ສື່ກະພືຂ່າວ!!ຜີພ້ອມທຸ່ມ 40 ລ້ານເອີໂຣລ່າໂຕ ເຊເມໂດ

 

ໂອ ໂຊໂກ ສື່ຂອງປັອກຕຸຍການເຜີຍ ແມນ ຢູໄນເຕັດ ພ້ອມທີ່ຈະຈ່າຍເງິນເຖິງ 40 ລ້ານເອີໂຣເພື່ອດຶງ ເນວສັນ ເຊເມໂດ ແບັກຂວາ ເບັນຟິກາ ມາຮ່ວມທີມໂດຍທີ່ ໂຊເຊ ມູຣິນໂຢ ນາຍໃຫຍ່ຂອງ ຜີສາດແດງ ຕ້ອງເບິ່ງຫາແບັກຂວາເກັ່ງໆມາເສີມທັບຫຼັງຈາກທີ່ມີແວວວ່າ ມັດເຕໂອ ດາມຽນ ດາວເຕະອີຕາລີຕ້ອງຍ້າຍກັບໄປຫຼິ້ນທີ່ ອີຕາລີ.

 

ແມນເຊສເຕີ ຢູໄນເຕັດ ສະໂມສອນຍັກໃຫຍ່ຂອງ ພຣີເມຍລີກ ພ້ອມທີ່ຈະຍື່ນຂໍ້ສະເໜີຂໍຊື້ ເນວສັນ ເຊເມໂດ ແບັກຂວາຂອງ ເບັນຟິກາ ເປັນເງິນຈຳນວນ 40 ລ້ານເອີໂຣໃນຕະຫຼາດຊື້ຂາຍນັກເຕະຮອບສອງເດືອນມັງກອນນີ້ ຕາມການລາຍງານຂອງ ໂອ ໂຊໂກ ສື່ຂອງປະເທດປັອກຕຸຍການ.

 

“ຜີສາດແດງ” ນໍາເບິ່ງຟອມການຫຼິ້ນຂອງນັກເຕະມາໄດ້ຫຼາຍເດືອນແລ້ວ ແລະ ມີແມວມອງຂອງທີມໄປເບິ່ງເກມທີ່ ເບັນຟິກາ ຊະນະ ເບເລເນນ 2-0 ເມື່ອວັນອາທິດທີ່ຜ່ານມາແລ້ວ.

 

ທັງນີ້ ໂຊເຊ ມູຣິນໂຢ ຜູ້ຈັດການທີມ ແມນ ຢູໄນເຕັດ ຢາກໄດ້ແບັກຂວາໃໝ່ມາຮ່ວມທີມໃນຊ່ວງເດືອນມັງກອນນີ້ຫຼາຍຫຼັງຈາກທີ່ ມັດເຕະໂອ ດາມຽນ ຟູແບັກຂວາອີຕາລີມີຂ່າວກ່ຽວກັບການຍ້າຍກັບໄປຫຼິ້ນໃນ ອີຕາລີ ຢ່າງຕໍ່ເນື່ອງ.