ສູດນົມສົດປະສົມຂີງເຄື່ອງດື່ມ ຂັບລົມໃນກະເພາະ

 

 ສຳ­ລັບ​ສູດ​ເຄື່ອງ​ດື່ມ​ນີ້​ເປັນ​ສູດ​ທີ່​ດື່ມ​ແຊບ​ອີກ​ສູດ​ໜຶ່ງ​ທີ່​ເຮັດ​ໄດ້ງ່າຍ​ສ່ວນ​ປະ­ສົມ​ກໍ​ມີ​ພຽງ​ບໍ່​ເທົ່າ­ໃດ​ຢ່າງ​ເໝາະ​ທີ່​ຈະ​ດື່ມ​ໃນ​ທຸກ​ລະ­ດູໂດຍ ສະ­ເພາະ ແມ່ນ​ຕອນ​ທີ່​ອາ­ກາດ​ເຢັນໆ ເພາະ​ໃຫ້​ພະ­ລັງ­ງານ ແລະ​ຄວາມ ອົບ​ອຸ່ນ​ໃຫ້​ຮ່າງ­ກາຍ​ໄດ້​ຢ່າງ​ດີ​ຈະ​ດື່ມ​ກ່ອນ​ນອນ ຫຼື ຕອນ​ເຊົ້າ​ກໍ​ໄດ້​ຮັບ­ຮອງ​ວ່າ​ອີ່ມ​ທ້ອງ ແລະ​ຮ່າງ­ກາຍ​ອົບ​ອຸ່ນ ສະ­ບາຍ​ຢ່າງ​ແນ່­ນອນ.

  • ສ່ວນ​ປະ­ສົມ ແລະ​ວິ­ທີ​ປຸງ: ນົມ​ສົດ 1 ຖ້ວຍ​ຕວງ, ນ້ຳ­ເຜິ້ງ 1 ບ່ວງ​ກາ­ເຟ, ຂີງ​ແກ່ 1 ຫົວ, ງາ​ດຳ​ບົດ​ລະ­ອຽດ 1 ບ່ວງ​ກາ­ເຟ, ໄຂ່​ໄກ່ 1 ໜ່ວຍ ເມື່ອ​ໄດ້​ທຸກ​ຢ່າງ​ຄົບ​ແລ້ວ​ກໍ​ນຳ​ເອົາ​ຂີງ​ໄປ​ລ້າງ​ນ້ຳ​ໃຫ້​ສະ­ອາດ​ຊອຍ​ເປັນ​ຕ່ອນ ພໍ­ປະ­ມານ​ບໍ່​ນ້ອຍ ແລະ​ບໍ່​ໃຫຍ່​ຈົນ​ເກີນ​ໄປ​ນຳ­ໄປ​ຕົ້ມ​ກັບ​ນົມ ສົດ​ໃສ່​ໃນ​ໝໍ້​ຄ້າງ​ໄຟ​ພໍ​ຟົດ ຈາກ​ນັ້ນ​ໃຫ້​ຖອກ​ນົມ​ສົດ​ໃສ່​ຖ້ວຍ ໂດຍ​ບໍ່​ເອົາ​ຂີງ, ໃສ່​ນ້ຳ­ເຜິ້ງ​ລົງ​ໄປ​ຄົນ​ໃຫ້​ເຂົ້າ­ກັນ​ດີ​ໃສ່​ໄຂ່​ນຳ​ລົງ ໄປ​ແລ້ວ​ຈິ່ງ​ໂຮຍ​ໜ້າ​ດ້ວຍ​ງາ​ດຳ​ດື່ມ ຂະ­ນະຮ້ອນໆ​ຈະ​ແຊບ​ຫຼາຍ​ຫາກ​ບໍ່​ມັກ​ໄຂ່​ລວກ​ຈະ​ບໍ່ໃສ່​ກໍ​ໄດ້ ແຕ່​ໃນ​ໄຂ່​ນັ້ນ​ມີ​ສານ​ອາ­ຫານ​ຢູ່​ຫຼາຍ​ຈິ່ງ ໜ້າ​ເສຍ­ດາຍ​ທີ່​ຈະ​ບໍ່​ໃສ່​ມັນ​ລົງ​ໄປ​ແຕ່​ໃນ​ສ່ວນ ຂອງ​ຂີງ​ນັ້ນ​ແມ່ນ​ເໝາະ​ທີ່​ຈະ​ກິນ​ໃນ​ຍາມ​ອາ ກາດ​ເຢັນໆ​ເພາະ​ຂີງຊ່ວຍ​ໃຫ້​ຮ່າງ­ກາຍ​ອົບ​ອຸ່ນ ພ້ອມ​ທັງ​ຊ່ວຍ​ຂັບ​ລົມ​ໃນ​ກະ­ເພາະ ແລະ​ເຮັດ​ໃຫ້​ທ້ອງ​ໃສ້​ເຮັດ​ວຽກ​ໄດ້​ດີ​ຂຶ້ນ​ດ້ວຍ.

 

ຂໍ້ມູນຈາກ: sedthakid.la