ສື່ສະເປນລາຍງານ ບາເຊໂລນາ ຕ້ອງການດຶງໂຕ ຄູຕິນໂຢ

ເວັບໄຊ້ດັງໃນສະເປນ ລາຍງານ ບາເຊໂລນາ ກຽມການໃຫຍ່ເພື່ອດຶງໂຕ ຟິລິບເປ້ ຄູຕິນໂຢ ຈອມທັບຮ່າງບາງຂອງ ລີເວີ້ພູ ມາເສີມທັບ ໂດຍງານນີ້ເບິ່ງຄືວ່ານັກເຕະອາດຈະໃຈອ່ອນ ເພາະຜິດຫວັງທີ່ “ຫົງແດງ” ປ່ອຍນັກເຕະສຳຄັນອອກໄປໃນປີທີ່ຜ່ານມາ.

ບາເຊໂລນາ ມະຫາອຳນາດລູກຫຼັງແຫ່ງເສິກ ລາ ລີກາ ສະເປນ ສະແດງຄວາມຕ້ອງການຢາກໄດ້ໂຕ ຟິລິບເປ້ ຄູຕິນໂຢ ໂຕສ້າງສັນເກມທີມຊາດບຣາຊິວຂອງ ລີເວີ້ພູ ຍັກໃຫຍ່ຂວັນໃຈມະຫາຊົນໃນ ພຣີເມຍລີກ ອັງກິດ ມາເສີມທັບ ຈາກການລາຍງານຂອງ ຟິຊາເຄດ ເວັບໄຊ້ຂ່າວສານຊື່ດັງໃນແດນກະທິງ.

ດາວເຕະເລືອດບຣາຊິວ ເຊິ່ງຍ້າຍຈາກ “ງູໃຫຍ່” ອິນເຕີ ມິລານ ມາຫຼິ້ນໃນຖິ່ນ ແອນຟິວ ເມື່ອປີ 2013 ກາຍເປັນນັກເຕະກຳລັງສຳຄັນຂອງ “ຫົງແດງ” ຕະຫຼອດ 2-3 ລະດູການທີ່ຜ່ານມາ ໂດຍ ຄູຕິນໂຢ ຫາກໍ່ຝາກອະນາຄົດໃຫ້ກັບຕົ້ນສັງກັດຫຼັງຈາກທີ່ຈັບປາກກາເຊັນຕໍ່ສັນຍາໄລຍະຍາວກັບທີມໄປເມຶ່ອ 7 ເດືອນກ່ອນ.

ຢ່າງໃດກໍຕາມເວັບໄຊ້ ຟິຊາເຄດ ລະບຸວ່າ “ເຈົ້າບຸນທຸ່ມ” ຕ້ອງການດາວເຕະໄວ 23 ປີ ມາຊ່ວຍປັ້ນເກມໃນຖິ່ນ ແຄັມ ນູ ຢ່າງຫຼາຍ ແລະ ພ້ອມທີ່ຈະທຸ່ມເພື່ອດຶງໂຕມາຮ່ວມທີມ.

ຂະນະດຽວກັນກໍມີລາຍງານວ່າ ຄູຕິນໂຢ ເບິ່ງແລ້ວຜິດຫວັງກັບ “ເດີ ເຣດ” ພໍສົທຄວນເນື່ອງຈາກພວກເຂົາບໍ່ພະຍາຍາມເກັບຜູ້ຫຼິ້ນແກນຫຼັກເອົາໄວ້ ໂດຍປ່ອຍທັງ ຫຼຸຍ ຊົວເຣສ ໄປໃຫ້ກັບ ບາຊ້າ ເມຶ່ອລະດູການທີ່ຜ່ານມາ ລວມທັງ ຣາຮີມ ສະເຕີຣິງ ທີ່ຍ້າຍໄປ ຂຶ້ນເຮືອໄປກັບ ແມນ ຊິຕີ້ ເມື່ອເດືອນກໍລະກົດທີ່ຜ່ານມາ.

........................................................................................................................................