ສິງທີ່ຄວນຮູ້ເມື່ອມີບາດແຜທີເກີດຈາກຄວາມຮ້ອນ

       ການ​ທີ່​ເຮົາ​ຖືກ​ໄຟ​ໄໝ້​ ຫຼື ນ້ຳ​ຮ້ອນ​ລວກ ອາ​ດ​ເກີດ​ຂຶ້ນ​ໄດ້​ຈາກ​ຄວາມ​ບໍ່​ລະມັດລະວັງ ຫຼື​ ອາດ​ຈະ​ເປັນອຸປະ​ຕິ​ເຫດ​ທີ່​ສູດ​ວິ​ໄສ  ​ເມື່ອ​ມັນ​ເກີດ​ຂຶ້ນ​​ແລ້ວ ມັນ​ກໍ່ໍ່​​ໃຫ້​ເກີດ​ຄວາມ​ເສ​ຍຫາຍ​ຫຼາຍ​ກວ່າ​ທີ່​ຄິດ ​ໂດຍ​ສະ​ເພາະຄວາມ​ຮຸນ​ແຮງ​ຂອງ​ບາດ​​ແຜ​ທີ່​ຖືກ​ໄຟ​ໄຟ້ ​ມັນ​ອາດ​ເຮັດ​​ໃຫ້​ເກີດ​ຮອຍ​ແຜ​ທີ່ຍາກ​ທີ່​ຈະ​ຫາຍ​ໄປ ຖ້າ​ຫາກ​ມັນ​​ເກີດ​ໃນ​ບໍລິ​ເວນ​ທີ່​ສຳຄັນ​ຂອງ​ຮ່າງກາຍ ມັນ​ອາດ​ເຮັດ​ໃຫ້​ເຮົາ​ບໍ່​ມີ​ສະພາບ​ຮ່າງກາຍ​ທີ່​ຄື​ເກົ່າ ຫຼື ອາດ​ເຮັດ​ໃຫ້​ເກິ​ດການ​ຕິດ​ເຊື້ອ​ໄດ້​ງ່າ​ຍ ດັ່ງນັ້ນ​ ຫາກ​​ເກິ​ດ​ໄຟ​ໄໝ້ ຫຼື ນ້ຳ​ຮ້ອນ​ລວກ ຄວນ​ຊ່ວຍ​ປະ​ຖົມ​ພະຍາບານ​ໃຫ້​ຖືກຕ້ອງ ​ແລະ ວ່ອງ​ໄວ​ທີ່​ສຸດ ຄວາມ​ຮຸນ​ແຮງ​ຂອງ​ບາດ​​ແຜ​ແບ່ງ​ອອກ​ເປັນ 3 ລະດັບ ຂຶ້ນ​ກັບ​ຄວາມ​ກ້ວາງ​ເລິກ​ຂອງ​ບາດ​ແຜ

ລະດັບ 1 ມີ​ຮອຍ​ແດງ​ເກີດ​ຂຶ້ນ​າຈາກຄວາມ​ຮ້ອນ​ທີ່​ໄດ້​ຮັບ ບໍ່​ເກີດ​ອາການ​ໂພງ​ ​ເຊິ່ງມີ​ຜົນ​ກະທົບ​ຕໍ່​ຜິວໜັງ​ຊັ້ນ​ທີ 1 ຫຼື ໜັງ​ກ່ຳ​ພ້າ ​ເທົ່າ​ນັ້ນ ປະມານ 48 ຊົ່ວ​ໂມງ​ກໍ່​ຈະ​ຫາຍ​ໄປ​ເອງ

ລະດັບ 2 ມີ​ອາການ​ປວດ​ແສບ​ຮ້ອນ​ໃນ​ບໍລິ​ເວນທີ່​ເປັນ​ບາດ​ແຜ ມີ​ນ້ຳ​ຢ່າງ​ເຫຼືອງ​ໄຫລ ​ແລະ ມີ​ລັກສະ​ນະ​​ໂພງ​ເປັນ​ຕຸ່ມມີ​ນ້ຳ​ໃສ

ລະດັບ 3 ​​ເປັນ​ບາດ​ແຜ​ທີ່​ຄວາມ​ຮຸນ​ແຮງ​ຫລາຍ ມັນ​ຈະ​ເຂົ້າ​ໄປ​ເຖິງ​ຜິວໜັງ​ເລິກ​ລົງ​ໄປ​ເຖິງ​ເສັ້ນ​ເລືອດ ຫຼື ກະ​ດູກ ​ເສັ້ນປະສາດ​ອາດ​ຈະ​ໄດ້​ຮັບ​ຜົນ​ກະທົບ​ໄປ​ນຳ

ພາວະ​ແຊກ​ຊ້ອນ ອາການ​ບາດ​ເຈັບ​ຫາ​ກ​ເປັນ​ພຽງ​ໃນ​ລະ​ດັບ​ທີ 1-2 ມັນຈະ​ບໍ່ໜ້າ​ເປັນຫ່ວງ​ປານ​ໃດ ​ແຕ່​ຖ້າ​ຫາກ​ເ​ປັນ​ລະດັບ​ທີ 3 ມັນ​ອາດ​ມີ​ອາການ​ແຊກ​ຊ້ອນ​​ເກີດ​ຂຶ້ນ​ສະ​ເໝີ ຖ້າ​ຫາກ​ວ່າ​ຮຸນ​ແຮງ​ອາດ​ເຮັດ​ໃຫ້​ພິການ ​ແລະ ​ເສີ​ຍຊີວິດ​ໄດ້ ​ໂດ​ຍສະ​ເພາະ​ມີ​ອາການ​ດັ່ງ​ລຸ່ມ​ນີ້

— ການ​ຕິດ​ເຊື້ອ​ທີ່​ບາດ​ແຜ ສາມາດ​ເກີດ​ຂຶ້ນ​ໄດ້​ງ່າຍ ​ແລະ ​ເຮັດ​ໃຫ້​ບາດ​ແຜ​ເກີດ​ການອັກ​ເສ​ບ ຕ້ອງ​ເບິ່ງ​ແຍງ​ເປັນ​ພິ​ເສດ

— ທາງ​​ເດີນ​ຫາຍ​ໃຈ ຫາກ​ເກີດ​ໃນ​ບໍລິ​ເວນ​ທີ່​ສຳຄັນ ​ເຮັດ​ໃຫ້​ເກີດ​ການ​ຫາຍ​ໃຈ​ຕິດ​ຂັດ ​ໂດຍ​ສະ​ເພາະ​​ແມ່ນ​ທີ່​ໜ້າ​ເອິກ ​ເນື່ອງຈາກ​ຖືກ​ອະ​ໄວ​ຍະ​ວະ​ທີ່​ສຳຄັນ​ກະທົບ​ກັບ​ລະບົບ​ການ​ຫາຍ​ໃຈ

— ຊ໋ອກ ​​ເນື່ອງ​ຈາກ​ບາດ​ແຜ​ທີ່​ໃຫຍ່ ອາການ​ເຈັບ​ປວດ​ຮຸນ​ແຮງ ​ແລະ     ມີ​ການ​ເສີຍ​ເລືອດ​ຈົນ​        ມີ​ອາກາ​ນຊ໋ອກ​ໄດ້

ການ​ປະຖົມ​ຍາບານ ຖ້າ​ຫາກ​ວ່າ​ເຮົາ​ປະ​ຖົມ​ພະຍາບານ​ໃຫ້ຜູ້​ປ່ວຍ​ໄດ້​ຢ່າງ​ຖືກຕ້ອງ ​ແລະ ວ່ອງ​ໄວ ຈະ​ເຮັດ​ໃຫ້​ຄວາມ​ຮຸນ​ແຮງ​ຂອງ​ບາດ​ແຜ​ທີ່​ໄດ້​ຮັບ​ນັ້ນ ມີ​ເປີ​ເຊັນ​ໃນ​ການ​ຕິດ​ເຊື້ອ​ໄດ້​ໜ້ອຍ​ລົງ ຫຼື ບັນ​ເທົາ​ຄວາມ​ເຈັບ​ປວດ​ລົງ​ໄດ້

1. ຖ້າ​ຫາກ​ເຫັນ​ວ່າ​ໄຟ​ຍັງ​ໄໝ້​ຢູ່​ທີ່ຕົ​ນ​ໂຕ​ຂອງ​ຜູ້​ອື່ນ​ໃຫ້​ຮີບ​ດັບ​​ໂດຍ​ໄວ ​ໂດຍ​ຫາຜ້ານຈຸບ​ນ້ຳມາ​ຫົ່ມ ຫຼື ວ່າ​ໃຫ້​ກິ້ງ​ໄປ​ກິ້ງ​ມາ​ຈົນ​ດັບ

2. ​ໃຫ້​ແກ້​ເຄື່ອງນຸ່ງ ​ແລະ ​ເຄື່ອງ​ປະດັບອອກ

3. ຫາກ​ມີ​ບາດ​​ແຜ​ທີ່​ບໍ່​ໃຫຍ່ ​ໃຫ້ຫາ​ນ້ຳ​ເຢັນ​ມາ​ຮົມ​​ເພື່ອຫຼຸດຜ່ອນ​ຄວາມ​​ແສບ​ຮ້ອນ

4. ​ໃຫ້​ລ້າງ​ບາດ​ດ້ວຍ​ນ້ຳ​​​ເກືອ ຫາກ​​ເຫັນ​ວ່າ​ມີ​ອາການ​ໂພງ ​ແລະ ມີ​ນ້ຳ​ຢູ່​ໃນ​ໃຫ້ຫາ​ເຂັມ​ທີ່​ສະອາດ​ເຈາະ​ໄລ່​ເອົາ​ນ້ຳ​ອອກ ລ້າງ​ນ້ຳ​ເກືອ​ອີກ​ເທື່ອ​ໜຶ່ງ​ແລ້ວ​ຫາ​ຜ້າ​ມາ​ພັນ ​ແລະ ​​ໃຫ້​ລ້າງ​ທຸ​ກໆ​ມື້

5. ຫາກມີ​ຄວາມ​ຮຸນ​ແຮງ​ບາດ​ແຜ​ມີ​ຂະໜາດ​ໃຫຍ່ ​ໃຫ້​ໃຊ້​ຜ້າ​ສະອາດຮຳບາດ ​ແລະ ຮີບ​ນຳ​ສົ່ງ​ໂຮງໝໍ​ໂດຍ​ດ່ວນ

--------------------------------

ທີ່​ມາ: www.krabork.com