ສື່ມວນຊົນອາຊຽນ ແລະ ຈີນ ແລກປ່ຽນຂໍ້ມູນດ້ານວັດທະນະທຳ ແລະ ທ່ອງທ່ຽວ

ເພື່ອເປັນການສົ່ງເສີມຂະແໜງການທີ່ເປັນທ່າແຮງຫຼັກໃນການຊຸກຍູ້ເສດຖະກິດຂອງແຂວງອານຮຸຍ ສປ ຈີນ ທາງແຂວງໄດ້ຈັດໂຄງການທັດສະນະລະຫວ່າງສື່ມວນຊົນອາຊຽນ ແລະ ສປ ຈີນ ຢູ່ພາກໃຕ້ຂອງແຂວງ ພາຍໃຕ້ຫົວຂໍ້ ( Asean Mainstream Media and China Central Main External publicity Media Tour in China South Province international culture and Tourism Demonstration Area ) ໂດຍເນັ້ນໃສ່ຂະແໜງອຸດສາຫະກໍາ, ເຕັກໂນໂລຊີ, ວັດທະນະທໍາ ແລະ ທ່ອງທ່ຽວ ຂຶ້ນ ລະຫວ່າງ ວັນທີ 18 – 24 ພຶດສະພາ 2017 ທີ່ຜ່ານມາ.

ໂດຍມີ ທ່ານ ຢູ ອ້າຍຫົວ Yu Aihua ສະມາຊິກຂອງຄະນະປະຈໍາພັກແຂວງ, ຜູ້ອໍານວຍການທົ່ວໄປກົມປະຊາສໍາພັນແຂວງອານຮຸຍ, ພ້ອມດ້ວຍບັນດາສື່ມວນຊົນຈາກ 10 ປະເທດອາຊຽນ – ສປ ຈີນ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ທ່ານ ເຊັງ ມິງວູ ຜູ້ອຳນວຍການທົ່ວໄປຫ້ອງການຂໍ້ມູນພາກລັດຂອງແຂວງອານຮຸຍ ( Zheng Mingwu Director – General of Information Office of Anhui Provincial Government ) ກ່າວໃນພິທີເປີດວ່າ: ອາຊຽນ ແລະ ສປ ຈີນ ມີສາຍພົວພັນທີ່ດີ ແຕ່ສໍາລັບພື້ນທີ່ໆສໍາຄັນຂອງແຂວງອານຮຸຍ ເລີ່ມມີຄວາມສໍາພັນ ແລະ ແລກປ່ຽນບຸກຄະລາກອນຫຼາຍຂຶ້ນ ລວມເຖິງເສດຖະກິດ ແລະ ການຄ້າການຮ່ວມມືໄດ້ຮັບຜົນສໍາເລັດ ເຊິ່ງປັດຈຸບັນການແລກປ່ຽນກັນເອງ, ປະໂຫຍດຮ່ວມກັນ ແລະ ໄດ້ກາຍເປັນໜ້າຕາຂອງການແລກປ່ຽນການຮ່ວມມືລະຫວ່າງ ອານຮຸຍ ກັບ ອາຊຽນ ໂດຍຫວັງວ່າການທັດສະນະຄັ້ງນີ້ຈະເພີ່ມມິດຕະພາບລະຫວ່າງ ສປ ຈີນ ແລະ ອາຊຽນ ເພື່ອສົ່ງເສີມຄວາມເຂົ້າໃຈ ເຊິ່ງກັນ ແລະ ກັນ, ແລກປ່່ຽນ ແລະ ຮ່ວມມື.

Cr: https://laoedaily.com.la

 

ບົດຄວາມໃຫມ່ໆ