ສາວ​ງົງ​ໜັກ​ ສັ່ງ​ເຂົ້າ​ຜັດ​ພິກ​ແກງ​ໝູ​ ແຕ່​ໄດ້​ສິ່ງ​ນີ້​ມາ​ດ້ວຍ

ສາວ​ແຊ​​ພາບ​ເມ​ນູ​ພິດສະດານ​ຫຼັງ​ສັ່ງ​ເຂົ້າ​ຜັດ​ພິກ​ແກງ​ໝູ​ກອບ​ຖົ່ວ​ຝັກຍາວ​ ແຕ່ກັບ​ມີ​ພະ​ເຄື່ອງ​ແຖມ​ລົງ​ມາ​ໃນ​ຈານ​ດ້ວຍ​ ຊາວ​ເນັດ​ແຫ່​ແຊ​ກ​ະ​ໜ່ຳ​ ແຊ​ກັນ​ໜັກ​ຫລາຍ​

ເຊື່ອ​ວ່າ​ຫຼາຍ​ຄົນ​ຄົງ​ເຄີຍ​ມີ​ປະສົບການ​ພົບ​ເສັ້ນ​ຜົມ,​ ຢາງ​ຫລື​ສິ່ງ​ຂອງ​ແປກປອມ​ອື່ນ​ໆ​ ທີ່​ບັນດາ​ພໍ່​ຄ້າ​ແມ່​ຄ້າ​ອາດ​ເຜີ​ໃສ່​ຫລື​ຫຼົ່ນ​ລົງ​ໄປ​ໃນ​ຈານ​ເຂົ້າ​ຕາມ​ຮ້ານ​ອາຫານ​ຕາມ​ສັ່ງ​ທົ່ວ​ໄປ​ກັນ​ມາແດ່​ ແຕ່​ເຊື່ອ​ວ່າ​ເລື່ອງ​ທີ່​ເຮົາ​ຈະ​ນຳ​ສະເໜີ​ຕໍ່ໄປ​ນີ້ຄົງ​ຈະ​ແປກ​ປະຫລາດ​ບໍ່​ແພ້​ໃຜ​ຢ່າງ​ແນ່​ນອນ​.

ຢ່າງ​ກໍລະນີ​ລ່າ​ສຸດ​ ຜູ້​ສື່​ຂ່າວ​ລາຍ​ງານ​ວ່າ​ ໂລກ​ສັງຄົມ​ອອນ​ໄລ​​ກຳ​ລັງ​ແຫ່​ແຊ​​ພາບ​ຈານ​ເຂົ້າ​ລາດ​ຜັດ​ພິກ​ແກງ​ໝູ​ກອບ​ໃສ່​ຖົ່ວ​ຝັກ​ຍາວ​ ຂອງ​ຜູ້​ໃຊ້​ທະວິດ​ເຕີ​​ @SKehejd ທີ່​ໄດ້​ແບ່ງ​ປັນ​ປະສົບການ​ການ​ກິນ​ເຂົ້າ​ຮ້ານ​ອາຫານ​ຕາມ​ສັ່ງ​ທີ່​ພິດສະດານ​ບໍ່​ເໝືອນ​ໃຜ​ ເນື່ອງ​ຈາກ​ໃນ​ຈານ​ເຂົ້າ​ບໍ່​ໄດ້​ມີ​ແຕ່​ໝູ​ກອບ​ກັບ​ຖົ່ວ​ຝັກ​ຍາວ​ແຕ່​ແມ່​ຄ້າກັບ​ໃສ່​ພະ​ເຄື່ອງ​ຂະໜາດ​ເທົ່າ​ຊິ້ນ​ໝູ​ກອບ​ລົງ​ໄປ​ໃນ​ຈານ​ດ້ວຍ​ ແຕ່​ຍັງ​ດີ​ທີ່ສຸດ​ທ້າຍ​ຜູ້​ໂພລະ​ບຸ​ວ່າ​ຍັງ​ບໍ່​ທັນ​ໄດ້​ຕັກ​ພະ​ເຂົ້າ​ປາກ​ ເພາະ​ໃຊ້​ສ້ອມ​ຈິ້ມ​ເບິ່ງ​ກ່ອນ​ຈຶ່ງ​ຮູ້​ວ່າ​ເປັນ​ພະ​ແລະ​ໄດ້​ນຳ​ໄປ​ຄືນ​ແມ່​ຄ້າ​ແລ້ວ​

ທັງ​ນີ້​ຫຼັງ​ຈາກ​ເລື່ອງ​ດັ່ງ​ກ່າວ​ຖືກ​ເຜີຍແຜ່​ອອກ​ໄປ​ກໍ​ມີ​ຊາວ​ເນັດ​ຈຳນວນ​ຫລາຍ​ໃຫ້​ຄວາມ​ສົນ​ໃຈ​ພ້ອມ​ກັບ​ເຂົ້າ​ມາ​ສະແດງ​ຄວາມ​ຄິດ​ເຫັນ​ຈຳນວນ​ຫລາຍ​ກັນ​ຢ່າງ​ຄຶກ​ຄື້ນ​ ດ້ວຍ​ກໍ​ແຊວ​ວ່າ​ເປັນ​ເມ​ນູ​ໃໝ່​ຜັດ​ພະ​ໃສ່​ຖົ່ວ​ຝັກ​ຍາວ​ ດ້ວຍ​ກໍ​ບອກ​ວ່າ​ແມ່​ຄ້າຄົງ​ຕຳ​ພິກ​ແກງ​ແຮງ​ເກີນ​ໄປ​ພະ​ຈຶ່ງ​ຫຼົ່ນ​ລົງ​ໄປ​ໃນ​ຈານ​ ແຕ່​ຢ່າງໃດ​ກໍ່ຕາມ​ສຸດ​ທ້າຍ​ແລ້ວ​ຜູ້​ປະກອບ​ການ​ຄົງ​ຕ້ອງ​ໃສ່​ໃຈ​ເລື່ອງ​ສຸຂະ​ອະນາໄມ​ ຄວາມ​ສະ​ອາດ​ຂອງ​ອາຫານ​ເປັນ​ສິ່ງ​ສຳຄັນ​ ເພາະ​ຫາກ​ເປັນ​ສິ່ງ​ແປກປອມ​ຢ່າງ​ອື່ນ​ອາດ​ເກີດ​ເປັນ​ອັນຕະລາຍ​ແກ່​ຜູ້ບໍລິໂພກ​ໄດ້

""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""