ສູດ​ລັບ​ໜ້າ​ອ່ອນ​ເຍົາ​ ໃຫ້ເປັນ​ສາວ​ 2000 ປີ​ ພຽງ​ເພາະ​ດື່ມໝາກຫຸ່ງ​ຕຸ໋ນ​ເກົ໋າ​ກີ້​

ສູດ​ລັບ​ໜ້າ​ອ່ອນ​ເຍົາ​ ໃຫ້ເປັນ​ສາວ​ 2000 ປີ​ ພຽງ​ເພາະ​ດື່ມໝາກຫຸ່ງ​ຕຸ໋ນ​ເກົ໋າ​ກີ້​

ມື້​ນີ້​ ມີ​ສູດ​ອາຫານ​ທີ່​ຈະ​ເຮັດໃຫ້​ເຈົ້າ​ໜ້າ​ເດັກ​ເບິ່ງ​ອ່ອນ​ເຍົາ​ ສຸຂະພາບ​ແຂງ​ແຮງ​ ມາ​ບອກ ສຳລັບ​ໃຜ​ມີ​ບັນຫາ​ເລື່ອງ​ຮິ້ວ​ຮອຍ​ກ່ອນໄ​ວ​ຫລື​ໜ້າ​ໄປ​ໄກ​ເກີນ​ອາຍຸໃຫ້​ລອງ​ເຮັດ​ ໝາກ​ຫຸ່ງ​ຕຸ໋ນ​ເກົ໋າ​ກີ້​ ກິນເບິ່ງ ພຽງແຕ່ອາທິດ​ລະ​ 3 ເທື່ອ​ເທົ່າ​ນັ້ນ​ ແຕ່​ຜົນ​ລັບມັນ​ຄຸ້ມ​ຄ່າ​ຫລາຍ​
ສູດ​ນີ້​ໄດ້​ຈາກ​ "ແມ່ຕູ້ນຸ​ຮີ​" ແມ່​ຄ້າ​ໄວ​ 102 ປີ​ ທີ່​ໃຜ​ເຫັນ​ແລ້ວ​ຕ້ອງ​ບອກ​ວ່າ​ລາວອາ​ຍຸ​ບໍ່​ເກີນ​ 70 ປີ​ ແນ່ ນອນ​ ເພາະລາວແຂງ​ແຮງ​ຫລາຍ​ ຍັງ​ຂາຍ​ຂອງ​ໃນ​ຕະຫຼາດ​ທຸກ​ມື້​ ຄິດ​ເລກ​ທອນ​ເງີນ​ເອງ​ບໍ່​ເພິ່ງ​ເຄື່ອງ​ຄິດ​ເລກ​ເລີຍ​ ແມ່ຕູ້​ເລົ່າ​ໃຫ້​ຟັງ​ວ່າ​ 20 ປີ​ທີ່​ຜ່ານມາ​ ລາວ​ບໍ່​ເຄີຍ​ປ່ວຍ​ເລີຍ​ ມື້​ໃດ​ເມື່ອຍ​ໆ​ ກໍ​ເອົາ​ຢາ​ຫອມ​ໝໍ​ສຸກ​ມາ​ປະສົມ​ນ້ຳ​ອຸ່ນ​ໆ​ ກິນ​ຊື່ນ​ໃຈ​ພຽງເທົ່ານີ້​ແທ້ໆ​ ດ້ວຍ​ຄວາມ​ບໍ່​ເຊື່ອ​ວ່າ​ລາວ​ບໍ່​ມີ​ສູດ​ລັບ​ ເລີຍ​ບອກ​ແມ່ຕູ້​ວ່າ​ ຂໍ​ສູດ​ໄດ້ບໍ ເພາະ​ຈະ​ໄດ້​ເຜີຍ​ແຜ່​ກັບ​ຄົນ​ອື່ນ​ເປັນ​ກຸສົນ​….ໄດ້ຍິນ​ແບບ​ນີ້​ແມ່ຕູ້ເລີຍ​ແນະ​ນຳ​ສູດ​….ໝາກ​ຫຸ່ງ ຕຸ໋ນ​ເກົ໋າ​ກີ້​ ມາ​ໃຫ້​
ສູດ​ລັບ​ສາວ​ 2,000 ປີ​
1. ໝາກ​ຫຸ່ງ​​ສຸກ​ 1 ໜ່ວຍ​ (ເລືອກໜ່ວຍ​ບໍ່​ໃຫຍ່​ເກີນ​ໄປ​ ພັນ​ພື້ນ​ເມືອງ​ຈະ​ດີ​ຫລາຍ​ ເລືອກ​ແບບ​ທີ່ເນື້ອຍັງ​ບໍ່​ເລະ​)
2. ເກົ໋າ​ກີ້​ 1 ກຳ​ມື​
3. ເຫັດ​ຫູ​ໜູ​ຂາວ​ 2 ດອກ​
4. ນ້ຳ​ເຜີ້ງ​ ຕາມໃຈ​​
ວິທີ​ເຮັດ​
ລ້າງ​ໝາກ​ຫຸ່ງ​​ໃຫ້​ສະ​ອາດ​ ປອກ​ເປືອກ​ ເອົາ​ເມັດອອກ​ຖິ້ມ​ ຫັ່ນ​ເປັນ​ຊິ້ນ​ນ້ອຍ​ໆ​ ພັກ​ໄວ້​ ລ້າງ​ເຫັດ​ຫູ​ໜູ​ແລະ​ເກົ໋າ​ກີ້​ໃຫ້​ສະ​ອາດ​ ແຊ່​ເຫັດ​ໃນ​ນ້ຳ​ອຸ່ນ​ໆ​ໃຫ້​ພອງ​ຕົວ​ກ່ອນ​ ແລ້ວ​ຈີກ​ເປັນ​ຊິ້ນ​ໆ​ ນ້ອຍ​ໆ​ ນຳ​ທັງ​ໝົດ​ລົງ​ໄປ​ຕົ້ມ​ ນ້ຳ​ທ່ວມ​ຂຶ້ນ​ມາ​ 4 ຂໍ້​ນິ້ວ​ ຕົ້ມ​ໄຟ​ແຮງ​ຈົນ​ເດືອດ​ ຜ່ອນ​ໄຟ​ລົງ​ອ່ອນ​ໆ​ ຕຸ໋ນ​ຕໍ່​ອີກ​ 2 ຊົ່ວ​ໂມງ​ ຕື່ມ​ນ້ຳ​ເຜີ້ງ​ຕາມ​ໃຈ
ໃຫ້​ກິນ​ເປັນ​ຕຸ໋ນ​ຮ້ອນ​ໆ​ ແທນ​ອາຫານ​ໄດ້​ເລີຍ​ ອາທິດ​ລະ​ 3 ເທື່ອ​ ເຮັດ​ເທື່ອ​ລະ​ຫຼາຍໆ​ໄດ້​ ເກັບ​ໃສ່​ຕູ້​ເຢັນ​ ແລ້ວ​ເອົາ​ອອກ​ມາ​ອຸ່ນ​ ແມ່ຕູ້​ບອກ​ສູດ​ນີ້​ຊ່ວຍ​ບຳ​ລຸງ​ຕັບ​ ຫົວ​ໃຈ​ ປອດ​ ຊ່ວຍ​ໃຫ້​ຜິວ​ງາມ​ ເລືອດ​ລົມ​ຍ່າງ​ດີ​ ຊ່ວຍ​ໃຫ້​ຖ່າຍ​ດີ​ ທ້ອງ​ບໍ່​ຜູກ​