ສູດດີທ໋ອກລ້າງສານພິດເຮັດງ່າຍໆແລະຍັງເຮັດໃຫ້ຜິວງາມຮ່າງກາຍສົດຊື່ນ

 

ຊ່ວງນີ້ໃຜຮູ້ສຶກຮ່າງກາຍບໍ່ຄ່ອຍສົດຊື່ນສົດໃສຜິວພັນບໍ່ຄ່ອຍເປັ່ງປັ່ງຄືແຕ່ກ່ອນລອງມາໃຊ້ວິທີດີທ໋ອກລ້າງລຳໄສ້ກັນແບບເບົາໆງ່າຍໆໃຜໆກໍ່ເຮັດໄດ້ແຖມປະຢັດເງີນໃນກະເປົາເພື່ອປະໂຫຍດໃນການລ້າງສານຜິດພາຍໃນຮ່າງກາຍກັນ

  • ວັດຖຸດິບທີ່ຕ້ອງກຽມມີດັ່ງນີ້:
  1. ໝາກນາວເຄິ່ງໜ່ວຍ
  2. ນ້ຳເຜີ້ງ1ບ່ວງກາເຟ
  3. ໂຢເກຣິດລົດທຳມະຊາດເຄິ່ງຈອກ
  4. ນົມສົດຈືດ100%ແບບUHTຂະໜາດ180ມິລີລິດຫຼື1ກ່ອງ(ບໍ່ເອົາສູດພ່ອງມັນເນີຍເພາະນົມຈະບໍ່ຄົບ100%ແລະບາງທີເຮັດມາຈາກນົມຜົງ
  • ຂັ້ນຕອນການເຮັດເຄື່ອງດື່ມ
  1. ຜ່າໝາກນ່າເຄິ່ງໜ່ວຍໃຊ້ປາຍມີດແກະເມັດອອກແລ້ວບີບນ້ຳໝາກນາວ
  2. ຈາກນັ້ນເຕີມນ້ຳເຜີ້ງໃນປະລິມານ1ບ່ວງກາເຟ
  3. ໃສ່ໂຢເກຣິດເຄີ່ງຈອກຫຼືປະລິມານ3ບ່ວງແກງເຕັມໆ
  4. ໃສ່ນົມສົດຈືດຈຳນວນ1ກ່ອງ(ອຸ່ນຫຼືຕາມອຸນຫະພູມຫ້ອງ)
  5. ຄົນສ່ວນຜະສົມທັງ4ຢ່າງໃຫ້ເຂົ້າກັນຈົນເປັນເນື້ອດຽວຍົກນ້ຳເຜີ້ງຂື້ນມາເບີ່ງວ່າບໍ່ຕິດບ່ວງແລ້ວຄວນກິນທັນທີບໍ່ຄວນຕັ້ງປະໄວ້ຫຼືນຳໄປປແຊ່ຕູ້ເຢັນ
  • ຂໍ້ແນະນຳ
  1. ຄວນກິນຕອນເຊົ້າຫຼັງຈາກດື່ມນ້ຳ1-2ຈອກ
  2. ຊ່ວງເວລາທີ່ເໝາະສົມຄືຕັ້ງແຕ່05:30-07:00
  3. ຫຼັງການກິນອາດຈະມີການເຂົ້າຫ້ອງນ້ຳທັນທີຫຼືອາດມີການຂັບຂອງເສຍປະມານ3-4ຄັ້ງ/ມື້ໃນຊ່ວງແລກທີ່ກິນ
  4. ສຳຫຼັບຜູ້ທີ່ກິນຄັ້ງແລກແນະນຳໃຫ້ທົດລອງກິນໃນມື້ພັກເພື່ອຄວາມສະດວກໃນການເຂົ້າຫ້ອງນ້ຳ
  5. ສາມາດເພີ່ມລົດຊາດໂດຍການເພີ່ມນ້ຳເຜີ້ງແລະໝາກນາວໄດ້ຕາມຄວາມມັກຜູ້ເປັນໂລກເບົາຫວານຄວນລະວັງປະລິມານຂອງນ້ຳເຜີ້ງ
  • ປະໂຫຍດຂອງການດີທ໋ອກສູດນີ້:
  • ເໝາະສຳສັບຄົນທີ່ມີອາການຂັບຖ່າຍຍາກເພາະຊ່ວຍໃຫ້ມີການຂັບຂອງເສຍໄດ້ດີບໍ່ຕ້ອງເພີ່ງຢາລະບາຍ
  • ຊ່ວຍບັນເທົາອາການສຳຫຼັບຜູ້ທີ່ມີອາການເບື່ອອາຫານ
  • ຊ່ວຍລ້າງລຳໄສ້ຢ່າງເປັນທຳມະຊາດບໍ່ເກີດກາຍແພ້ຕໍ່ລະບົບພາຍໃນຮ່າງກາຍ

ສະດວກ,ປະຢັດ,ບໍ່ຫຍຸ້ງຍາກເພາະວັດຖຸດິບຫາຊື້ໄດ້ຕາມທ້ອງຕະຫຼາດ