ສາວ​ໆ​ຄວນ​ຮູ້​ ຂໍ້​ເສຍ​ຂອງ​ຄໍ​ລາ​ເຈນ​ ມີ​ຫຍັງ​ແດ່​!!

ສາວ​ໆ​ຄວນ​ຮູ້​ ຂໍ້​ເສຍ​ຂອງ​ຄໍ​ລາ​ເຈນ​ ມີ​ຫຍັງ​ແດ່​!!

1.  ອາການ​ແພ້​ 

  • ຫາກ​ກິນ​ຄໍ​ລາ​ເຈນ​ແລ້ວ​ຮູ້ສຶກ​ຄື້ນ​ໄສ້​ ປວດ​ຮາກ​

  • ຖ້າແພ້​ຮຸນແຮງ​ ຈະ​ມີ​ອາການ​ບວມ​ເປັນ​ຜື່ນ​ຂຶ້ນ​

  • ບາງ​ຄົນ​ແພ້​ເຖິງ​ຂັ້ນ​ແໜ້ນ​ໜ້າ​ເອິກ​ ຫລອດລົມ​ຕີບ​ ຫາຍ​ໃຈ​ບໍ່​ອອກ​

  • ຄໍລາ​ເຈນ​ຈາກ​ປາ​ທະ​ເລ​ນ້ຳ​ເລິກ​ ຄົົນທີ່​ແພ້​ອາຫານ​ທະ​ເລ​ຖ້າ​ກິນ​ຄໍ​ລາ​ເຈນ​ຊະນິດ​ນີ້​ຈະ​ເກີດ​ອາການ​ແພ້ຢ່າງ​ຮຸນແຮງ​

  • ດັ່ງ​ນັ້ນ​ຄົົນທີ່​ມີ​ພະຍາດ​ປະຈຳ​ໂຕ​ ຫລື​ ແພ້​ງ່າຍ​ ຄວນ​ຫຼີກ​ລ້ຽງ​ ຫລື ​ແນະ​ນຳ​ໃຫ້ຮັບປະທານ​ຄໍ​ລາ​ເຈນ​ທີ່​ມີ​ມາດຕະຖານ​ໃນ​ການ​ຜະລິດ​ເພື່ອ​ຄວາມ​ປອດໄ​ພ​ຂອງ​ທ່ານ

2.  ສານ​ປົນ​ເປື້ອນ​ 

  • ຂະ​ບວນ​ການ​ຜະລິດ​ຄໍລາ​ເຈນ​ຂອງ​ແຕ່​ລະ​ຍີ່​ຫໍ້​ບໍ່​ຄືກັນ​ ບາງ​ຍີ່ຫໍ້​ອາດຈະ​ບໍ່​ໄດ້​ມາດຕະຖານ​ ຫລື​ ໃສ່​ສານ​ເພີ່ມ​ຄວາມ​ຂາວ​ຊຶ່ງ​ເປັນ​ອັນຕະລາຍ​ຕໍ່​ຮ່າງກາຍ​

  • ເມື່ອ​ເຮົາ​ຮັບປະທານ​ເຂົ້າໄປ​ແລ້ວ​ອາດຈະ​ເຮັດໃຫ້​ເກີດ​ອັນຕະລາຍ​ຕໍ່​ຮ່າງກາຍ​ ຫລື​ ໄດ້ຮັບ​ສານ​ພິດ​ສະ​ສົມ​ ເມື່ອ​ດົນ​ໄປ​ອາດຈະ​ມີ​ອັນຕະລາຍ​ເຖິງ​ຊີວິດ​ໄດ້​

3.  ສານ​ພິດ​ສະ​ສົມ​ 

  • ຖ້າ​ຮັບປະທານ​ຄໍ​ລາ​ເຈນ​ທີ່​ບໍ່​ໄດ້​ມາດຕະຖານ​ຕິດ​ຕໍ່​ກັນ​ເປັນ​ເວລາ​ດົນ​ ຈະ​ເຮັດໃຫ້​ຫມາກໄຂ່ຫລັງ​ເຮັດ​ວຽກ​ໜັກ​

  • ຄໍລາ​ເຈນ​ຈະ​ສົ່ງ​ຜ່ານ​ທາງ​ຫມາກໄຂ່ຫລັງ​ ຈະ​ເຮັດໃຫ້​ຫມາກໄຂ່ຫລັງ​ເຮັດວຽກ​ໜັກ​ຫລາຍ​ຂຶ້ນ​

  • ນອກ​ຈາກ​ອາຫານ​ທີ່​ເຮົາ​ຮັບປະທານ​ທຸກ​ມື້​ແລ້ວ​ ຫມາກໄຂ່ຫລັງ​ຍັງ​ຕ້ອງ​ມາ​ເຮັດວຽກ​ລ່ວງ​ເວລາ​ຂັບໄລ່​ຄໍ​ລາ​ເຈນ​ອີກ​

  • ດັ່ງ​ນັ້ນ​ໃຜ​ທີ່​ມີ​ບັນຫາ​ເລື່ອງ​ຫມາກໄຂ່ຫລັງ ​ຫລື​ ເປັນ​ພະຍາດ​ຫມາກໄຂ່ຫລັງ​ ລວມໄປ​ເຖິງ​ຜູ້​ສູງ​ອາ​ຍຸ​ຄວນ​ຫຼີກ​ລ້ຽງ​ນະ​ການຮັບປະ​ທານ​ຄໍ​ລາ​ເຈນ​