຊາ​ຂຽວ​ມີ​ Catechins ທີ່​ຊ່ວຍ​ໃນ​ການ​ເຜົາ​ຜານໄຂ​ມັນ​ ແລະ​ຍັງ​ອຸດົມ​ໄປ​ດ້ວຍ​ສານ​ຕ້ານ​ອ​ະນຸ​ມູນ​ອິດສະຫລະ​ຈາກ​ທຳມະຊາດ​ທີ່​ມີ​ຊື່ ​ວ່າ​ໂພ​ລີ​ຟີນ​ ນອກ​ຈາກ​ນີ້​ຍັງ​ຊ່ວຍ​ຫຼຸດ​ຄວາມ​ຢາກ​ອາຫານ​ ຊຶ່ງ​ສົ່ງ​ຜົນ​ຕໍ່​ການ​ຫຼຸດ​ຄວາມ​ອ້ວນ​ໄດ້​ເປັນ​ຢ່າງ​ດີ​
2.ພິກ​ໄທ​ດຳ​ ອຸດົມ​ໄປ​ດ້ວຍ​ Piperine ທີ່​ຊ່ວຍ​ການ​ກໍ່​ຕົວ​ຂອງ​ເຊລໄຂ​ມັນ​ໃໝ່​ແລະຍັງ​ຊ່ວຍ​ຫຼຸດ​ລະ​ດັບ​ໄຂ​ມັນ​ໃນ ​ກະ​ແສ​ເລືອດ​ ຕໍ່​ຕ້ານ​ອະ​ນຸ​ມູນ​ອິດສະ ຫລະ​ ເພີ່ມ​ຄວາມ​ໄວ​ໃນ​ການ​ເຜົາ​ຜານແຄລໍຮີ​ທີ່​ຫຼົງ​ເຫຼືອ​ຈາກ​ການ​ເຜົາ​ໄໝ້​ບໍ່​ ໝົດ ເຮັດໃຫ້​ການ​ຫຼຸດ​ຄວາມ​ອ້ວນ​ເກີດ​ຂຶ້ນ​ໄດ້​ຢ່າງ​ມີປະ​ສິດ​ທິ​ພາບ​ຫລາຍ​ຂຶ້ນ​
4.ນ້ຳ ​ໝາກ​ນາວ​ ມີ​ຄຸນສົມບັດ​ໃນ​ການ​ຊ່ວຍ​ຫຼຸດ​ຄວາມ​ຢາກ​ອາຫານ​ໃຫ້​ນ້ອຍ​ລົງ​ແລະ​ຍັງ​ຊ່ວຍ​ ໃນ​ການ​ຍ່ອຍ​ອາຫານ​ ພ້ອມ​ກັບ​ຊ່ວຍ​ເພີ່ມ​ອັດຕາ​ການ​ຂັບ​ຂອງ​ເສຍ​ອອກຈາກ​ຮ່າງກາຍ​ໄດ້​ເປັນ​ຢ່າງ​ ດີ​
5.ປາ​ແຊລມ​ອນ​ ເປັນ​ແຫຼ່ງ​ຂອງ​ນ້ຳ​ມັນ​ປາ​ທີ່​ອຸດົມ​ສົມບູນ​ແລະ​ຍັງມີ​ໂປຼຣ​ຕິນ​ ສານ​ອາຫານ​ອື່ນ​ໆ​ໃນ​ປະລິມານ​ຫລາຍ​ ເຊັ່ນ​ ວິ​ຕາ​ມິນ​ບີ​6 ວິ​ຕາ​ມິນ​ບີ​12 ວິ​ຕາ​ມິນ​ດີ​ ໄນ​ອາ​ຊິນ​ແລະ​ຊີ​ລີ​ນຽມ​ ເປັນ​ຕົ້ນ​ ປາ​ແຊລມ​ອນ​ຍັງ​ຊ່ວຍ​ເຮັດໃຫ້​ເຈົ້າ​ຮູ້ສຶກ​ອິ່ມ​ທ້ອງ​ໄດ້​ໂດຍ​ປາສະຈາກ​ໄຂ​ ມັນ​ ນອກ​ຈາກ​ນີ້​ຍັງມີ​ກົດ​ໄຂ​ມັນ​ໂອ​ເມ​ກ້າ​-3 ທີ່​ຊ່ວຍ​ເພີ່ມ​ອັດຕາ​ການ​ສູນເສຍ​ນ້ຳ​ໜັກ​ຢ່າງ​ໄດ້​ຜົນ​
6.​ເບີ​ຮີ ອຸດົມ​ໄປ​ດ້ວຍ​ສານ​ຕໍ່​ຕ້ານ​ອ​ະນຸ​ມູນ​ອິດສະຫລະ​ທີ່​ຊ່ວຍ​ໃນ​ການ​ຄວບ​ຄຸມ​ ນ້ຳ​ໜັກ​ແລະຍັງ​ຊ່ວຍ​ຄວບ​ຄຸມ​ປະລິມານ​ນ້ຳ​ຕານ​ໃນ​ເລືອດ​ ມີ​ປະລິມານ​ຂອງ​ເສັ້ນ​ໃຍ​ອາຫານ​ສູງ​ ພ້ອມ​ກັບ​ປະ​ສິດ​ທິ​ພາບ​ສະໜັບ​ສະໜູນ​ການ​ເຜົາ​ຜານ​ອາຫານ​ທີ່​ຊ່ວຍ​ໃນ​ການ​ ຄວບ​ຄຸມ​ນ້ຳ​ໜັກ​ຂອງ​ເຈົ້າ​
7.ໝາກລະ​ ເປັນ​ພືດ​ທີ່​ມີ​ປະລິມານ​ເສັ້ນ​ໃຍ​ອາຫານ​ຢູ່​ເປັນ​ຈຳນວນ​ຫລາຍ​ ໃນ​ຂະນະ​ທີ່​ມີ​ປະລິມານ​ຂອງ​ແຄລໍ​ຮີຕ່ຳ​ ນອກ​ຈາກ​ນີ້​ຍັງ​ຊ່ວຍ​ໃນ​ການ​ຫຼຸດ​ນ້ຳ​ໜັກ​ ຫຼຸດ​ຄວາມ​ອ້ວນ​ໄດ້​ຢ່າງ​ດີ​ ດ້ວຍ​ການ​ເພີ່ມ​ຄວາມ​ອິ່ມ​ເມື່ອ​ກິນແລະ​ເລັ່ງ​ອັດຕາ​ການ​ເຜົາ​ຜານ​ຢ່າງ​ ວ່ອງໄວ​ຫລາຍ​ຂຶ້ນ​
8.ໂປຼຣ​ຕິນ​ຖົ່ວ​ເຫຼືອງ​ ເປັນ​ອາຫານ​ທີ່​ສາມາດ​ທຳການ​ຍ່ອຍ​ສະ​ລາຍ​ໄດ້​ຢ່າງ​ງ່າຍ​ດາຍ​ ນອກ​ຈາກ​ນີ້​ມັນ​ຍັງ​ດີ​ສຳລັບ​ການ​ຊ່ວຍ​ຄວບ​ຄຸມ​ນ້ຳ​ໜັກ​ຂອງ​ ແລະ​ ເລັ່ງ​ອັດຕາ​ການ​ເຜົາ​ຜານ​ໄຂ​ມັນ​ໄດ້​ຢ່າງ​ວ່ອງໄວ​ຫລາຍ​​ຂຶ້ນ​
9.ໝາກກ້ຽງ ​ ມີ​ວິ​ຕາ​ມິນ​ຊີ​ແລະ​ຄຸນສົມບັດ​ຕາມ​ທຳມະຊາດ​ທີ່​ຊ່ວຍ​ໃນ​ການ​ເຜົາ​ຜານອາຫານ​ ພ້ອມ​ກັບ​ຄຸນສົມບັດ​ໃນ​ການ​ຊ່ວຍ​ຫຼຸດ​ອິນ​ຊູ​ລິນ​ ມີ​ແຄລໍຮີຕ່ຳ​ ແຕ່​ເປັນ​ແຫຼ່ງ​ຂອງ​ໂປຼຣ​ຕິນ​ທີ່​ດີ​ ນອກ​ຈາກ​ນີ້ໝາກ​ກ້ຽງຍັງ​ເປັນ​ແຫຼ່ງ​ເສັ້ນ​ໃຍ​ອາ ຫານ​ທີ່​ດີ​ຫລາຍ​ທີ່ສຸດ​ຢ່າງ​ໜຶ່ງ​
10.ໄຂ່​ ໂປຼຣ​ຕິນ​ພາຍ​ໃນ​ໄຂ່​ຈະ​ຊ່ວຍ​ເຮັດໃຫ້​ເຈົ້າ​ຮູ້ສຶກ​ອິ່ມດົນ​ ເຮັດໃຫ້​ຫຼຸດ​ໂອ​ກາດ​ທີ່​ເຈົ້າ​ຈະ​ຖືກ​ກະຕຸ້ນ​ໃຫ້​ຮູ້ສຶກ​ຢາກ​ກິນ​ຈຸກ​ຈິກ​ ຫລາຍ​ເທື່ອ​ໃນ​ລະຫວ່າງ​ມື້​
    ການ​ກິນ​ອາຫານ​ດ້ວຍ​ຄວາມ​ເຂົ້າໃຈ​ຢ່າງ​ຖືກ​ຕ້ອງ​ ດັ່ງ​ທີ່​ໄດ້​ໃຫ້​ແນະ​ນຳ​ໄປ​ແລ້ວ​ໃນ​ຂ້າງ​ຕົ້ນ​ຈະ​ຊ່ວຍ​ເຮັດໃຫ້​ເຈົ້າ​ສາມາດ ​ຫຼຸດ​ຄວາມ​ອ້ວນ​ໄດ້​ຢ່າງ​ວ່ອງໄວ​