ສື່ລຽນຊີ້!!ປິໂອລີເຕັງໜຶ່ງຄຸມງູໃຫຍ່

 

ສື່ອີຕາລີເຜີຍ ສະເຕຟາໂນ ປິໂອລີ ອະດີດນາຍໃຫຍ່ ລາຊິໂອ ເປັນຕົວເຕັງທີ່ຈະໄດ້ຄຸມ ອິນເຕີ ມິລານ ເຫດຍ້ອນວ່າເປັນທີ່ຊື່ນຊົມຂອງສອງບິກສະໂມສອນຄື ປິເອໂຣ ອໍຊິລິໂອ ແລະ ຮາເວຍ ຊາເນັດຕິ.

 

ສະເຕຟາໂນ ປິໂອລີ ອະດີດນາຍໃຫຍ່ ລາຊິໂອ ມີໂອກາດດີກວ່າ ມາເຊລິໂນ ອະດີດນາຍໃຫຍ່ ບີຢາເຣອັນ ໃນການກ້າວຂຶ້ນມາເປັນນາຍໃຫຍ່ຄົນໃໝ່ຂອງ ອິນເຕີ ມິລານ ຕາມລາຍງານຈາກ ພຣີມຽມ ສະປອດ ສື່ກິລາຊັ້ນນຳແດນກະໂລນີເມື່ອວັນສຸກທີ່ຜ່ານມາ.

 

ທັງສອງຕາງມີລຸ້ນທີ່ຈະກ້າວເຂົ້າມາຄຸມທັບ “ງູໃຫຍ່” ແທນທີ່ ແຟຣັງ ເດີ ບົວ ນາຍໃຫຍ່ຄົນປັດຈຸບັນເຊິ່ງຖືກປົດອອກຈາກຕໍາແໜ່ງເມື່ອວັນອັງຄານທີ່ຜ່ານມາໂດຍບັນດາຜູ້ບໍລິຫານຂອງ ອິນເຕີ ກັບຜູ້ບໍລິຫານຂອງ ຊູໜິງ ກຣຸບ ກຸ່ມທຶນຈາກປະເທດຈີນເຊິ່ງເປັນເຈົ້າຂອງສະໂມສອນໄດ້ເລີ່ມການສົນທະນາເລື່ອງການຊອກຫານາຍໃຫຍ່ຄົນໃໝ່ກັນແລ້ວ.

 

ຫຼ້າສຸດ ພຣີມຽມ ສະປອດ ລະບຸວ່າ ປິໂອລີ ມີໂອກາດດີກວ່າຄູ່ແຂ່ງ ແລະ ເຖິງວ່າ ເຄຍ ຊູຣັບຊຽນ ຊູເປີເອເຢນຄົນດັງຈະພະຍາຍາມຊ່ວຍຜັກດັນ ມາເຊລິໂນ ເຕັມທີ່ແຕ່ວ່າ ປິເອໂຣ ອໍຊິລິໂອ ຜູ້ອຳນວຍການກິລາ ແລະ ຮາເວຍ ຊາເນັດຕິ ຮອງປະທານ ອິນເຕີ ມັກໃນໂຕຂອງອະດີດນາຍໃຫຍ່ ລາຊິໂອ ຫຼາຍກວ່າ.