ສື່ກະໂລນີເຜີຍເຊວຊີຈ້ອງດຶງດອນນາຣຸມມາເຝົ້າເສົາມັງກອນນີ້

 

ເຊວຊີ ລັອກເປົ້າລ່າໂຕ ຈານລຸຍຈິ ດອນນາຣຸມມາ ນາຍທະວານອະນາຄົດໄກຂອງ ເອຊີ ມິລານ ມາຮ່ວມທີມເນື່ອງຈາກວ່າ ຕິໂບ ກູຕວາ ນາຍທະວານມືໜຶ່ງຂອງທີມສໍ່ແວວກຽມອໍາລາທີມ.

 

ເຊວຊີ ສະໂມສອນຍັກໃຫຍ່ຂອງ ພຣີເມຍລີກ ກຳລັງພິຈາລະນາທີ່ຈະທຸ່ມເງິນກ້ອນໃຫຍ່ເພື່ອດຶງ ຈານລຸຍຈິ ດອນນາຣຸມມາ ຜູ້ຮັກສາປະຕູດາວລຸ້ງຂອງ ເອຊີ ມິລານ ສະໂມສອນດັງຂອງ ກັນໂຊ ຊີຣີ ອາ ມາຮ່ວມທີມຕາມການລາຍງານຈາກ “ສະປອດ ມີເດຍເຊັດ” ສື່ກິລາຊັ້ນນຳແດນກະໂລນີເມື່ອວັນອັງຄານທີ່ຜ່ານມາ.

 

ດອນນາຣຸມມາ ເຮັດສະຖິຕິເປັນນາຍທະວານອາຍຸນ້ອຍທີ່ສຸດທີ່ລົງຫຼິ້ນນັດທຳອິດໃນເກມ ຊີຣີ ອາ ດ້ວຍອາຍຸພຽງ 16 ປີ ແລະ ຕອນນີ້ສາມາດຢຶດຕຳແໜ່ງມືໜຶ່ງໃນທັບ “ຜີສາດແດງ-ດຳ” ໄດ້ຢ່າງໜຽວແໜ້ນ ທັງທີ່ອາຍຸຫາກໍຄົບ 17 ປີເມື່ອຊ່ວງປາຍເດືອນກຸມພາທີ່ຜ່ານມາ.

 

ເຣອັນ ມາດຣິດ ແລະ ຢູເວັນຕຸດ ຕາງກໍຕົກເປັນຂ່າວກ່ຽວພັນກັບ ດອນນາຣຸມມາ ຕະຫຼອດຊ່ວງຫຼາຍອາທິດທີ່ຜ່ານມາ ແຕ່ວ່າຫຼ້າສຸດ ສະປອດ ມີເດຍເຊັດ ລະບຸວ່າ ອັນໂຕນີໂອ ຄອນເຕ ຜູ້ຈັດການທີມຂອງ ເຊວຊີ ພ້ອມທີ່ຈະອອກລ່າໂຕ ດອນນາຣຸມມາ ເຊັ່ນກັນຖ້າວ່າ ຕີໂບ ກູຕວາ ຜູ້ຮັກສາປະຕຸມືໜຶ່ງຄົນປັດຈຸບັນເລືອກຍ້າຍກັບໄປເຝົ້າເສົາໃນ ລາ ລີກາ ອີກເທື່ອໜຶ່ງ.

 

ທັງນີ້ ດອນນາຣຸມມາ ລົງເຝົ້າເສົາໃຫ້ກັບ ມິລານ ໄປແລ້ວທັງໝົດ 43 ນັດ.