ສຸດ​ຍອດ​! 9 ເລື່ອງ​ລາວ​ຂອງ​ຕັບ​ ທີ່​ເຈົ້າ​ຄວນ​ຮູ້​ ອ່ານ​ແລ້ວ..ຈະ​ຮູ້ສຶກ​ຮັກ​ຕັບ​ຫຼາຍ​ຂຶ້ນ​

ສຸດ​ຍອດ​! 9 ເລື່ອງ​ລາວ​ຂອງ​ຕັບ​ ທີ່​ເຈົ້າ​ຄວນ​ຮູ້​ ອ່ານ​ແລ້ວ..ຈະ​ຮູ້ສຶກ​ຮັກ​ຕັບ​ຫຼາຍ​ຂຶ້ນ​ 

ຕັບ​ເປັນ​ອະໄວຍະວະ​ສຳຄັນ​ຂອງ​ຮ່າງກາຍ​ ຫຼາຍ​ຄົນ​ອາດ​ບໍ່​ເຄີຍ​ຮູ້​ມາ​ກ່ອນ​ວ່າ​ ຫນ້າທີ່​ຂອງ​ຕັບ​ມີ​ຫຍັງ​ດ້ວຍ​ ມາ​ເບິ່ງ​ເລື່ອງ​ລາວ​ຂອງ​ຕັບ​ 9 ຂໍ້​ທີ່​ເຈົ້າ​ຄວນ​ຮູ້​​
     1. ຂ້ອຍ​ສະ​ສົມ​ທາດ​ເຫຼັກ​ສຳ​ຮອງ​ ທັງຫມົດ​ທັງ​ ວິ​ຕາ​ມິນ​ ແລະ​ ແຮ່ທາດ​ຕ່າງ​ໆ​ ທີ່​ເຈົ້າ​ຕ້ອງ​ການ​ ຫາກ​ບໍ່​ມີ​ຂ້ອຍ​ ເຈົ້າ​ກໍ​ຈະ​ບໍ່​ມີ​​ແຮງ​ທີ່​ຢູ່​ຕໍ່ໄປ​
     2. ຂ້ອຍ​ຜະລິດ​ນ້ຳ​ຍ່ອຍ​ ສຳລັບ​ຍ່ອຍ​ອາຫານ​ໃຫ້​ເຈົ້າ​ ຫາກ​ບໍ່​ມີ​ຂ້ອຍ​ ເຈົ້າ​ກໍ​ສູນ​ເສຍ​ອາຫານ​ ຈົນ​ບໍ່​ມີ​ຫຍັງ​ເຫຼືອ​ຢູ່​
     3. ຂ້ອຍ​ເຮັດ​ຫນ້າທີ່​ລ້າງ​ພິດ​ຂອງ​ພວກ​ສານ​ເຄ​ມີ​ທີ່​ເຈົ້າ​ມອບ​ໃຫ້​ຂ້ອຍ​ ບໍ່​ວ່າ​ຈະ​ເປັນ​ ແອນ​ກໍ​ຮໍ​,​ ເບຍ,​ ໄວ​ ຢາ​ຕ່າງ​ໆ​(ທີ່​ມີ​ ແລະ​ບໍ່​ມີ​ໃບ​ສັ່ງ​ຂອງ​ແພດ​) ທັງຫມົດ​ທັງ​ບັນດາ​ສິ່ງ​ຜິດ​ກົດ​ໝາຍ​ທັງ​ຫຼາຍ​ ຫາກ​ບໍ່​ມີ​ຂ້ອຍ​ແລ້ວ​ນິໄ​ສ​ບໍ່​ດີ​ຂອງ​ເຈົ້າ​ ກໍ​ຈະ​ຂ້າ​ເຈົ້າ​ໄປ​ແລ້ວ​
     4. ຂ້ອຍ​ເກັບ​ພະລັງ​ງານ​ເໝືອນ​ແບດ​ເຕີ​ຮີ ໂດຍ​ສະ​ສົມ​ນ້ຳ​ຕານ​(ຄາ​ໂບ​ໄຮ​ເດດ, ກູໂຄດ​ ແລະ​ໄຂ​ມັນ​) ໄວ້​ໃຫ້​ເຈົ້າ​ ເມື່ອ​ເຈົ້າ​ຕ້ອງ​ການ​ມັນ​ ຫາກ​ບໍ່​ມີ​ຂ້ອຍ​ ລະ​ດັບ​ນ້ຳ​ຕານ​ໃນ​ເລືອດ​ຂອງ​ເຈົ້າ​ຈະ​ຫຼຸດລົງ​ຕ່ຳ​ຫລາຍ​ ຈົນ​ເຮັດໃຫ້​ເຈົ້າ​ລົ້ມ​ໄປ​
     5. ຂ້ອຍ​ສ້າງ​ເລືອດ​ໃຫ້​ລະບົບ​ຕ່າງ​ໆ​ ຂອງ​ເຈົ້າ​ ກ່ອນ​ທີ່​ເຈົ້າ​ຈະ​ເກີດ​ອີກ​ ຫາກ​ບໍ່​ມີ​ຂ້ອຍ​ແລ້ວ​ກໍ​ຄົງ​ຈະ​ບໍ່​ມີ​ເຈົ້າ​ຢູ່​ບ່ອນນີ້​
     6. ຂ້ອຍ​ຜະລິດ​ໂປຼຣ​ຕິນ​ໃໝ່​ທີ່​ຮ່າງກາຍ​ຂອງ​ເຈົ້າ​ຕ້ອງ​ການ​ ເພື່ອ​ການ​ມີ​ສຸຂະ ພາບ​ດີ​ແລະ​ຈະເລີນ​ເຕີບໃຫຍ່ ຫາກ​ບໍ່​ມີ​ຂ້ອຍ​ແລ້ວ​ເຈົ້າ​ກໍ​ຈະ​ບໍ່​ຈະເລີນ​ເຕີບໃຫຍ່​ຢ່າງ​ທີຄວນ
     7. ຂ້ອຍ​ກັ່ນ​ກອງ​ສານ​ພິດ​ຈາກ​ອາ​ກາດ​ ຄວັນລົດ ແລະ​ສານ​ເຄ​ມີ​ ທີ່​ເຈົ້າ​ຫາຍ​ໃຈ​ເຂົ້າໄປ​ ຫາກ​ບໍ່​ມີ​ຂ້ອຍ​ແລ້ວ​ເຈົ້າ​ກໍ​ຈະ​ເໝືອນ​ຖືກ​ວາງ​ຢາ​ພິດ​ໂດຍ​ມົນ​ລະພິດ​ເຫຼົ່າ​ນັ້ນ​
     8. ຂ້ອຍ​ຜະລິດ​ສານ​ເຮັດໃຫ້​ເລືອດ​ແຂງ​ຕັວ​ ຖ້າ​ເຈົ້າ​ບັງ​ເອີຍ​ໄປຖືກ​ຫຍັງ​ບາດ​ ຫາກ​ບໍ່​ມີ​ຂ້ອຍ​ແລ້ວ​ເຈົ້າ​ຈະ​ຕ້ອງ​ຕາຍ​ເພາະ​ເລືອດ​ໄຫຼ​ບໍ່​ຢຸດ​
     9. ຂ້ອຍ​ຄອຍ​ຖ້າ​ຕໍ່ສູ້​ ປ້ອງ​ກັນ​ບໍ່​ໃຫ້​ເຊື້ອ​ພະຍາດ​ຕ່າງ​ໆ​ ໂຈມ​ຕີ​ເຈົ້າ​ ບໍ່​ວ່າ​ຈະ​ເຊື້ອ​ຫວັດ​ ຫລື​ ໄຂ້​ຫວັດ​ໃຫຍ່​ ຫຍັງ​ກໍ​ຕາມ​ ຂ້ອຍ​ຈະ​ນ໋ອກ​ມັນ​ໃຫ້​ຕາຍ​ໝົດ​ ຫລື​ ບໍ່​ກໍ​ເຮັດໃຫ້​ມັນ​ອ່ອນ​ແຮງ​ລົງ​ ຫາກ​ບໍ່​ມີ​ຂ້ອຍ​ແລ້ວ​ເຈົ້າ​ກໍ​ຄື​ເປົ້າ​ນິ່ງ​ ຖ້າ​ໃຫ້​ສາລະພັດ​ພະຍາດ​ໂຈມ​ຕີ​
     ເບິ່ງ​ວ່າ​ ຂ້ອຍ​ຮັກ​ເຈົ້າ​ຊ້ຳ​ໃດ​ແລ້ວ​ເຈົ້າ​ ຮັກ​ຂ້ອຍ​ດ້ວຍ​ບໍ​ ?
     ຂໍ​ໃຫ້​ຂ້ອຍ​ບອກ​ວິທີ​ງ່າຍໆ​ ທີ່​ຈະ​ ຮັກ​ ຂ້ອຍ​ , ຕັບ​ ຂອງ​ເຈົ້າ​ ຢ່າ​ກົດ​ຂ້ອຍ​ໃຫ້​ຕ້ອງ​ຈົມ​ລົງ​ໃນ​ນ້ຳ​ເບຍ​​ ແອນ​ກໍ​ຮໍ​ ຫລື​ ໄວ​ ເລີຍ​ ສຳລັບ​ບາງ​ຄົນ​ແລ້ວ​ພຽງ​ແກ້ວ​ດຽວ​ ກໍ​ເຮັດໃຫ້​ຂ້ອຍ​ເປັນ​ແຜ​ເປັນ​ໄປ​ຕະຫລອດ​ຊີວິດ​
     ລະ​ວັງ​ບັນດາ​ " ຢາ​ " ທັງ​ຫຼາຍ​ ຢາ​ທຸກ​ຢ່າງ​ມາ​ຈາກ​ສານ​ເຄ​ມີ​ ແລະ​ເມື່ອ​ເຈົ້າ​ເອົາ​ມັນ​ມາ​ປະສົມ​ກັນ​ເຂົ້າ​ ໂດຍ​ບໍ່​ມີ​ຄຳ​ແນະ​ນຳ​ຈາກ​ແພດ​ ມັນ​ກໍ​ກາຍ​ເປັນ​ຢາ​ພິດ​ ທີ່​ສາມາດ​ທຳລາຍ​ຂ້ອຍ​ໄດ້​ຢ່າງ​ດີ​ ຂ້ອຍ​ເປັນ​ແຜ​ເປັນ​ງ່າຍ​ ເມື່ອ​ເປັນ​ແລ້ວ​ ເປັນ​ຢ່າງ​ຖາ ວອນ ບາງ ເທື່ອ​ຢາ​ກໍ​ເປັນ​ສິ່ງ​ຈຳ​ເປັນ​ ແຕ່​ການ​ກິນ​ຢາ​ເກີນ​ຄວາມ​ຈຳ​ເປັນ​ ເປັນ​ນິໄ​ສ​ບໍ່​ດີ​ ບັນດາ​ສານ​ເຄ​ມີ​ເຫຼົ່າ​ນັ້ນ​ ສາມາດ​ທຳລາຍ​ຕັບ​ໄດ້​
     ຈົ່ງ​ລະ​ວັງ​ບັນດາ​ກະ​ປ໋ອງ​ສະ​ເປ​ທັງ​ຫຼາຍ​ ຈຳ​ໄວ້​ວ່າ​ ຂ້ອຍ​ຈະ​ຕ້ອງ​ລ້າງ​ພິດ​ທຸກ​ຢ່າງ​ທີ່​ເຈົ້າ​ຫາຍ​ໃຈ​ເອົາ​ເຂົ້າໄປ​ດ້ວຍ​ ດັ່ງ​ນັ້ນ​ ເວລາ​ເຈົ້າ​ເຮັດ​ຄວາມ​ສະ​ອາດ​ຫຍັງ​ດ້ວຍ​ພວກ​ສະ​ເປ ຕ້ອງ​ໃຫ້​ມີ​ອາ​ກາດ​ຖ່າຍ​ເທ​ໄດ້​ສະ​ດວກ​ ຫລື​ສວມ​ໜ້າ​ກາກ​ດ້ວຍ​ ອັນຕະ ລາຍ​ເພີ່ມ​ເປັນ​ສອງ​ເທົ່າ​ ສຳລັບ​ພວກ​ສະ​ເປ​ ຂ້າ​ແມງໄມ້​, ຂ້າ​ເຊື້ອ​ລາ,​ ສີ​ແລະ​ສານ​ເຄ​ມີ​ ລະ​ວັງ​ວ່າ​ເຈົ້າ​ຫາຍ​ໃຈ​ເອົາ​ຫຍັງ​ເຂົ້າໄປ​
     ລະ​ວັງ​ວ່າ​ຫຍັງ​ຖືກ​ຜິວ​ໜັງ​ເຈົ້າ​ດ້ວຍ​ ຢາ​ຂ້າ​ແມງໄມ້​ທີ່​ເຈົ້າ​ສີດ​ຕົ້ນ​ໄມ້​ ພຸ່ມ​ໄມ້​ນັ້ນ​ ສາມາດ​ຜ່ານ​ຜິວ​ໜັງ​ຂອງ​ເຈົ້າ​ເຂົ້າ​ມາ​ໂຈມ​ຕີ​ຂ້ອຍ​ໄດ້​ດ້ວຍ​ ປ້ອງ​ກັນ​ຜິວ​ໜັງ​ຂອງ​ເຈົ້າ​ໂດຍ​ການ​ສວມ​ຖົງ​ມື​ ໃສ່​ເສື້ອ​ແຂນຍາວ​ ໝວກ​ ໜ້າ​ກາກ​ທຸກ​ເທື່ອ​ທີ່​ເຈົ້າ​ສີດ​ຢາ​ຂ້າ​ແມງໄມ້​
     ຄຳ​ເຕືອນ​
     ຂ້ອຍ​ບໍ່​ສາມາດ​ແລະ​ບໍ່​ບອກ​ເຈົ້າ​ດ້ວຍ​ວ່າ​ຂ້ອຍ​ປະ​ສົບ​ກັບ​ບັນຫາ​ ຈົນກະທັ້ງ​ເກືອບ​ຈະ​ເຖິງ​ວາ​ລະ​ສຸດ​ທ້າຍ​ຂອງ​ທັງ​ຂ້ອຍ​ແລະ​ເຈົ້າ​​ແລ້ວ​ ຈົ່ງ​ຈຳ​ໄວ້​ວ່າ​ ຂ້ອຍ​ບໍ່​ແມ່ນ​ປະ​ເພດ​ຂີ້​ຈົ່ມ​ ໃຫ້​ຂ້ອຍ​ເຮັດວຽກ​ໜັກ​ເກີນ​ໄປ​ໂດຍ​ອັດ​ ຢາ​ ແອນ​ກໍ​ຮໍ ແລະ​ ບັນດາ​ອາຫານ​ຂີ້ເຫຍື້ອ​ ສາມາດ​ທຳຮ້າຍ​ຂ້ອຍ​ໄດ້​! ນີ້​ອາດ​ເປັນ​ການ​ເຕືອ​ນ​ເທື່ອ​ດຽວ​ທີ່​ເຈົ້າ​ຈະ​ໄດ້ຮັບ​