ສິວ​ຂຶ້ນ​ຊ່ວງ​ມີ​ປະຈຳ​ເດືອນ​ ເບິ່ງ​ແຍງ​ຕົວ​ເອງ​ແນວໃດ​ດີ​!

ຫຼາຍ​ເທື່ອ​ທີ່​ເຮົາ​​ສັງເກດ​ຕົວ​ເອງ​ໄດ້​ວ່າ​ ປະຈຳ​ເດືອນ​ຂອງ​ເຮົາ​ໃກ້​ມາ​ແລ້ວບໍ ? ໂດຍ​ເຮົາ​ສາມາດ​ຮັບ​ຮູ້​ໄດ້​ຈາກ​ຫຼາຍ​ອາ ການ​ ບໍ່​ວ່າ​ຈະ​ເປັນ​ ສິວ​ຂຶ້ນ​ ຢາກ​ກິນ​ຫັ້ນ​ກິນ​ນີ້​ ບາງ​ຄົນ​ອາດ​ປວດ​ທ້ອງ​ ຄັນເນື້ອ​ຄັນ​ໂຕ​ ແຕ່​! ບັນຫາ​ທີ່ກ​ວນ​ໃຈ​ສາວ​ໆ​ ຫລາຍ​ຄົງ​ຈະ​ໜີ​ບໍ່​ພົ້ນ​ເລື່ອງ​ສິວ​ ເພາະ​ ເມື່ອ​ປະຈຳ​ເດືອນ​ຫາຍ​ໄປ​ ແຕ່​ສິວ​ຍັງ​ຖິ້ມ​ຮ່ອງ​ຮອຍ​ໄວ້​ຢູ່​ ດັ່ງ​ນັ້ນ​ແລ້ວ​ເຮົາ​ຈະ​ເບິ່ງ​ແຍງ​ຕົວ​ເອງ​ແນວໃດ​ບໍ່​ໃຫ້​ສິວ​ມາ​ບຸກ​ ມາ​ເບິ່ງ​ວິທີ
ເບິ່ງ​ແຍງ​ຄວບ​ຄຸມ​ອາຫານ​
ການ​ກິນ​ອາຫານ​ບາງຢ່າງ​ສາມາດ​ກະຕຸ້ນ​ການ​ເກີດ​ສິວ​ໄດ້​ ຄວນ​ເນັ້ນກິນ​ອາຫານ​ທີ່​ມີປະ​ໂຫຍດ ເຊັ່ນ​ ເນື້ອປາ,​ ຖົ່ວ​ແລະ​ຜັກ​ໃບ​ຂຽວ​
ເບິ່ງ​ແຍງ​ຄວາມ​ສະ​ອາດ​
ເພາະ​ໃນ​ຊ່ວງ​ນັ້ນ​ ຈະ​ເປັນ​ຊ່ວງ​ທີ່​ຮູ​ຂຸມ​ຂົນ​ຂະຫຍາຍ​ ຈຶ່ງ​ຈຳ​ເປັນ​ຕ້ອງ​ເບິ່ງ​ແຍງ​ຄວາມ​ສະ​ອາດ​ດີ​ໆ​ ບໍ່​ເຊັ່ນ​ນັ້ນ​ອາດຈະ​ເປັນ​ສິວ​ໄດ້​
ງົດ​ຂັດ​ຜິວ​ ເຮັດ​ທຮີດ​ເມັ້ນ​
ຊ່ວງ​ກ່ອນ​ມີ​ປະຈຳ​ເດືອນ​ຜິວ​ຂອງ​ເຮົາ​ຈະ​ອ່ອນແອ​ເປັນ​ພິເສດ​ ຖື​ເປັນ​ຊ່ວງ​ເວລາ​ທີ່​ບໍ່​ຄວນ​ເຮັດ​ທຮີດ​ເມັ້ນ​​ ເພາະ​ຈະ​ສ່ຽງ​ຕໍ່​ການ​ແພ້​ງ່າຍ​ກວ່າ​ຊ່ວງ​ອື່ນ​ໆ​
ເຄັດ​ລັບ​ງ່າຍໆ​ ບໍ່​ຈັກ​ຂໍ້​ທີ່​ຈະ​ຊ່ວຍ​ໃຫ້​ເຮົາ​ຢູ່​ກັບ​ສິວ​ຮໍ​ໂມນ​ໄດ້​ຢ່າງ​ບໍ່​ກວນ​ໃຈ​ ພຽງ​ແຕ່ເຮົາ​ໃສ່​ໃຈ​ເບິ່ງ​ແຍງ​ໃນ​ຊ່ວງ​ມື້​ນັ້ນ​ຂອງ​ເດືອນ​ໃຫ້​ດີ​ນັ້ນ​ເອງ​