ສຸດ​ຍອດ​ວິທີ​ “ກຳຈັດ​ແມງ​ສາບ​” ປະ​ຫຍັດ​ງ່າຍ​ ແລະ​ໄດ້​ຜົນ​ທັນ​ຕາ​ ບໍ່​ເຫຼືອ​ແມ່ນແຕ່​ເງົາ​ແມງ​ສາບ​

ບ້ານ​ໜ້າ​ຢູ່ອັນ​ແສນ​ສຸກ​ຂອງ​ເຈົ້າ​ ມີ​ສັດ​ຕົວ​ປ່ວນ​ມາ​ເຮັດໃຫ້​ເຈົ້າ​ລຳຄານ​ໃຈ​ຫລື​ບໍ່​ ໂດຍ​ສະ ເພາະ​ສັດ​ທີ່​ສາວ​ໆ​ຢ້ານ​ມັນ​ຄື​​ ແມງ​ສາບ​ທີ່​ໄລ່​ກໍ​ຍາກ​ ມື້​ນີ້​ຈຶ່ງ​ຂໍ​ນຳ​ສະເໜີ​ທັງຫມົດ​ສຸດ​ຍອດ​ວິທີ​ກຳຈັດ​ແມງ​ສາບ​ຕົວ​ຮ້າຍ​ອອກຈາກ​ບ້ານ​ເຈົ້າ​ ໄດ້​ຜົນ​ແລະ​ລາ​ຄາ​ບໍ່​ແພງ​ອີກ​ດ້ວຍ​.

ວິທີ​ກຳຈັດ​ແມງ​ສາບ​ແບບ​ບ້ານ​ໆ​ແບບ​ທີ່​ 1

ວິທີ​ການ​ກຳຈັດ​ແມງ​ສາບ​ແບບ​ບ້ານ​ໆ​ຄື​ໃຫ້​ເອົາ​ຂວດ​ເຫຼົ້າ​ກົມມາ​ວາງ​ທາ​ນ້ຳ​ມັນ​ພືດ​ບາງ​ໆ​ ບໍລິເວນ​ປາກ​ກວດ​ແລ້ວ​ເອົາ​ເສດ​ອາຫານ​ທີ່​ມີກິ່ນ​ຫອມ​ໆ​ໃສ່​ໄວ້​ກົ້ນ​ກວດ​(ຈາກ​ການ​ທົດລອງ​ນ້ຳ​ຕານ​ປີ໊ບ​ດີ​ທີ່ສຸດ​)ວາງ​ກວດ​ອຽງ​ປະ​ມານ​ 70 ອົງ​ສາ​ ໃຫ້​ປາກ​ກວດ​ແຕະ​ຝາ​ ຕາມ​ຊອກ​ມຸມ​ມືດ​ໃນ​ບ້ານ​ ມື້​ຕໍ່ມາເຈົ້າ​ຈະ​ໄດ້​ແມງ​ສາບ​ຢູ່ໃນ​ກວດ​ ເຮັດ​ເຊັ່ນ​ນີ້​ຊ້ຳ​ເລື້ອຍໆ​ແມງ​ສາບ​ກໍ່​ຈະ​ໝົດ​ໄປ​ຈາກ​ບ້ານ​ເຈົ້າ.​

ວິທີ​ການ​ກຳຈັດ​ແມງ​ສາບ​ແບບ​ບ້ານ​ໆ​ແບບ​ທີ່​ 2

ອຸປະກອນ​
1. ກວດ​ນ້ຳ​ຫວານ​ເຮລູບ​ອຍ​ທີ່​ໝົດ​ແລ້ວ​ 1 – 2 ກວດ​
2. ນ້ຳ​ມັນ​ໝູ​

ວິທີ​ເຮັດ​
1. ເທ​ນ້ຳ​ມັນ​ໝູນ​ລົງ​ໃນ​ກວດ​ ເຮ​ລູບ​ອຍ​ ແລ້ວ​ກໍ່ຂະເຍົ່າ​ກະໃຫ້​ນ້ຳ​ມັນ​ໝູ​ເກາະ​ທົ່ວ​ກວດ​.
2. ເອົາ​ນ້ຳ​ມັນ​ໝູ​ທາ​ຂອບ​ໃນ​ຄໍກ​ວດ​ ກະ​ໃຫ້​ກຳ​ລັງ​ລື່ນ​ພໍ​ງາມ​.
3. ເອົາ​ໄປ​ຕັ້ງ​ໄວ້​ກາງ​ຫ້ອງ​ຄົວຫລື​ແຫຼ່ງ​ທີ່​ແມງ​ສາບ​ຫຼາຍ​(ສະເພາະ​ຈຸດ​ທີ່ເຫັນ​ເລື້ອຍໆ​).
4. ຕັ້ງ​ປະ​ໄວ້​ ປະ​ມານ​ 8 ຊົ່ວ​ໂມງ​ ແນະ​ນຳ​ໃຫ້​ຕັ້ງ​ໄວ້​ກ່ອນ​ນອນ​.
5. ຕື່ນ​ມາຕອນ​ເຊົ້າ​ມາ​ແມງ​ສາບ​ຈະ​ເຕັມ​ທັງ​ກວດ​ ແຕ່​ອອກ​ມາ​ບໍ່​ໄດ້​ຄົົນທີ່​ຢ້ານ​ແມງ​ສາບ​ ບໍ່​ຄວນ​ເຮັດ​ ເພາະ​ອາດຈະ​ຕົກ​ໃຈ​ໄດ້.​
6. ເອົາ​ຝາ​ນ້ຳ​ຫວານ​ເຮ​ລູບ​ອຍ​ປິດ​ໄວ້​ ແລ້ວ​ຝາກ​ໃຫ້​ລົດ​ຂີ້ເຫຍື້ອ​ໄປ​.

ວິທີ​ກຳຈັດ​ແມງ​ສາບ​ ແບບ​ອື່ນ​ໆ​

# ແມງ​ສາບ​ມັກ​​ຢູ່ໃນ​ມຸມ​ອັບ​ ຜະລິດ​ລູກ​ຫຼານ​ອອກ​ມາ​ຢ່າງ​ຫລວງ​ຫລາຍ​ ວິທີ​ກຳຈັດ​ງ່າຍ​ ໆ​ ກໍ​ຄື​ ເອົາ​ນ້ຳ​ຕານ​ຄ່ຽວ​ກັບ​ນ້ຳ​ໃຫ້​ມີກິ່ນ​ຫອມ​ແລ້ວ​ນຳ​ໄປ​ໃສ່​ໃນ​ຊາມ​ຫລື​ພາ​ຊະນະ​ທີ່​ມີຄວາມລື່ນ​ ເພາະ​ເມື່ອ​ແມງ​ສາບ​ໄດ້​ກິ່ນ​ ມັນ​ຈະ​ລົງ​ໄປ​ກິນ​ແຕ່​ບໍ່​ສາມາດ​ໄຕ່​ຂຶ້ນ​ມາ​ໄດ້​ ວິທີ​ນີ້​ກໍ​ຈະ​ຊ່ວຍ​ຫຼຸດ​ພົນລະ ເມືອງ​ແມງ​ສາບ​ໄດ້​ຫລາຍ​ແລະ​ຖ້າ​ກັນ​ມົດ​ແລະ​ແມງ​ສາບ​ເຂົ້າໄປ​ໃນ​ຕູ້​ເສື້ອ​ຜ້າ​ ຫລື​ ຕູ້​ຫນັງສື​ ໂດຍ​ໃຊ້​ກ້ານ​ພູ​ແລະ​ພິກ​ໄທ​ເມັດ​ບັນ​ຈຸ​ໃສ່​ຖົງ​ຜ້າ​ນ້ອຍ​ໆ​ ແລ້ວ​ນຳ​ໄປ​ໄວ້​ຕາມ​ຊອກ​ຂອງ​ຕູ້​ເສື້ອ​ຜ້າ​ ຫລື​ ຕູ້​ຫນັງສື.​

# ນຳ​ກວດ​ແກ້ວ​ທີ່​ມີ​ປາກ​ຄ່ອນ​ຂ້າງ​ກວ້າງ​ໃສ່​ນ້ຳ​ແກງ​ຈືດ​ຫລື​ນ້ຳ​ຕົ້ມ​ຍຳ​ທີ່​ເຫຼືອ​ຈາກ​ການ​ຮັບ​ປະ​ທານ​ອາຫານ​(ໃສ່​ປະ​ມານ​ເຄີ່ງ​ກວດ​)ແລ້ວ​ນຳ​ໄປ​ວາງ​ໄວ້​ບໍລິເວນ​ຊອກ​ຫລື​ມຸມ​ຫ້ອງ​ພາຍ​ໃນ​ບ້ານ​ ໂດຍ​ວາງ​ໃຫ້​ຊິດ​ຕິດ​ກັບ​ຝາ​ເພື່ອ​ລໍ້​ໃຫ້​ແມງ​ສາບ​ທີ່​ໄຕ່​ຕາມ​ຝາ​ລົງ​ມາ​ກິນ​ນ້ຳ​ແກງ​ໃນ​ກວດ​ ເຮັດໃຫ້​ບໍ່​ສາມາດ​ປີນ​ກັບ​ຂຶ້ນ​ມາ​ໄດ້.​

# ໃຊ້​ບ້ານ​ແມງ​ສາບ​ ຊຶ່ງ​ເປັນ​ກາວ​ດັກ​ແມງ​ສາບ​ທີ່​ບໍ່​ເປັນ​ອັນຕະລາຍ​ຕໍ່ຄົນ​ແລະ​ສັດ​ລ້ຽງ​ ມີປະ​ສິດ​ທິ​ພາບ​ໃນ​ການ​ດັກ​ຈັບ​ແມງ​ສາບ​ໄດ້​ດີ​ ໃຊ້​ງ່າຍ​ພຽງ​ແຕ່ແກະ​ກ່ອງ​ກະ​ດາດ​ແລ້ວ​ນຳ​ແຜ່ນ​ເຫຍື່ອ​ໄປ​ວາງ​ໄວ້​ສູນກາງ​ແຜ່ນ​ກາວ​ແລະ​ພັບ​ເປັນ​ຮູບ​ບ້ານ​ ນຳ​ໄປ​ວາງ​ໄວ້​ຕາມ​ຫ້ອງ​ຫລື​ຊອກ​ມຸມ​ທີ່​ມີ​ແມງ​ສາບ​ມາ​ ເມື່ອ​ມີ​ແມງ​ສາບ​ມາ​ຕິດ​ຈົນ​ເຕັມ​ ໃຫ້​ພັບ​ບ້ານ​ແມງ​ສາບ​ເຂົ້າ​ທຸກ​ດ້ານ​ ແລ້ວ​ນຳ​ໄປ​ຖິ້ມ​ລົງ​ຖັງ​ຂີ້ເຫຍື້ອ​ ບ້ານ​ແມງ​ສາບ​ມີ​ອາ​ຍຸ​ການ​ໃຊ້​ງານ​ດົນ​ປະ​ມານ​ 3-4 ອາທິດ.​

# ເອົາ​ປູນ​ຊີ​ເມນ​ ມາ​ປະສົມ​ກັບ​ຫຍັງ​ຫອມ​ໆ​ ໜ້າ​ກິນ​ ເຊັ່ນ​ ນົມ​ຜົງ​, ໂອ​ວັນ​ຕິນ​ຫລື​ຖົ່ວ​ບົດ​ ໃສ່​ຖາດ​ວາງ​ໃວ້​ໃນ​ທີ່​ທີ່​ແມງ​ສາບ​ມັກ​ຍ່າງ​ຜ່ານ​ ແລ້ວ​ກໍ​ເອົາ​ຂັນ​ໃສ່​ນ້ຳ​ວາງ​ໄວ້​ຂ້າງ​ໆ​ ເມື່ອ​ແມງ​ສາບ​ໄດ້​ກິນ​ອາຫານ​ປະສົມ​ປູນ​ຊີ​ເມນ​ແລະ​ກິນ​ນ້ຳ​ເຂົ້າໄປ​ ປູນ​ຊີ​ເມນ​​ເມື່ອ​ປະສົມ​ກັບ​ນ້ຳ​ກໍ​ຈະ​ແຂງ​ຕົວ​ໃນ​ທ້ອງ​ຂອງ​ມັນ.​

==================================================================================================