ສຸດມັນ!!!ແອັດແລນຕາຊັອກນິວອິງແລນພິກເກມຄວ້າແຊມຊູເປີໂບ

 

“ຢ່ຽວດຳ” ແອັດແລນຕາ ຟໍຄອນ ຊັອກ!! ນໍາ “ນັກຮົບກູ້ຊາດ” ນິວອິງແລນ ແພັດທຣິອັອດ ດີກຣີແຊມ 4 ສະໄໝແບບຂາດລອຍໃນເຄິ່ງທຳອິດ 21-3 ແຕ່ເຄິ່ງຫຼັງຖືກ ນິວອິງແລນ ນຳຕີສະເໝີ 28-28 ໃນຊ່ວງທ້າຍເກມກ່ອນທີ່ຈະປລາໄຊໃນຊ່ວງຕໍ່ເວລາພິເສດ 28-34 ພາດແຊມ ຊູເປີໂບ ຫົນທໍາອິດໄປຢ່າງໜ້າເສຍດາຍ.

 

ທອມ ເບຣດີ ສ້າງປະຫວັດສາດພາທີມ ນິວອິງແລນ ແພັດທຣິອັອດ ຈາກທີ່ນຳຫຼັງເຖິງ 25 ແຕ້ມຊ່ວງເລີ່ມຄວາເຕີທີ 3 ກັບມາຊະນະ ແອັດແລນຕາ ຟໍຄອນ 34-28 ໃນການຕໍ່ເວລາຂອງເສິກ ຊູເປີໂບ ຄັ້ງທີ 51 ທີ່ສະໜາມ ເອັມອາຈີ ສະເຕດຽມ ລັດເທັກຊັດເມື່ອຕອນເຊົ້າຂອງວັນຈັນທີ 6 ກຸມພາຕາມເວລາບ້ານເຮົາ.

 

ແມັດ ໄຣອັນ ນັກກິລາຂອງ ແອັດແລນຕາ ຄົນທຳອິດທີ່ໄດ້ຕຳແໜ່ງຜູ້ຫຼິ້ນຊົງຄຸນຄ່າ (ເອັມວີພີ) ປະຈໍາລະດູການນໍາທີມອອກນໍາ ນິວອິງແລນ ເຊິ່ງເຂົ້າຊິງ ຊູເປີໂບ ຫຼາຍສຸດ 9 ເທື່ອໄປກ່ອນເຖິງ 21-3 ໃນຊ່ວງພັກເຄິ່ງ ແລະ ຍັງນຳຫ່າງເປັນ 28-3 ເມື່ອເຂົ້າສູ່ກາງຄວາເຕີ 3 ແຕ່ຈາກນັ້ນທີມຮັບຂອງ ນິວອິງແລນ ກັບມາຄືນຟອມຢຸດການເຮັດຄະແນນຂອງ ແອັດແລນຕາ ໄດ້ຢູ່ກ່ອນທີ່ ເບຣດີ ຈະດຶກ 2 ທັດຊ໌ດາວ ແລະ ເຈມ ໄວ ແລ່ນຈາກໄລຍະຫຼາດຽວຕີສະເໝີໃຫ້ “ນັກຮົບກູ້ຊາດ” ເປັນ 28-28 ກ່ອນໝົດເວລາ 57 ວິນາທີເຮັດໃຫ້ ຊູເປີໂບ ຕ້ອງຕໍ່ເວລາເປັນຄັ້ງທຳອິດໃນປະຫວັດສາດ.

 

ຊ່ວງຕໍ່ເວລາ ໄວ ກໍເປັນພະເອກແລ່ນທັດຊ໌ດາວຈາກໄລຍະ 2 ຫຼາໃຫ້ ນິວອິງແລນ ແຊງຊະນະ ແອັດແລນຕາ 34-28 ຄວ້າແຊມ ຊູເປີໂບ ສະໄໝທີ 5 ໄປຄອງຢ່າງສຸດມັນໂດຍທີ່ ເບຣດີ ຄວ້າຕຳແໜ່ງເອັມວີພີປະຈຳເກມນີ້ໄປຄອງອີກດ້ວຍ.