ສູດ​ບຳ​ລຸງ​ຜິວ​ດ້ວຍ​ໝາກ​ຂາມ​ປ້ອມ​ ງາມ​ ໃສ​ ບໍ່ມີ​ສິວ​

ສູດ​ບຳ​ລຸງ​ຜິວ​ດ້ວຍ​ໝາກ​ຂາມ​ປ້ອມ​ ງາມ​ ໃສ​ ບໍ່ມີ​ສິວ​


     ໝາກ​ຂາມ​ປ້ອມ​ ເປັນ​ຫມາກໄມ້​ທີ່​ມີ​ວິ​ຕາ​ມິນ​ຊີ​ສູງ​ ບໍ່ວ່າຈະ​ເອົາ​ມາ​ກິນຫຼິ້ນຫຼືນຳ​ມາ​ເສີມ​ຄວາມງາມ​ກໍ​ໄດ້​ປະໂຫຍດ​ຄືກັນ​ ມື້​ນີ້​ເຮົາ​ຈະ​ມາ​ແນະ​ນຳ​ວິທີ​ການ​ໃນ​ການ​ເສີມ​ຄວາມ​ງາມ​ດ້ວຍ​ໝາກ​ຂາມ​ປ້ອມ​ ວ່າ​ຕ້ອງ​ເຮັດ​ແນວໃດ​​ຈຶ່ງ​ຈະ​ມີ​ໜ້າ​ຕາ​ແລະ​ຜິວ​ທີ່​ງາມ​ສົດ​ໃສ​ ມາ​ເບິ່ງ​ວິທີ່​ 

ໝາກ​ຂາມ​ປ້ອມ​ຊ່ວຍ​ບຳ​ລຸງ​ຜິວ​ໄດ້ແນວໃດ​

‘ໝາກ​ຂາມ​ປ້ອມ​’ ຫມາກໄມ້​ໜ່ວຍມົນ​ໆ​ສີ​ຂຽວ​ອົມ​ເຫຼືອງ​ ລົດ​ຝາດ​ໆສົ້ມໆ​ແລະ​ອົມ​ຫວານ​ນ້ອຍໆ​ ​ເປັນ​ທີ່​ຮູ້​ຈັກ​​ເປັນ​ຢ່າງ​ດີ​ວ່າເປັນຫມາກໄມ້​ຊະນິດ​ທີ່​ມີ​ວິ​ຕາ​ມິນ​ຊີ​ ຊຶ່ງ​ມີ​ປະລິມານ​ສູງ​ກວ່າ​ວິ​ຕາ​ມິນ​ຊີ​ໃນໝາກກ້ຽງເຖິງ​ 20 ເທົ່າ​ ຊຶ່ງ​ມີ​ສ່ວນ​ຊ່ວຍ​ໃຫ້​ຜິວ​ໜ້າ​​ຂາວ​ໃສ​ ບໍ່ມີຮອຍ​ດ່າງ​ດຳ ແຖມ​ປະລິມານ​ວິ​ຕາ​ມິນ​ຊີ​ທີ່​ມີ​ຢູ່​ຍັງ​ສາມາດ​ທົນ​ຄວາມ​ຮ້ອນ​ແລະ​ຄວາມ​ເຢັນ​ໄດ້​ສູງ​ ເພາະ​ມີ​ສານ​ຈຳ​ພວກ​ແທນ​ນິນ​ແລະ​ສານ​ໂພ​ລີ​ຟີນ​ອນ​ທີ່​ຊ່ວຍ​ປ້ອງ​ກັນ​ການ​ເກີດ​ການ​ອອກ​ຊິ​ໄດ​​ຂອງ​ວິ​ຕາ​ມິນ​ຊີ​ 

ບໍ່​ພຽງ​ແຕ່​ວິ​ຕາ​ມິນ​ຊີ​ເທົ່າ​ນັ້ນ​ທີ່​ເປັນ​ຈຸດ​ເດັ່ນ​ຂອງ​ໝາກ​ຂາມ​ປ້ອມ​ ແຕ່​ໃນ​ຫມາກໄມ້​ຊະນິດ​ນີ້​ຍັງມີ​ສານ​ທີ່​ມີ​ຊື່ເອີ້ນວ່າ​ ‘ເເອມ​ບ​ລິ​ຄາ​ນິນ​ (Emblicanin)’ ສານ​ຕ້ານ​ອ​ະນຸ​ມູນ​ອິດສະຫຼະ​ທີ່​ມີ​ສ່ວນ​ຊ່ວຍ​ໃນ​ການຫຼດ​ຄວາມ​ໝອງ​ຄ້ຳ​ຂອງ​ຜິວ​ ຫຼຸດ​ການ​ຖືກ​ທຳລາຍ​ຈາກ​ແສງ​ແດດ​ແລະ​ອະ​ນຸ​ມູນ​ອິດສະຫຼະ​ ຊະ​ລໍ​ຄວາມ​ເສື່ອມ​ຂອງ​ເຊລ​​ແລະ​ຊ່ວຍ​ຕ້ານ​ເຊື້ອ​ແບັກ​ທີ​ເຣຍ​ອັນ​ເປັນ​ສາ​ເຫດ​ຂອງ​ການ​ເກີດ​ສິວ​ໄດ້​ເປັນ​ຢ່າງ​ດີ​ 

ຍັ​ງບໍ່​ໝົດ​ແຕ່​ພຽງ​ເທົ່າ​ນັ້ນ​ ເພາະ​ເມື່ອ​ນຳ​ເອົາ​ໝາກ​ຂາມ​ປ້ອມ​ໄປ​ສະ​ກັດ​ຈົນ​ເຂັ້ມ​ຂຸ້ນ ຈະ​ໄດ້​ສານ​ສະ​ກັດ​ທີ່​ມີ​ລິດ​ຕ້ານ​ການ​ເກີດ​ອອກ​ຊິ​ເດ​ຊັນ​ ຕ້ານ​ເອນ​ໄຊຄໍ​ລາ​ຈີ​ເນດ​ (collagenase) ແລະ​ລິດ​ຕ້ານ​ເອນ​ໄຊ​​ໄທ​ໂຣ​ຊິ​ເນດ​ (Tyrosinase) ຊຶ່ງ​ມີ​ຜົນ​ເຮັດໃຫ້​ໃບ​ໜ້າ​ອ່ອນ​ໄວ​ ງາມ​ໃສ​ແລະ​ນຽນ​ນຸ່ມ​ໄດ້​ຕະຫຼອດ​ເວລາ​ແລະ​ດ້ວຍ​ຄຸນສົມບັດ​ເຫຼົ່າ​ນີ້​ ຈຶ່ງ​ເຮັດໃຫ້​ໝາກ​ຂາມ​ປ້ອມ​ຖືກ​ນຳ​ມາສະ​ກັດ​ເອົາ​ສານ​ສຳຄັນ​ໆ​ອອກ​ໄປ​ໃຊ້​ເປັນ​ສ່ວນ​ປະສົມ​ໃນ​ເຄື່ອງ​ສຳ​ອາງ​ ສ​ະບູ່​ຫຼື​ຄຮີມ​ທາ​ຜິວ​ຕ່າງ​ໆ​ ເພື່ອ​ເສີມ​ສ້າງ​ຄວາມ​ງາມ​ໃຫ້​ແກ່​ສາວ​ໆ 

ສູດ​ບຳລຸງ​ຜິວ​ໜ້າ​ດ້ວຍ​ໝາກ​ຂາມ​ປ້ອມ​ 

ແຕ່​ສຳລັບ​ໃຜ​ທີ່​ຢາກ​ບຳລຸງ​ຜິວ​ດ້ວຍ​ໝາກ​ຂາມ​ປ້ອມ​ສົດ​ໆ​ທີ່​ເກັບ​ມາ​ຈາກ​ຕົ້ນ​ ເຮົາ​ກໍ​ມີ​ວິທີ​ມາ​ແນະ​ນຳ​ຄື​ກັນ​ ມາ​ເບິ່ງ​ສູດ​ບຳລຸງ​ຜິວ​ໜ້າ​ 

ວັດ​ຖຸ​ດິບ​
1. ​ໝາກ​ຂາມ​ປ້ອມ​ທີ່​ແກ່​​
2. ຜົງ​ຂີ້​ມິ້ນ​
3. ໄຂ່​ຂາວ​ດິບ​
4. ດິນ​ສໍພອງ​
5. ນ້ຳ​ເຜີ້ງ​
6. ນ້ຳ​ສະ​ອາດ​

ວິທີ​ເຮັດ​ຄຣີມ​ໝາກ​ຂາມ​ປ້ອມ​ໃຊ້​ເອງ​ (ສູດ​ຜິວ​ປົກກະຕິ​)
1. ລ້າງ​ໝາກ​ຂາມ​ປ້ອມ​ໃຫ້​ສະ​ອາດ​
2. ເອົາ​ແຕ່ເນື້ອ​ມາບົ​ດ​ໃຫ້​ລະອຽດ​ໃຫ້​ໄດ້​ປະ​ມານ​ 1 ບ່ວງ​ຊາ​
3. ປະສົມ​ກັບ​ຜົງ​ຂີ້​ມິ້ນ​ 1/2 ບ່ວງ​ຊາ​ ໄຂ່​ຂາວ​ 1 ໜ່ວຍ​ ດິນ​ສໍ​ພອງ​ບົດ​ 1 ບ່ວງ​ໂຕະ​ແລະ​ນ້ຳ​ເຜີ້ງ​ 1 ບ່ວງ​ຊາ​
4. ປັ່ນ​ສ່ວນ​ປະສົມ​ທັງ​ໝົດ​ໃຫ້​ເຂົ້າ​ກັນ​
5. ຕື່ມ​ນ້ຳ​ສະ​ອາດ​ຕົ້ມ​ສຸກ​ລົງ​ໄປ​ປະ​ມານ​ 1/2 ຖ້ວຍ​ ປະສົມ​ໃຫ້​ເຂົ້າ​ກັນ​

ຫຼັງ​ຈາກ​ໄດ້​ຄຣີມ​ໝາກ​ຂາມ​ປ້ອມ​ທີ່​ມີເນື້ອຂຸ້ນ​ແລ້ວ​ ໃຫ້​ນຳ​ຄຣີມ​​ນີ້​ໄປ​ພອກ​ໜ້າ​ໃຫ້​ທົ່ວ​ ຍົກ​ເວັ້ນ​ບໍລິເວນ​ອ້ອມ​ດວງ​ຕາ​ແລະສົບຖິ້ມ​ໄວ້​ປະ​ມານ​ 20-30 ນາ​ທີ​ ເມື່ອ​ຄົບ​ເວລາ​ຈຶ່ງ​ລ້າງ​ອອກ​ດ້ວຍ​ນ້ຳ​ສະ​ອາດ​ ເຮັດແບບ​ນີ້​ຕິດ​ຕໍ່​ກັນ​ພຽງ​ 1-2 ເທື່ອ​ ເຈົ້າ​ກໍ​ຈະ​ເຫັນ​ຜົນ​ໄດ້​ຢ່າງ​ຊັດເຈນ​ແລ້ວ​ວ່າ​ຜິວ​ໜ້າ​ຂອງ​ເຈົ້າ​ຈະ​ກ​ະ​ຈ່າງ​ໃສ​ຂຶ້ນ​ ເອີ້ນໄດ້​ວ່າ​ເຫັນ​ຜົນ​ໄວ​ທັນ​ຕາ​ 

ແນະ​ນຳ​ເພີ່ມຕື່ມ​ ສູດ​ທີ່ກ່າວ​ມາ​ນີ້​ເໝາະ​ສຳລັບ​ຄົົນທີ່​ມີ​ຜິວ​ໜ້າປົກກະ​ຕິ​ ແຕ່​ສຳ ລັບ​​ຜູ້ຍີງ​ທ່ານ​ໃດ​ທີ່​ມີ​ບັນຫາ​ເລື່ອງ​ “ຜິວ​ມັນ​” ໃຫ້​ປ່ຽນ​ການ​ໃຊ້​ໄຂ່​ຂາວ​ໄປ​ເປັນ​ການ​ໃຊ້​ນ້ຳ​ກາຫົດປັ່ນ​ສົດ​ 1/4 ຖ້ວຍ​ແທນ​ ເພາະ​ນ້ຳ​ກາຫົດ​ຈະ​ຊ່ວຍຫຼຸດ​ຄວາມ​ມັນ​ເທີງ​ໃບ​ໜ້າ​ຂອງ​ເຈົ້າ​ລົງ​ໄປ​ໄດ້​ 

ສ່ວນ​ຄົົນທີ່​ມີ​ບັນຫາ​ຜິວ​ແຫ້ງ​ຫຼາຍ​​ ໃຫ້​ປ່ຽນ​ສ່ວນ​ປະສົມ​ທີ່​ເປັນ​ໄຂ່​ຂາວ​ເປັນ​ ‘ນ້ຳ​ມັນ​ງາ​’ ໃນ​ປະລິມານ​ 1/4 ຖ້ວຍ​ແທນ​ ເພາະ​ນ້ຳ​ມັນ​ງາ​ຈະ​ຊ່ວຍ​ຕື່ມ​ຄວາມ​ຊຸ່ມ​ຊື້ນ​ໃຫ້​ກັບ​ຜິວ​ໜ້າ​ແລະ​ບໍ່​ເຮັດໃຫ້​ຜິວ​ໜ້າ​ແຫ້ງ​ຈົນ​ເກີນ​ໄປ​ໄດ້​ 

ສ່ວນ​ປະສົມ​ທັງ​ໝົດ​ຖ້າ​ໃຊ້​ເທື່ອ​ດຽວ​ບໍ່​ໝົດ​ ຄວນ​ນຳ​ໃສ່​ພາ​ຊະນະ​ແລະ​ປິດ​ຝາ​ໃຫ້​ແຈບແລ້ວ​ນຳ​ໄປ​ເກັບ​ໄວ້​ໃນ​ຕູ້​ເຢັນ​ເພື່ອ​ນຳ​ມາ​ໃຊ້​ໃ​ນ​ເທື່ອ​ຕໍ່ໄປ​ໄດ້​ ແຕ່​ຖ້າ​ຈະໃຫ້​ໄດ້​ຜົນ​ດີີ​ແລະ​ມີປະ​ສິດ​ທິ​ພາບ​ໃນ​ການເຮັດໃຫ້​ຜິວ​ໜ້າ​ຂາວ​ໃສ​ບໍ່​ຄວນ​ໃຊ້​ຄຣີມ​ນີ້​ດົນ​ເກີນ​ 2 ເທື່ອ​ ດັ່ງ​ນັ້ນ​ ເມື່ອ​ໃຊ້​ຄົບ​ 2 ເທື່ອ​ແລ້ວ​ຄວນ​ຖິ້ມ​​ ແລ້ວ​ປະສົມ​ຄຣີມ​ຂຶ້ນ​ມາ​ໃໝ່​ເພື່ອ​ໃຊ້​ໃ​ນ​ເທື່ອ​ໜ້າ​ແທນ​ 

ຈະ​ເຫັນ​ໄດ້​ວ່າ​ ມັນບໍ່​ຍາກກັບ​ການ​ນຳ​ເອົາ​ໝາກ​ຂາມ​ປ້ອມ​ຫມາກໄມ້​ວິ​ຕາ​ມິນ​ສູງ​ມາ​ໃຊ້​ປະໂຫຍດ​ໃນ​ການ​ບຳ​ລຸງ​ຜິວ​ ບ້ານ​ໃຜ​ທີ່​ປູກ​ຫມາກໄມ້​ຊະນິດ​ນີ້​​ ຢ່າ​ລືມ​ໄປ​ເກັບໝາກແກ່​ໆ​ມາ​ເຮັດ​ຕາມ​ວິທີ​ທີ່​ເຮົາ​ບອກ​ເຈົ້າ​ເບິ່ງ​ ທັງ​ງ່າຍ​ປະ​ຫຍັດ​ແລະ​ໄດ້​ຜົນ​ດີີ​