ສື່ເຜີຍ 4 ຍັກຜູ້ດີເປີດເສິກລ່າຣຶດິເກີ

 

ອັນໂຕນິໂອ ຣຶດິເກີ ກອງຫຼັງຂອງ ອາເອສ ໂຣມາ ກຳລັງເນື້ອຫອມເມື່ອກຳລັງເປັນທີ່ໝາຍປອງຂອງສີ່ຍັກໃຫຍ່ເມືອງຜູ້ດີຄື ເຊວຊີ, ແມນເຊສເຕີ ຢູໄນເຕັດ, ອາເຊນອນ ແລະ ແມນເຊສເຕີ ຊີຕີ ດ້ານສື່ຊື້ຕັ້ນສັງກັດພ້ອມຮັບພິຈາລະນາທຸກຂໍ້ສະເໜີ.

 

ເຊວຊີ, ແມນເຊສເຕີ ຢູໄນເຕັດ, ອາເຊນອນ ແລະ ແມນເຊສເຕີ ຊີຕີ 4 ສະໂມສອນຍັກໃຫຍ່ຂອງ ພຣີເມຍລີກ ຕາງກໍກຳລັງໃຫ້ຄວາມສົນໃຈທີ່ຈະເຊັນສັນຍາດຶງ ອັນໂຕນິໂອ ຣຶດິເກີ ເຊັນເຕີແບັກເລືອດເບຍຂອງ ອາເອສ ໂຣມາ ສະໂມສອນດັງຂອງ ກັນໂຊ ຊີຣີ ອາ ໄປເສີມຫຼັງບ້ານ ຕາມການລາຍງານຂອງ ຄໍຣິເອເຣ ເດໂລ ສະປອດ ສື່ກິລາຊັ້ນນຳຂອງອີຕາລີເມື່ອວັນພຸດທີ່ຜ່ານມາ.

 

ກອງຫຼັງທີມຊາດເຢຍລະມັນ ເປັນທີ່ຕ້ອງການຂອງຫຼາຍສະໂມສອນຫຼັງຈາກທີ່ເຮັດຜົນງານໄດ້ດີກັບ ໂຣມາ ນັບຕັ້ງແຕ່ຍ້າຍມາຈາກ ເຟົາເອຟເບ ສະຕຸດກາດ ເມື່ອຊ່ວງຊຳເມີປີ 2015 ແຕ່ກໍຕ້ອງມາໄດ້ຮັບບາດເຈັບໜັກກ່ອນທີ່ຈະຮອດເສິກ ຢູໂຣ 2016 ເຮັດໃຫ້ຂ່າວຄາວການຍ້າຍທີມຂອງເຂົາເມື່ອຊ່ວງຊຳເມີທີ່ຜ່ານມາຕ້ອງມິດໄປ.

 

ຢ່າງໃດກໍຕາມເວລານີ້ ຣຶດິເກີ ກັບມາລົງຫຼິ້ນໄດ້ຮຽບຮ້ອຍແລ້ວເຮັດໃຫ້ເກີດກະແສຂ່າວກ່ຽວກັບເລື່ອງຍ້າຍທີມອີກຄັ້ງໜຶ່ງເຊິ່ງຫຼ້າສຸດ ຄິຣິເອເຣ ເດໂລ ສະປອດ ລະບຸວ່າ ແມນ ຊີຕີ ກັບ ອາເຊນອນ ພ້ອມທີ່ຈະເປີດເສິກລ່າໂຕອະດີດນັກເຕະ “ມ້າຂາວ” ກັບ ເຊວຊີ ແລະ ແມນ ຢູໄນເຕັດ ໃນຊ່ວງເດືອນມັງກອນນີ້.

 

ທັງນີ້ສື່ເຈົ້າເດີມໄດ້ເສີມວ່າ ໂຣມາ ຍິນດີທີ່ຈະຮັບພິຈາລະນາທຸກຂໍ້ສະເໜີທີ່ຖືກຍື່ນເຂົ້າມາຂໍຊື້ນັກເຕະ.