ສື່ລ້ຽນປ່ອຍຂ່າວມ້າລາຍເລັງດຶງຊານຮ່ວມທັບ

 

ສື່ດັງເມືອງກະໂລນີຕີຂ່າວ ຢູເວັນຕຸດ ຈັບຕາສະຖານະການຂອງ ເອັມເຣ ຊານ ຫ້ອງເຄື່ອງດາວລຸ້ງຂອງ ລີເວີພູ ຢ່າງໃກ້ຊິດ ໂດຍ “ມ້າລາຍ” ເລັງທີ່ຈະດຶງຕົວມາເສີມທັບແຕ່ຕ້ອງໃນກໍລະນີທີ່ພາດໄດ້ໂຕ ໂກຣັອງ ແຕັງ ໂຕລິສໂຊ ກັບ ມາມູດ ດາຮຸດ.

 

ລາ ສະແຕມປາ ເວັບໄຊ້ຊັ້ນນຳໃນປະເທດອີຕາລີລາຍງານວ່າ “ມ້າລາຍ” ຢູເວັນຕຸດ ຍັກໃຫຍ່ຂອງ ກັນໂຊ ຊີຣີ ອາ ກັບມາສະແດງຄວາມສົນໃຈຢາກໄດ້ ເອັມເຣ ຊານ ກອງກາງຊັ້ນດີຂອງ “ຫົງແດງ” ລີເວີພູ ສະໂມສອນຍັກໃຫຍ່ຂອງລີກຜູ້ດີ.

 

ຫ້ອງເຄື່ອງ 22 ປີເຊິ່ງຍ້າຍຈາກ ໄບເອີ ເລເວີກູເຊັນ ມາຫຼິ້ນໃນ ແອນຟິວ ເມື່ອປີ 2014 ມີໂອກາດໄດ້ລົງສະໜາມໃຫ້ກັບທັບ “ເດິ ເຣດ” ໃນເກມລີກສູງສຸດເມືອງຜູ້ດີຈຳນວນ 14 ນັດສຳລັບລະດູການປັດຈຸບັນໂດຍເປັນຕົວຈິງພຽງ 9 ເກມເທົ່ານັ້ນພາຍໃຕ້ການຄຸມບັງຫຽນຂອງກຸນຊື ເຈີເກັນ ຄັອບ.

 

ສຳລັບສາເຫດທີ່ເຮັດໃຫ້ ຊານ ບໍ່ຄ່ອຍໄດ້ລົງສະໜາມສ່ວນໜຶ່ງມາຈາກອາການບາດເຈັບເຊິ່ງມີຜົນເຮັດໃຫ້ພັດທະນາການຂອງນັກເຕະສະດຸດໄປແນ່ ແຕ່ເຖິງແບບນັ້ນດາວເຕະທີມຊາດເຢຍລະມັນຄ່ອຍໆກັບມາເອີ້ນຟອມເກັງຄືນມາໄດ້ ແລະ ມີໂອກາດໄດ້ລົງຫຼິ້ນຕົວຈິງໃຫ້ຕົ້ນສັງກັດໃນ 3 ເກມຫຼັງສຸດ.

 

ໃນເວລານີ້ ລາ ສະແຕມປາ ອ້າງວ່າ ຢູເວັນຕຸດ ກຳລັງຈັບຕາເບິ່ງສະຖານະການຂອງ ຊານ ເຊິ່ງເຫຼືອສັນຍາກັບ ລີເວີພູ ພຽງ 18 ເດືອນເທົ່ານັ້ນຢ່າງຕໍ່ເນື່ອງ ແຕ່ພວກເຂົາຈະເດີນໜ້າໄລ່ລ່າຕົວມິດຟິວເລືອດເບຍໃນກໍລະນີທີ່ “ມ້າລາຍ” ລົ້ມເຫຼວໃນການດຶງ ໂກຣັອງແຕງ ໂຕລິສໂຊ ແຄ່ງຂອງ ໂອລິມປິກ ລີຢົງ ຫຼື ມາມູດ ດາຮຸດ ມິດຟິວດາວລຸ້ງອະນາຄົດໄກຂອງ ໂບຣຸສເຊຍ ມິວເຊັນກັດບັກ.

 

ບົດຄວາມໃຫມ່ໆ