ສິງເຕັງໜຶ່ງທີ່ໄດ້ຈະ ຟານ ໄດ໊ ຮ່ວມທັບ

 

ສື່ດັງເຜີຍ ເຊວຊີ ເປັນທີມເຕັງທີ່ຈະໄດ້ ເຟີຈິວ ຟານ ໄດ໊ ກອງຫຼັງຂອງ ເຊົາແຮມຕັນ ມາຮ່ວມທັບຫຼັງຈາກທີ່ຍື່ນເງິນກ້ອນໃຫຍ່ພ້ອມບວກນັກເຕະໄປແລກພ້ອມ.

 

ເຊວຊີ ສະໂມສອນຈ່າຝູງຂອງ ພຣີເມຍລີກ ກາຍເປັນທີມເຕັງທີ່ຈະໄດ້ ເຟີຈິວ ຟານ ໄດ໊ ເຊັນເຕີແບັກຂອງ ເຊົາແຮມຕັນ ສະໂມສອນຮ່ວມລີກມາເສີມເກມຮັບໃນຊ່ວງຊຳເມີນີ້ ຕາມການລາຍງານຈາກ ເດິ ຊັນ ສື່ຊັ້ນນຳຂອງເມືອງຜູ້ດີເມື່ອວັນອັງຄານທີ່ຜ່ານມາ.

 

ກອງຫຼັງທີມຊາດໂຮນລັງອາຍຸ 25 ປີຍ້າຍຈາກ ເຊວຕິກ ມາຮ່ວມທັບ “ນັກບຸນ” ເມື່ອຊ່ວງເດືອນກັນຍາປີ 2015 ແລະ ກໍເຮັດຜົນງານໄດ້ດີກັບທີມຈົນໄດ້ຮັບການຍົກຍ້ອງໃຫ້ເປັນໜຶ່ງໃນເຊັນເຕີແບັກທີ່ເກັ່ງທີ່ສຸດໃນເວທີ ພຣີເມຍລີກ.

 

ຫຼ້າສຸດ ເດິ ຊັນ ລະບຸວ່າ ເຊວຊີ ໄດ້ຍື່ນຂໍ້ສະເໜີເງິນຈຳນວນ 50 ລ້ານປອນບວກກັບ ອັນເດຣສ ຄຣິສເຕັນເຊັນ ກອງຫຼັງທີມຊາດແດນໝາກ (ປັດຈຸບັນຫຼິ້ນໃຫ້ກັບ ໂບຣຸສເຊຍ ມິວເຊັນກັດບັກ ແບບຢືມຕົວ) ໄປໃຫ້ “ນັກບຸນ” ພິຈາລະນາຮຽບຮ້ອຍ ເຊິ່ງກໍເຊື່ອກັນວ່າຕອນນີ້ ເຊົາແຮມຕັນ ກຳລັງຊັ່ງຊາຢູ່.

 

ທັງນີ້ ຟານ ໄດ໊ ເຊັ່ງຫາກໍເຊັນສັນຍາສະບັບໃໝ່ 6 ປີກັບ ເຊົາແຮມຕັນ ເມື່ອຊ່ວງຊຳເມີປີກ່ອນ ພັກຍາວມາຕັ້ງແຕ່ຊ່ວງເດືອນມັງກອນເພາະມີບັນຫາບາດເຈັບ.

 

ບົດຄວາມໃຫມ່ໆ