ສິວຫົວດຳ ກຳຈັດໃຫ້ກ້ຽງ ດ້ວຍ 3 ສະເຕັບເທບ!

 

ສິວ​ຫົວ​ດຳ​ ໂຕການ​​ທີ່​ເຮັດໃຫ້​ໜ້າ​ເບິ່ງ​ໝົ່ນ​ໝອງ​ບໍ່​ໃສ​ປິ໊ງ​ຢ່າງ​ທີ່​ຕ້ອງ​ການ​ ໃຜ​ທີ່​ກຳ​ລັງ​ເປັນ​ຢູ່​ບໍ່​ຕ້ອງ​ຄຽດ​ ພຽງແຕ່ 3 ສະ​ເຕັບ​ນີ້ພໍ

          ລອງ​ຄິດ​ເບິ່ງ​ວ່າ​ຖ້າເບິ່ງ​ໄກໆ​ແລ້ວ​ໜ້າ​ເຈົ້າ​ງາມ​ເປັ່ງປັ່ງ​​ ແຕ່​ຖ້າເບິ່ງ​ໃກ້ໆ​ແລ້ວ​ ສິວ​ຫັວ​ດຳ​ຝັງ​ຢູ່​ເຕັມ​ໄປຫມົດ​ ໂດຍ​ສະເພາະ​ແມ່ນ​ດັງ​ນີ້ແຫຼະ​ບໍ່ຢາກຈະເວົ້າເລີຍແບບ​ນີ້​ບໍ່​ໄຫວ​ແທ້ໆ ທາງ​ທີ່​ດີ​ມາ​ກຳຈັດ​ສິວ​ຫົວ​ດຳ​ທັງ​ຫຼາຍ​ໃຫ້​ໝົດໄປ​ ດ້ວຍ​ 3 ສະ​ເຕັບ​ງ່າຍ​ໆ​ ຈາກ​ Daily Makeover ກັນ​ດີກວ່າ​ ຮັບຮອງ​ວ່າ​ໜ້າ​ໃສ​ປິ໊ງ​ ຟິນ​ກັນ​ສຸດ​ໆ​ ໄປ​ເລຍ​ແຫຼະ​

          ສະ​ເຕັບ​ທຳອິດ​ເລີ່ມ​ຈາກ​ການ​ໃຊ້​ອາຍ​ນ້ຳ​ເຂົ້າ​ຊ່ວຍ​ ໂດຍ​ຕ້ອງ​ຕົ້ມ​ນ້ຳ​ໃຫ້​ເດືອດ​ ຈາກ​ນັ້ນ​ນຳ​ມາ​ໃສ່​ຊາມ​ແລ້ວ​ເອົາ​ໜ້າ​ຮັບເອົາ​ອາຍ​ນ້ຳ​ທີ່​ຂຶ້ນ​ມາ​ ຫລື​ ວ່າ​ຈະ​ໃຊ້​ຜ້າຂົນ​ໜູ​ຊຸບ​ນ້ຳ​ຮ້ອນ​ມາ​ວາງ​ໄວ້​ເທິງ​ໃບ​ໜ້າ​ກໍ​ໄດ້​ ວິທີ​ນີ້​ຈະ​ຊ່ວຍ​ໃຫ້​ສິວ​ຫັວ​ດຳ​ທີ່​ຝັງ​ຢູ່​ເທິງ​ໜ້າ​ຂອງ​ສາວ​ໆ​ ຫຼຸດ​ອອກ​ມາ​ໄດ້​ງ່າຍ​ຫລາຍ​ຂຶ້ນ​

          ສ​ະເຕັບ​ຕໍ່​ມາ​ຄື​ການ​ຂັດໜ້າ​ເພື່ອ​ໃຫ້​ສິວ​ຫົວ​ດຳ​ຫຼຸດ​ອອກ​ມາ​ ໂດຍ​ໃຫ້​ນຳ​ຜະລິດຕະພັນ​ຂັດ​ຫນ້າທີ່ໃຊ້ຢູ່​ມາ​ຂັດ​ເບົາ​ໆ​ໃຫ້​ທົ່ວ​ ຖ້າ​ຂັດ​ແຮງ​ເກີນໄປລະ​ວັງ​ຜິວ​ໜ້າ​ຈະ​ລອກ​ໄດ້ເດີ​

          ຖ້າ​ຫາກ​ຍັງ​ເບິ່ງ​ເຫັນ​ສິວ​ຫົວ​ດຳ​​ເທິງ​ໃບ​ໜ້າ​ຢູ່ ຢ່າ​ປ່ອຍ​ໄວ້​ເດີ​ ຕ້ອງ​ກຳຈັດ​ໃຫ້​ກ້ຽງ​ດ້ວຍ​ໄມ້​ຕາຍ​ສຸດ​ທ້າຍ​ ນັ້ນ​ຄື​ການ​ໃຊ້​ມາດ​​ໂຄນ​ດູດ​ສິວ​ຫົວ​ດຳ​ນັ້ນ​ເອງ​ ລອງ​ເລືອກ​ມາດ​ໂຄນ​ດີ​ໆ​ ມາ​ທາເທິງ​ໃບ​ໜ້າ​ ຖິ້ມ​ໄວ້​ບຶດໜຶ່ງແລ້ວ​ລ້າງ​ອອກ​ດ້ວຍ​ຜ້າຂົນໜູ​ຈຸບນ້ຳ​ອຸ່ນ​

          ວ້າວ​ … ເຫັນ​ບໍ​ລ່ະ​ວ່າ​ພຽງແຕ່ 3 ສ​ະເຕັບ​ງ່າຍ​ໆ​ ກໍ​ກຳຈັດ​ສິວ​ຫົວ​ດຳ​ທີ່​​ກວນ​ໃຈ​ອອກ​ໄປ​ໄດ້​ແບບ​ເທບ​ໆ​ ແລ້ວ​ງານ​ນີ້​ບໍ່​ຕ້ອງ​ເພິ່ງ​​ໝໍ​ອີກແລ້ວ​ ^_^