ສູດລອກສິວສ້ຽນແບບຂັ້ນເທບ ພຽງເຮັດແບບນີ້ ຮັບຮອງສິວຫຼຸດກະຈາຍ

ສູດລອກສິວສ້ຽນແບບຂັ້ນເທບ ພຽງເຮັດແບບນີ້ ຮັບຮອງສິວຫຼຸດກະຈາຍ

ປັນຫາສິວສ້ຽນ ພົບໄດ້ທົ່ວໄປໃນໝູ່ໄວລຸ່ນໄປຈົນເຖີງໄວສູງອາຍຸ ສິວສ້ຽນ ສາມາດພົບໄດ້ຕາມບໍລິເວນດັງ ປີກດັງ ຄາງ ສອງຂ້າງແກ້ມ ແລະ ອາດຈະເລີຍໄປຈົນເຖີງຄໍດ້ານຫຼັງ

ສິວສ້ຽນ ສ່ວນໃຫຍ່ແລ້ວເກີດຈາກຄວາມຜິດປົກກະຕິຂອງເສັ້ນຂົນອ່ອນໃນຮູຂຸມຂົນ ທີ່ເກີດການອຸດຕັນແລ້ວໄໄປລວມຕົວກັນກັບໄຂມັນໃນຮູຂຸມຂົນ ຊື່ງສາມາດແນມເຫັນເປັນກະຈຸກເສັ້ນຂົນດຳໆ ຊື່ງໃນກໍລະນີທີມ່ການລົບກວນຜິວຫຼາຍ ເຊັ່ນ ການເຊັດຖູໃບໜ້າແຮງໆ ການຂັດ ຫຼື ນວດໜ້າ ຈະເຮັດໃຫ້ຮູຂຸມຂົນ ແລະ ຮາກຂົນນັ້ນແຕກ

ດ້ວຍເຫດນີ້ຂົນຈື່ງມີສິດທີ່ຈະຄຸດຢູ່ຂ້າງໃນໄດ້ເພີ່ມຫຼາຍຂຶ້ນ ກະທັ່ງກາຍມາເປັນໜາມແຫຼມໆຜຸດອອກມາເປັນສີວສ້ຽນໃນທີ່ສຸດ

ສຳລັບຄົນທີ່ກຳລັງແນມຫາວິທີ່ກຳຈັດສິວສ້ຽນ ລວມໄປເຖີງວິທີລົດປັນຫາສິວສ້ຽນແບບງ່າຍໆ ທີ່ສາມາດເຫັນຜົນໄດ້ໃນທັນທີ່ ມື້ນີ້”ຄິດອອກ”ມີສູດກຳຈັດສິວສ້ຽນທີ່ໃຜໆກໍ່ສາມາດເຮັດໄດ້ ແລະ ເຫັນຜົນດີມາຝາກທຸກຄົນ

ກ່ອນຈະມາເຂົ້າສູ່ຂັ້ນຕອນການກຳຈັດສິວສ້ຽນເທິ່ງໃບໜ້ານັ້ນ ເຮົາຂໍແນະນຳໃຫ້ເຈົ້າກຽມໜ້າໃຫ້ພ້ອມກ່ອນທີ່ຈະລົງມືກຳຈັດສິວສ້ຽນ ເພື່ອໃຫ້ໄດ້ຜົນລັບແບບ 100% ຕາມຂັ້ນຕອນຕໍ່ໄປນີ້

  • ເປີດຮູຂຸມຂົນ ດ້ວຍການໃຊ້ຜ້າຂົນໜູ​ຊຸບ​ອຸ່ນໆ ແລ້ວ​ບິດ​ໃຫ້​ມັນ​ໝາດ ຈາກ​ນັ້ນ​ນຳ​ມາ​ຄຸມ​ໜ້າ​ຖີ້ມ​ໄວ້​ປະ​ມານ 2 ນາທີ
  • ເລັ່ງສິວໃຫ້ຫຼຸດງ່າຍໆ ນຳຄີນຊີງອອຍໄປປະສົມກັບເກືອຂັດຜິວ ຈາກນັ້ນນຳໄປທາລົງເທິ່ງໃບໜ້າ ຫຼື ບໍລິເວນທີ່ຕ້ອງການກຳຈັດສິວອອກ ແລ້ວນວດເບົາໆຈັກປະມານ 2-3 ນາທີ ຈາກນັ້ນລ້າງນ້ຳອອກ
  • ພອກໜ້າ ນຳເອົານ້ຳຕານຊາຍໄປປະສົມກັບໂຍເກິດໃຫ້ໄດ້ຄຮີມພອກໜ້າແບບຂົ້ນໆ ແລ້ວນຳມາພອກໜ້າໃຫ້ທົ່ວ ຖີ້ມໄວ້ປະມານ 15 ນາທີ ຈາກນັ້ນລ້າງອອກດ້ວຍນ້ຳອີກເທື່ອ ແລ້ວເຊັດໜ້າໃຫ້ແຫ້ງ

ເລີ່ມເຂົ້າສູ່ຂັ້ນຕອນກຳຈັດສິວສ້ຽນຢ່າງເປັນທາງການ ຊື່ງສາມາດເລືອກເຮັດຕາມດ້ານລຸ່ມ ສະດວກສູດໃດກໍ່ເລືອກເຮັດໄດ້

ສູດທີ່ 1 ໄຂ່ຂາວ + ນ້ຳເຜີ້ງ + ນ້ຳໝາກນາວ + ກະດາດຊັບມັນ ພຽງແຕ່ນຳເອົາໄຂ່ຂາວໄປປະສົມໃຫ້ເຂົ້າກັນກັບນ້ຳເຜີ້ງ ແລະ ນ້ຳໝາກນາວ ເມື່ອໄດ້ແລ້ວກໍ່ນຳມາທາໃຫ້ທົ່ວໜ້າຍົກເວັ້ນປາກ ແລະ ຂອບຕາ ຈາກນັ້ນນຳກະດາດຊັບມັນມາແປະລົງບໍລິເວນທີ່ທາໄຂ່ຂາວ ຈາກນັ້ນກໍ່ຖີ້ມປະໄວ້ຈົນແຫ້ງ ແລ້ວຄ່ອຍໆລອກອອກ ໃຫ້ລອງສັງເກດເບິ່ງວ່າສິວສ້ຽນຈະຫຼຸດອອກມາກັບກະດາດຊັບມັນເປັນຈຳນວນຫຼາຍ

ສູທີ່ 2 ຜົງເຈລາຕິນ ຫຼື ແຜ່ນເຈລາຕິນ + ນົມສົດ ພຽງແຕ່ນຳເອົານົມສົດ ແລະ ຜົງເຈລາຕິນໃນສັດສ່ວນທີ່ເທົ່າກັນປະສົມລົງໃນຖ້ວຍ ຈາກນັ້ນນຳມາເຂົ້າເຕົາອົບໄມໂຄເວັບໂດຍໃຊ້ເວລາທີ່ 10 ວິນາທີ ແລ້ວປ່ອຍໃຫ້ສ່ວນປະສົມຫາຍຮ້ອນບຶດໜຶ່ງ ຢ່າໃຫ້ເຢັນຫຼາຍຈົນເກີນໄປເພາະຈະຈັບຕົວເປັນກ້ອນ ປະມານວ່າອຸ່ນໆກໍ່ນຳມາໃຊ້ໄດ້ເລີຍ

ຫຼັງຈາກນັ້ນກໍ່ນຳມາທາບໍລິເວນທີ່ຕ້ອງການລອກສິວອອກ ແນະນຳວ່າຖີ້ມໄວ້ຈົນກວ່າຈະແຫ້ງ ແລ້ວຄ່ອຍໆລອກອອກ ເວລາລອກໃຫ້ຄ່ອຍໆດືງຈາກຄາງຂຶ້ນເທິ່ງ ສຸດທ້າຍກໍ່ລອກອອກມາພ້ອມກັບສິ່ງທີ່ເຈົ້າຮູ້ຢູ່ແລ້ວວ່າຈະຕ້ອງພົບ ກໍ່ແມ່ນສິວທີ່ເຈົ້າຢາກກຳຈັດອອກໄປຈາກໃບໜ້າ ຈາກນັ້ນໃຫ້ລ້າງໜ້າດ້ວຍນ້ຳເຢັນເພື່ອປິດຮູຂຸມຂົນ