ສຳ­ເລັດການແຂ່ງ­ຂັນກິລາດອກປີກໄກ່ທົ່ວປະ­ເທດ


ການແຂ່ງ­ຂັນກີ­ລາຕີດອກປີກໄກ່ ທົ່ວປະ­ເທດ ຄັ້ງທີ 16 ປະ­ຈຳປີ 2016 ຊີງຂັນປະ­ທານສະ­ພາແຫ່ງຊາດ ໄດ້ສຳ­ເລັດລົງວັນທີ 7 ສິງ­ຫາ 2016 ທີ່ສະ­ໂມ­ສອນດອກປີກໄກ່ (ບຶງຂະຫຍອງ) ນະ­ຄອນ­ຫຼວງວຽງຈັນ ເປັນກຽດເຂົ້າຮ່ວມຂອງທ່ານ ບຸນປອນ ບຸດຕະນະວົງ ຮອງປະ­ທານສະ­ພາແຫ່ງຊາດ ທ່ານ ທອງຫຼ້າ ແສງວິໄຊ ປະ­ທານສະ­ຫະພັນດອກປີກໄກ່ແຫ່ງຊາດລາວ ທ່ານ ຄຳສອນ ແພງລັດ­ຕະ­ນະວົງ ຜູ້ອຳນວຍການຝ່າຍຂາຍບໍ­ລິ­ສັດ ເບຍລາວ ມີບັນ­ດາຄະ­ນະບໍ­ລິ­ຫານງານສະ­ຫະພັນດອກປີກໄກ່ແຫ່ງຊາດລາວ ພ້ອມດ້ວຍຄະ­ນະນຳນັກ­ກີ­ລາ ແລະ ນັກ­ກີ­ລາ.

ການແຂ່ງ­ຂັນຄັ້ງນີ້ ເພື່ອສ້າງຂະບວນການສະ­ເຫຼີມ­ສະ­ຫຼອງວັນລັດຖະທຳມະ­ນູນແຫ່ງຊາດ ຄົບ­ຮອບ 25 ປີ ວັນຍຶດອຳ­ນາດ 23 ສິງ­ຫາ ຄົບ­ຮອບ 41 ປີ ໃຫ້ມີບັນ­ຍາ­ກາດຟົດ­ຟື້ນ ທັງເປັນການຄັດເລືອກນັກ­ກີ­ລາທີ່ມີຄວາມສາ­ມາດ ພອນສະ­ຫວັນດີ­ເດັ່ນ ເຂົ້າຮ່ວມງານມະຫະກຳກີ­ລາຊີ­ເກມ ຄັ້ງທີ 28 ປີ 2017 ທີ່ປະ­ເທດມາເລເຊຍ ນອກ­ຈາກນີ້ຍັງເປັນການຄັດເລືອກ ແລະ ຈັດລະ­ດັບນັກ­ກີ­ລາແຕ່ລະຮຸ່ນໃຫ້ເຂົ້າລະ­ບົບ ພ້ອມທັງຈະມີການສະສົມຄະ­ແນນຂອງນັກ­ກີ­ລາ ເພື່ອຈະ ກ້າວເຂົ້າສູ່ການຈັດ­ການແຂ່ງ­ຂັນລະດັບລີກ (League) ທົ່ວປະ­ເທດ ເຊິ່ງໃນການຈັດແຂ່ງ­ຂັນຄັ້ງນີ້ ບໍ­ລິ­ສັດ ເບຍລາວ ໃຫ້­ການອຸ­ປະ­ຖຳເງິນ 203 ລ້ານກີບ.

================

ພາບແລະຂ່າວ: Pathedlao Lao