ສື່ທ້ອງຖິ່ນເຜີຍ!! ເວສບຣອມເລັງຍື່ນສັນຍາເຊົ່າກັບຊາໂກ

 

ສື່ທ້ອງຖິ່ນລາຍງານວ່າ ເວສບຣອມວິດ ອາວບຽນ ເລັງຈັດການດຶງໂຕ ມາມາດູ ຊາໂກ ກອງຫຼັກດວງຊວຍຈາກ ລີເວີພູ ຊ່ວງເດືອນມັງກອນນີ້ ໂດຍອາດຈະເປັນການຍ້າຍໄປຫຼິ້ນແບບຢືມໂຕ ຊີ້ນັກເຕະບໍ່ມີທາງເລືອກເພາະຢູ່ກັບ “ຫົງແດງ” ກໍບໍ່ແມ່ນນັກເຕະຫຼັກອີກຕໍ່ໄປ.

 

ເວສບຣອມວິດ ອາວບຽນ ສະໂມສອນດັງຂອງ ພຣີເມຍລີກ ອັງກິດເລັງດຶງໂຕ ມາມາດູ ຊາໂກ ເຊັນເຕີຮາບເລືອດນຳ້ຫອມມາຮ່ວມທີມໃນຊ່ວງເປີດຕະຫຼາດຊື້ຂາຍນັກເຕະຮອບສອງເດືອນມັງກອນນີ້ ຈາກການລາຍງານຂອງ “ລີເວີພູ ເອໂຄ” ສື່ດັງປະຈໍາທ້ອງຖິ່ນເມື່ອວັນພະຫັດທີ່ຜ່ານມາ.

 

ກອງຫຼັງດີກຣີທີມຊາດຝຣັ່ງກາຍເປັນສ່ວນເກີນຂອງ ເຈີເກັນ ຄັອບ ຜູ້ຈັດການທີມຄົນເຢຍລະມັນເຮັດໃຫ້ເຂົາບໍ່ໄດ້ຮັບໂອກາດລົງສະໜາມກັບທີມຊຸດໃຫຍ່ໃນຊ່ວງຕົ້ນລະດູການ 2016-2017 ໂດຍປັດຈຸບັນ ຊາໂກ ຕ້ອງຝຶກຊ້ອມຮ່ວມກັບທີມເຍົາວະຊົນ “ຫົງແດງ” ເທົ່ານັ້ນ.

 

ກ່ອນໜ້ານີ້ ໂທນີ ພູລິສ ນາຍໃຫຍ່ຂອງ “ເດິ ແບັກກີ” ສະແດງຄວາມສົນໃຈຢາກໃຊ້ບໍລິການ ຊາໂກ ຢ່າງຍິ່ງ ຢ່າງໃດກໍຕາມຂໍ້ສະເໜີຢືມໂຕຂອງ ນາຍໃຫຍ່ອາຍຸ 58 ປີຖືກອະດີດກອງຫຼັງ ເປເອັດເຊ ປະຕິເສດແບບບໍ່ມີເຫຍື່ອໄຍ.

 

ຢ່າງໃດກໍຕາມໃນເວລານີ້ ລີເວີພູ ມີແນວຮັບທີ່ສຸດເທບທັງ ເດຢັນ ລອຟເຣັນ, ໂຈເອວ ມາຕິບ, ຣັກນາ ຄະລາວານ ແລະ ລູຄັສ ເລວາ ເຊິ່ງຫຼິ້ນກອງຫຼັງໄດ້ເປັນຕົວເລືອກລຳດັບຕົ້ນໆຂອງ ຄັອບ ສະນັ້ນ ມີຄວາມເປັນໄປໄດ້ທີ່ ຊາໂກ ຈະຍອມຍ້າຍທີມແບບຢືມໂຕຊ່ວງຕະຫຼາດຮອບສອງຕົ້ນປີໜ້າ.