ສື່ປູດ!!ມິລານເລັງດຶງໂອກາຊາກິເສີມຄົມ

 

ສື່ຕີຂ່າວ ເອຊີ ມິລານ ກຽມດຶງໂຕ ຊິນຈິ ໂອກາຊາກິ ກອງໜ້າຂອງ ເລສເຕີ ຊີຕີ ມາເສີມແກມບຸກໃນເດືອນມັງກອນນີ້ເພື່ອທົດແທນ ເດຊຶເກະ ຮອນດະ ມິດຟິວເພື່ອນຮ່ວມຊາດທີ່ຈະໝົດສັນຍາກັບ “ຣອສໂຊເນຣີ” ຊ່ວງຈົບລະດິການນີ້ ເຖິງວ່າການດຶງນັກເຕະຂອງ “ຈິງຈອກເງິນ” ຈະເປັນເລື່ອງຍາກລໍາບາກກໍຕາມ.

 

“ຜີສາດແດງ-ດຳ” ເອຊີ ມິລານ ສະໂມສອນຍັກໃຫຍ່ຂອງ ກັນໂຊ ຊີຣີ ຕົກເປັນຂ່າວວ່າພວກເຂົາກຽມເດີນໜ້າດຶງໂຕ ຊິນຈິ ໂອກາຊາກິ ດາວຍິງຂອງ ເລສເຕີ ຊີຕີ ທີມດັງຈາກເວທີ ພຣີເມຍລີກ ໃນຊ່ວງຕະຫຼາດຊື້ຂາຍນັກເຕະເດືອນມັງກອນປີໜ້າ.

 

ກອງໜ້າທີມຊາດຍີ່ປຸ່ນຍັງເຫຼືອສັນຍາໃນຮັງ ຄິງ ພາວເວີ ສະເຕດຽມ ຈົນຮອດປີ 2019 ແລະ ໄດ້ລົງຫຼິ້ນໃນ ຢູຟາ ແຊມປຽນລີກ ໃນລະດູການນີ້ກັບຕົ້ນສັງກັດຫຼັງຈາກທີ່ “ຈິງຈອກເງິນ” ໄດ້ແຊມ ພຣີເມຍລີກ ຢ່າງໜ້າເຫຼືອເຊື່ອເມື່ອລະດູການທີ່ຜ່ານມາ ແຕ່ວ່າຫຼ້າສຸດ “ພຣີມຽມ ສະປອດ” ສື່ຂອງອີຕາລີອ້າງວ່າ “ຣອສໂຊເນຣີ” ເລັງດຶງ ໂອກາຊາກິ ໃນຕົ້ນປີໜ້າໂດຍພວກເຂົາເບິ່ງເຫັນວ່າເຂົາອາດຈະເປັນຕົວຕາຍຕົວແທນທີ່ດີຂອງ ເຄຊຶເກະ ຮອນດະ ກອງກາງເພື່ອນຮ່ວມຊາດທີ່ຈະໝົດສັນຍາໃນຖິ່ນ ຊານ ຊີໂຣ ຫຼັງຈົບລະດູການນີ້.

 

ຢ່າງໃດກໍຕາມຄາດວ່າຈະບໍ່ແມ່ນເລື່ອງງ່າຍທີ່ ມິລານ ຈະດຶງໂຕນັກເຕະໄດ້ເນື່ອງຈາກຄວາມຂະຫຍັນ ແລະ ຕັ້ງໜ້າຕັ້ງຕາຫຼິ້ນຂອງສະຕາຈາກແດນປາດິບສ້າງປະໂຫຍດໃຫ້ກັບຕົ້ນສັງກັດ ແລະ ເພື່ອນຮ່ວມທີມໄດ້ແຕ່ວ່າ “ຜີສາດແດງ-ດຳ” ກໍອາດຈະຕັດສິນໃຈທົດສອບຄວາມອົດທົນຂອງ “ໝາຈິງຈອກ” ໃນເດືອນມັງກອນປີໜ້າ.