ສຸດຍອດ! ພຽງກິນໝາກມັງກອນກໍ່ຫຼຸດນ້ຳໜັກໄດ້

ກຳ​ລັງ​ຫາ​ວິທີ​ຫຼຸດ​ນ້ຳ​ໜັກ​ກັນແມ່ນ​ບໍ​​? ຢ່າງ​ທຳອິດ​ໃນ​ຫຼັກ​ການ​ຂອງ​ການ​ຫຼຸດ​ນ້ຳ​ໜັກ​ກໍ່​ຄື​ຕ້ອງ​ຄວບ​ຄຸມ​ການ​ກິນ ແຕ່​ອາຫານ​ແຄລໍຮີ​ນ້ອຍ​ກໍ່​ບໍ່​ຄ່ອຍ​ແຊບຖືກ​ປາກ​ ບໍ່​ຕ້ອງ​ຫ່ວງ​ແລ້ວ​​ ລອງ​ຫມາກໄມ້​ມະຫັດສະຈັນ​ໃນ​ການ​ຫຼຸດ​ນ້ຳ​ໜັກ​ ເພາະ​ມີລົດ​ຊາດ​ທີ່​ຫວານ​ຊື່ນ​ໃຈ​ແລ້ວ​ ຍັງ​ຫຼຸດ​ນ້ຳ​ໜັກ​ໄດ້​ດ້ວຍ​! ວ່າ​ແຕ່​ຈະ​ຫຼຸດ​ນ້ຳ​ໜັກ​ໄດ້​ແທ້ໆບໍ​? ແລ້ວ​ຈະ​ກິນຫຼຸດ​ນ້ຳ​ໜັກ​ແນວ ໃດ​? ກໍ່ຕ້ອງ​ໄປ​ເບິ່ງ​ກັນ.​
ເປັນຫຍັງ​ໝາກ​ມັງ​ກອນຫຼຸດ​ນ້ຳ​ໜັກ​ໄດ້​?
ໝາກ​ມັງ​ກອນ​ ຈັດ​ເປັນ​ຕົ້ນ​ໄມ້​ຕະກູນ​ດຽວ​ກັນ​ກັບ​ກະ​ບອງ​ເພັດ​ໂດຍ​​ສາມາດ​ປຸກ​ໄດ້​ທຸກ​ບ່ອນ ຊ່ວງ​ເວລາແຊບ! ອອກ​ໜ່ວຍ​ຂອງ​ໝາກມັງ​ກອນ​ຈະ​ຢູ່ໃນ​ເດືອນ​ມີ​ນາ – ເດືອນ​ພະ​ຈິກ. ໂດຍ​ໃນ​ໝາກມັງ​ກອນ​ 1 ໜ່ວຍ​ ຈະ​ປະກອບ​ໄປ​ດ້ວຍ. ວິ​ຕາ​ມິນ​ຊີ​ , ວິ​ຕາ​ມິນ​ບີ​1 , ວິ​ຕາ​ມິນ​ບີ​2 , ວິ​ຕາ​ມິນ​ບີ​3 , ແຄວ​ຊຽມ​ , ໂພ​ແທັກ​ຊຽມ​ , ຟອດ​ຟໍ​ຮັດ​ , ເຫຼັກ​ , ກາກ​ໃຍ​ອາຫານ​ ເປັນ​ຕົ້ນ​. ດັ່ງ​ນັ້ນ​ ນອກ​ຈາກ​ຈະ​ໄດ້​ຫຼຸດຮຸ່ນ​ໃຫ້ດີແລ້ວ​ ໝາກມັງ​ກອນ​ຍັງ​ຊ່ວຍ​ໃຫ້​ມີ​ຜິວ​ສວຍ​ງາມ​ດ້ວຍ​ ເພະ​ໃນ​ໝາກ​ມັງ​ກອນ​ກໍ່​ມີ​ວິ​ຕາ​ມິນ​ຊີ​ແລະ​ວິ​ຕາ​ມິນ​ບີ​ 1-3 ດ້ວຍ​ ແຖມໝາກ​ມັງ​ກອນ​ຍັງມີ​ໄຂ​ມັນ​ບໍ່​ອິ່ມ​ຕົວແລະ​ໃນ​ໝາກ​ມັງ​ກອນ​ 1 ໜ່ວຍ ​ມີ​ແຄລໍ​ຮີ​ຕ່ຳ​ ພຽງ 66 ກິ​ໂລ​ແຄລໍ​ຮີ​​ ກິນ​ເທົ່າ​ໃດ​ກໍ່​ບໍ່​ຕຸ້ຍ​ ມີ​ເນື້ອຫຼາຍ​ຫວານ​ອີກກິນ​ແລ້ວ​ອິ່ມ​ທ້ອງ​.​

ປະໂຫຍດ​ຂອງ​ໝາກ​ມັງ​ກອນ​

  1. ຊ່ວຍ​ຄວບ​ຄຸມ​ນ້ຳ​ໜັກ​ ເພາະ​ເປັນ​ຫມາກໄມ້​ທີ່​ມີ​ແຄລໍ​ຮີ​ຕ່ຳ​ ແຕ່​ອິ່ມ​ທ້ອງ.​

  2. ແກ້​ຖອກທ້ອງ​ ຊ່ວຍ​ເລື່ອງ​ລະບົບ​ຂັບ​ຖ່າຍ​ ເພາະ​ໝາກ​ມັງ​ກອນ​ເປັນ​ຫມາກໄມ້​ທີ່​ມີ​ກາກ​ໃຍ​ອາຫານ​ແລະ​ນ້ຳ​ໃນ​ໜ່ວຍ​ຫລາຍ​ຈະ​ຊ່ວຍ​ໃຫ້​ລະບົບ​ຂັບ​ຖ່າຍ​ ຂັບ​ຖ່າຍ​ອອກ​ໄດ້​ສະ​ດວກ​.​

  3. ມີ​ວິ​ຕາ​ມິນ​ທີ່​ສຳຄັນ​ຕໍ່​ຜິວ​ໜັງ​ ຊ່ວຍ​ບຳ​ລຸງ​ໃຫ້​ຜິວ​ພັນ​ເຕັ່ງ​ຕຶງ​, ສົດ​ໃສ​ ມີ​ນ້ຳ​ມີນ​ວນ​ ແລະ​ຍັງມີ​ສານ​ຕ້ານ​ອະ​ນຸ​ມູນ​ອິດສະຫລະ​ ຊ່ວຍ​ໃຫ້​ຜິວ​ງາມ​.

  4. ປ້ອງ​ກັນ​ການ​ເກີດ​ພະຍາດ​ຫົວ​ໃຈ​ ບັນ​ເທົາ​ພະຍາດ​ເບົາ​ຫວານ​, ຄວາມ​ດັນ​ເລືອດ​,​ຫຼຸດອັດຕາ​ການ​ເກີດ​ມະ​ເຮັງ,​ ສ້າງ​ພູ​ມ​ຕ້ານ​ທານ​, ບຳ​ລຸງ​ກະດູກ​ແລະ​ແຂ້ວ​ໃຫ້​ແຂງ​ແຮງ​ດີ​ຕໍ່​ສຸຂະພາບ​ດ້ວຍ.​

  5. ກິນ​ສົດ​ຊື່ນ​ໃຈ​ ດັບ​ກະ​ຫາຍ​ ຄາຍ​ຫິວ​ ຫວານ​ແຊບ.​

ວິທີ​ກິນ​ ໝາກມັງ​ກອນ​ເປັນ​ຫມາກໄມ້​ທີ່​ແຊບ​ໃນ​ຕົວ​ຢູ່​ແລ້ວ​ ກໍ່​ຈະກິນ​ສົດ​ໄດ້ເອົາ​ມີດ​ຜ່າເຄີ່ງ​ເອົາ​ເປືອກ​ອອກ​ກໍ່ກິນ​ໄດ້​ແລ້ວ​ຫລື​ຈະ​ເອົາ​ໄປ​ໃສ່​ໃນ​ສະ​ລັດ​ຫມາກໄມ້​ກິນ​ກໍ່​ໄດ້ແຕ່​ທີ່​ເດັດ​ສຸດ​ຕ້ອງ​ລອງ​ນ້ຳໝາກ​ມັງ​ກອນ​ປັ່ນ​ຈະ​ປະສົມ​ກັບ​ນ້ຳ​ສົ້ມ,​ ນົມ​ສົດ,​ ກ້ວຍ​ຫອມ​, ນ້ຳ​ເຜີ້ງ​ ຈັບ​ມາ​ມິກ​ໃສ່​ກັນ​ຫວານ​ແຊບບໍ່​ຕຸ້ຍ​ ຕ້ອງ​ລອງ​.

ສູດ​ຂອງ​ຫວານ​ ໝາກ​ມັງ​ກອນ​ຫຼຸດ​ນ້ຳ​ໜັກ​

  1. ໝາກ​ມັງ​ກອນ​ 1 ໜ່ວຍ

  2. ໂຍ​ເ​ກຮິດ​ລົດຕາມໃຈ​ 1 ກະ​ປຸກ​ວິທີ​ເຮັດ​ ປອກ​ໝາກມັງ​ກອນ​ ແລ້ວ​ຫັ່ນ​​ພໍ​ດີ​ຄຳແລ້ວ​ເທ​ໂຍ​ເ​ກຮິດ​ລົງ​ໄປ​ຄົນ​ເບົາ​ໆ​ ໃຫ້​ເຂົ້າ​ກັນ​ ຕັກກິນ​ຕອນ​ແລງ​ໆ.


ແຊບ​ງ່າຍໆ​ໄດ້​ແຄລໍ​ຮີ​ນ້ອຍ​ ຫຼຸດ​ນ້ຳ​ໜັກ​ໃນ​ຕົວ​ສຸຂະພາບ​ກໍ່ດີ​ຕາມ​ແບບ​ນີ້​ສາວ​ໆ​ ຄົນ​ໃດ​ທີ່​ກຳ​ລັງ​ຫຼຸດ​ນ້ຳ​ໜັກ​ແລ້ວ​ກຳ​ລັງ​ຫາ​ເມ​ນູ​ກິນ​ແກ້​ເບື່ອ​ ກໍ່​ລອງ​ໝາກມັງ​ກອນ​ໄດ້​ຫວານ​ຊື່ນ​ໃຈ​ໄດ້​ສຸຂະພາບ​ດ້ວຍ​ແລະ​ຢ່າ​ລືມ​ກິນອາຫານ​ໃຫ້​ຄົບ​ 5 ໝູ່​ ແລະ​ອອກ​ກຳ​ລັງ​ເພື່ອ​ສຸຂະ ພາບ​ກັນ​ດ້ວຍ.​

ບົດຄວາມໃຫມ່ໆ