ສີ​ເລືອດ​ປະຈຳ​ເດືອນ​ບອກ​ຫຍັງ​ ສາວ​ໆ​ ລອງ​ມາ​ໄຂ​ຂໍ້ສົ​ງໄ​ສ​ຈາກ​​ໝໍ​

ສີ​ເລືອດ​ປະຈຳ​ເດືອນ​ບອກ​ຫຍັງ​ ສາວ​ໆ​ ລອງ​ມາ​ໄຂ​ຂໍ້ສົ​ງໄ​ສ​ຈາກ​​ໝໍ​

ປະ​ເດັນ​ນີ້​ກ່ຽວ​ຂ້ອງ​ກັບ​ຄວາມ​ຜິດ​ປົກກະຕິ​ໃນ​ຮ່າງກາຍ​ຂອງ​ສາວ​ໆ​ ຫຼື​ບໍ່​ ມາ​ຟັງ​ຂໍ້​ມູນ​ທີ່​ຖືກ​ຕ້ອງ​ຈາກ​​ໝໍ.​
    ປະຈຳ​ເດືອນ​ມາ​ບໍ່​ປົກກະຕິ​ເຮົາ​ກໍເກິດ​ຄວາມ​ກັງ​ວົນ​ກັນ​ແລ້ວແມ່ນບໍ​ ແຕ່​ນີ້​ຂໍ້​ມູນ​ທີ່​ແຊ​ຣ໌​ຕໍ່​ໆ​ກັນ​ມາ ຍັງ​ບອກ​ວ່າ​ສີ​ເລືອດ​ປະຈຳ​ເດືອນ​ກໍ​ສາມາດ​ບອກ​ສຸຂະພາບ​ພາຍ​ໃນ​ຂອງ​ເຮົາ​ໄດ້​ດ້ວຍ​ ແຮງເພີ່ມ ຄວາມກັງວົນ ສີ​ເລືອດ​ປະຈຳ​ເດືອນ​ບອກ​ຫຍັງ​ບໍ່​ໄດ້​ຫຼາຍ​ເທົ່າໃດ​ດອກ.
    ແທ້ໆ​ ໝໍ​ພົບ​ເລື້ອຍໆ​ ທີ່​ມີຄົນ​ເຂົ້າໃຈ​ຜິດ​ເວລາ​ມີ​ປະຈຳ​ເດືອນ​ສີ​ແດງ​ ສີ​ນ້ຳ​ຕານ​ ສີຊົມ​ພູ​ ສີ​ເຊີ​ຣີ​ ແລ້ວ​ມາ​ຖາມວ່າ​ເປັນ​ຫຍັງ​ມັນ​ຜິດ​ປົກກະຕິ​ບໍ​ ແຮງມີ​ forward mail, forward line, facebook share ຕໍ່​ໆ​ກັນ​ມາແຮງ​ເຮັດໃຫ້​ເກີດ​ຄວາມ​ເຊື່ອ​ຜິດໆ​ ໄປ​ອີກ​ ທັງ​ທີ່​ໂດຍ​ປົກກະຕິ​ແລ້ວ​ ເວລາ​ກວດ​ເລື່ອງ​ຄວາມ​ຜິດ​ປົກກະ ຕິ​ຂອງ​ປະຈຳ​ເດືອນ​ ສິ່ງ​ທີ່​ເຮົາ​ຈະ​ເບິ່ງ​ກັນ​ກໍ​ຄື​ ຄວາມ​ສະຫ​ມ່ຳ​ສະເໝີ​ ປະລິມານ​ ແລະ​ ລັກ ສະນະ​ຂອງ​ປະຈຳ​ເດືອນ​ດັ່ງ​ນີ້:​

* ຄວາມ​ສະຫ​ມ່ຳ​ສະເໝີ​

     ຮອບເດືອນ​ປົກກະຕິ​ຈະ​ຢູ່ໃນ​ຊ່ວງ​ປະ​ມານ​ 28 +/- 7 ມື້​ ຫຼາຍ​ໆ​ຄົນ​ມັກ​ມາປຶກ​ສາ​ໝໍ​ວ່າ​ປະຈຳ​ເດືອນ​ມາ​ບໍ່​ສະຫ​ມ່ຳ​ສະເໝີ​ ມາ​ບໍ່​ກົງ​ ຢາກ​ໃຫ້​ມາກົງ​ ພໍເວົ້າໄປເວົ້າ​ມາ​ ຄື​ ຄາດ​ເຄື່ອນ​ 1-2 ມື້​ ເຊັ່ນ:​

          - ເດືອນ​ມີ​ນາ​ມາ​ວັນທີ​ 17
          - ເດືອນ​ເມ​ສາ​ມາ​ວັນທີ​ 13
          - ເດືອນ​ພຶດສະພາ​ມາ​ວັນທີ​ 10

    ລອງ​ຄິດໄລ່​ຂີດ​ເທິງ​ປະຕິ​ທິນ​ເບິ່ງ​ ຈະ​ພົບ​ວ່າ​ຮອບເດືອນ​ເປັນ​ 28 ມື້​ພໍ​ດີ​ ເພາະ​ວ່າ​ປະຕິ​ທິນ​ໃນ​ແຕ່​ລະ​ເດືອນ​ບໍ່​ໄດ້​ມີ​ພຽງແຕ່ 28 ມື້​ ວັນທີ​ແຕ່​ລະ​ເດືອນ​ທີ່​ປະຈຳ​ເດືອນ​ມາ​ຈຶ່ງ​ບໍ່​ໄດ້​ກົງ​ກັນ​ ເປັນ​ເລື່ອງ​ປົກກະ ຕິ​ ແຕ່​ຖ້າ​ຢູ່ໃນ​ຊ່ວງ​ທີ່ປົກກະ​ຕິ​ ກໍ​ຄື​ສະຫ​ມ່ຳ​ສະເໝີ​.​

* ປະລິມານ​
   
ກ່າວ​ຄື​ ມາ​ຈັກ​ມື້​ ໃຊ້​ຜ້າ​ອະນາໄມ​ມື້​ລະ​ຈັກ​ແຜ່ນ​ ຊຶ່ງ​ໂດຍ​ປົກກະຕິ​ຈະ​ມາປະ​ມານ​ 3-7 ມື້​

* ລັກສະນະ​
   
ມາ​ແບບໃດ​ ມີ​ກ້ອນ​ເລືອດ​ປົນ​ບໍ​ ແລະ ​ອາດຈະ​ຖາມ​ເລື່ອງ​ສີ​ກົງ​ນີ້​ ຊຶ່ງ​ສີ​ຫຍັງ​ ກໍ​ບໍ່​ໄດ້​ບອກ​ຫຍັງຫຼາຍ​

    ປົກກະຕິ​ເລືອດ​ປະຈຳ​ເດືອນ​ຈະ​ເປັນ​ສີ​ແດງ​ສົດ​ ຄືເລືອດ​ເວລາ​ເຈາະ​ເລືອດ​ທົ່ວ​ໆ​ ໄປ​ຈະ​ເປັນ​ສີ​ແດງ​ຄ້ຳ​ ແດງ​ເຊີ​ຣີ​ ຫຼື ສີຍັງ​ກໍ​ແລ້ວ​ແຕ່​ໄດ້​ໝົດ​ ແລະ ​ຈະ​ບໍ່​ແຂງ​ຕົວ​ເປັນ​ກ້ອນ​ ຍົກ​ເວັ້ນ​ຖ້າ​ມີ​ເລືອດ​ອອກ​ມາ​ປະລິມານ​ຫຼາຍ​ ອາດຈະ​ມີ​ການ​ຄ້າງ​ແລະ​ຈັບ​ຕົວ​ເປັນ​ກ້ອນ​ໃນ​ຊ່ອງຄອດ​ໄດ້​.

    ການ​ທີ່​ປະຈຳ​ເດືອນ​ເປັນ​ກ້ອນ​ໆ​ ຈຶ່ງ​ບໍ່​ໄດ້​ເກີດ​ຈາກ​ການ​ກິນ​ນ້ຳ​ແຂງ​ເວລາ​ມີ​ປະຈຳ​ເດືອນ​ ແຕ່​ເມື່ອ​ໃຊ້​ປະກອບ​ກັບ​ປະຫວັດ​ມີ​ປະຈຳ​ເດືອນ​ມາຫຼາຍ​ ກໍ​ອາດຈະ​ເປັນ​ຕົວ​ຊ່ວຍ​ສະໜັບ​ສະໜູນ​ວ່າ​ໜ້າ​ຈະ​ມາ ຫຼາຍ​ແທ້.​

    ຖ້າ​ປະຈຳ​ເດືອນ​ເປັນ​ສີ​ນ້ຳ​ຕານ​ ຫຼື ​ສີ​ແດງ​ຄ້ຳ​ ນີ້​ກໍ​ບໍ່​ໄດ້​ບອກ​ວ່າ​ມີ​ເລືອດ​ຄ້າງ​ ຫຼື ​ຂັບ​ເລືອດ​ເກົ່າ​​ທີ່​ແຊ​ຣ໌ໆ ເພາະ​ ຄຸນສົມບັດ​ຂອງ​ເລືອດ​ ຖ້າ​ເຮົາ​ລອງ​ເຈາະ​ເລືອດ​ຈາກ​ເສັ້ນ​ເລືອດ​ແລ້ວ​ຕັ້ງ​ຖິ້ມ​ໄວ້​ສຳ​ຜັດ​ກັບ​ອາ​ກາດ​ ກໍ​ຈະ​ມີ​ການ​ປ່ຽນ​ແປງ​ການ​ຈັບ​ຕົວ​ຂອງ​ອອກ​ຊິ​ເຈນ​ (ຂໍ​ອະທິບາຍ​ແບບ​ງ່າຍ​ໆ​ ໃຫ້​ຄົນ​ທົ່ວ​ໄປ​ເຂົ້າໃຈ​ງ່າຍ​ໆ​​) ເຮັດໃຫ້​ມີ​ສີກ້ຳ​ຂຶ້ນ​

    ປົກກະຕິ​ໃນ​​ໂພງມົດລູກ​ບໍ່​ມີ​ອາ​ກາດ​ ແຕ່​ໃນ​ຊ່ອງຄອດ​ແລະ​ພາຍນອກ​ຮ່າງກາຍ​ຈະ​ມີ​ອາ​ກາດ​ ເມື່ອ​ເລືອດ​ທີ່​ໄຫຼ​ຈາກ​ໂພງ​ມົດລູກ​ລົງ​ມາ​ທີ່​ຊ່ອງຄອດ​ແລ້ວ​ລົງ​ໃນ​ຜ້າ​ອະນາໄມ​ເລີຍ​ສີ​ເລືອດ​ ປະຈຳ​ເດືອນ​ກໍ​ຈະ​ແດງ​ສົດ​ ຈະ​ພົບ​ໃນ​ຊ່ວງ​ມື້ທຳອິດໆ​ ຫຼຫືຊ່ວງ​ທີ່​ປະຈຳ​ເດືອນ​ມາ​ຫຼາຍ​ໆ​ ພໍ​ມື້​ຫຼັງ​ໆ​ ເຢື່ອ​ໂພງ​ມົດລູກ​ເລີ່ມ​ຫຼຸດ​ລອກ​ໝົດ​ ເລືອດ​ເລີ່ມ​ນ້ອຍ​ລົງ​ ມົດລູກ​ປັ້ນ​ນ້ອຍ​ລົງ​ ເລືອດ​ໄຫຼ​ຊ້າລົງ​ ໃຊ້​ເວລາ​ໄຫຼ​ຢູ່​ໃນ​ຊ່ອງ ຄອດ​ດົນ​ຂຶ້ນ​ ໄດ້​ສຳ​ຜັດ​ອາ​ກາດ​ດົນ​ຂຶ້ນ​ ກວ່າ​ຈະ​ລົງ​ມາ​ເຖິງ​ຜ້າ​ອະນາໄມ​ສີ​ປະຈຳ​ເດືອນ​ກໍ​ເຂັ້ມ​ຂຶ້ນ​​ ແບບ​ນີ້​ສີ​ເລືອດ​ປະຈຳ​ເດືອນ​ກໍ​ອາດຈະ​ມີ​ສີ​ນ້ຳ​ຕານ​ຫຼືສີ​ແດງ​ຄ້ຳໄດ້​

    ສະຫຼຸບ​ຄື​ ຖ້າ​ບໍ່​ມີ​ລັກສະນະ​ອື່ນ​ໆ​ນຳ​ ສີ​ຂອງ​ປະຈຳ​ເດືອນ​ ບໍ່​ໄດ້​ເປັນ​ຕົວ​ບອກ​ພະຍາດ​ຫຼື​ພາ​ວະ​ຜິດ​ປົກ ກະຕິ​ໃດ​ໆ​ ແລະ ​ບໍ່​ສາມາດ​ບອກ​ໄດ້​ວ່າ​ຖືພາຫຼື​ບໍ່​ຈາກ​ສີ​ເລືອດ​ປະຈຳ​ເດືອນ​ (ຖ້າ​ຖືພາ​ ຕ້ອງ​ບໍ່​ມີ​ປະຈຳ​ເດືອນ​​)

ແລະ​ ເວົ້າອີກອ້ອມ ວ່າ​ ປະຈຳ​ເດືອນ​ ບໍ່​ແມ່ນ​ເລືອດ​ເສຍ​ ແຕ່​ເປັນ​ເຢື່ອ​ໂພງ​ມົດລູກ​ທີ່​ຕອບສະໜອງ​ຕໍ່​ຮໍ​ໂມນ​ ເພື່ອ​ກຽມ​ສຳລັບ​ການ​ຝັງ​ຕົວ​ຂອງ​ຕົວ​ອ່ອນ​ຄືເປັນ​ເບາະ​ນຸ່ມ​ໆ​ ຖ້າ​ບໍ່​ມີ​ການ​ຝັງ​ຕົວ​ກໍ​ຫຼຸດ​ລອກ​ ເພື່ອ​ສ້າງ​ເບາະ​ນຸ່ມ​ໆ​ ທີ່​ມີ​ຄຸນນະພາບ​ໃໝ່​ໃຫ້​ຕົວ​ອ່ອນ​ຕໍ່ໄປ​