ສາວໃຈໂຫດ!!ຕັດຍອດຊາຍແຟນເຫດຍ້ອນບໍ່ຍອມເຮັດແບບນີ້!!!

 

ສາວອິນເດຍໃຈໂຫດຈັບແຟນແກ້ເຄື່ອງບັງຄັບຮ່ວມເພດເປັນຄັ້ງສຸດທ້າຍ ກ່ອນຕັດອະໄວຍະວະເພດຝ່າຍຊາຍຖິ້ມ ເຫດຍ້ອນວ່າບໍ່ຍອມແຕ່ງງານນຳ.

ເວັບໄຊຂ່າວອິນເດຍ “ທາມ ອອຟ ອິນເດຍ” ລາຍງານຈາກເມືອງເດລີ ປະເທດອິນເດຍເມື່ອວັນທີ 26 ມິຖຸນາວ່າ ສາວອິນເດຍອາຍຸ 23 ປີກໍ່ເຫດຕັດອະໄວຍະວະແຟນໜຸ່ມ ຮູ້ພຽງແຕ່ຊື່ວ່າ “ຣາວີ” ອາຍຸ 35 ປີປະກອບອາຊີບພໍ່ຄ້າຂາຍເຄື່ອງຢູ່ຕາມແຄມທາງ ໂດຍຝ່າຍຍິງບັງຄັບຝ່າຍຊາຍໃຫ້ມີເພດສຳພັນນຳໃນຫ້ອງນຳ້ ແລະ ເມື່ອລົມກັນເລື່ອງແຕ່ງງານ ຣາວີ ກໍລັ່ນວາຈາວ່າຈະບໍ່ແຕ່ງງານກັບນາງ ຈົນເປັນເຫດໃຫ້ນາງລົງມືທຳຮ້າຍເຂົາ ຫຼັງຈາກເກີດເຫດດັ່ງກ່າວ ຣາວີ ເຂົ້າຮັບການຮັກສາໃນໂຮງໝໍ “ຊານເຈ ຄານທີ” ຕັ້ງຢູ່ໃນເຂດມັນໂກ ປຸຣິ ໃນເມືອງເດລີເຂດດຽວກັບບ້ານພັກຂອງແຟນສາວທີ່ເປັນຜູ່ລົງມື ເລື່ອງລາວເລີ່ມຕົ້ນຂຶ້ນຫຼັງຈາກທີ່ ຣາວີ ຫາກໍກັບມາຈາກການຂາຍເຄື່ອງນອກບ້ານ ແຟນສາວທີ່ຄົບຫາກັນມາ 4 ປີຍ່າງເຂົ້າມາຫາເພື່ອທີ່ຈະລົມກັນເລື່ອງການແຕ່ງງານຂອງທັງສອງ ແຕ່ເຂົາປະຕິເສດບໍ່ແຕ່ງກັບນາງຍ້ອນຄອບຄົວຂອງເຂົາບໍ່ເຫັນດີນຳ ຈາກນັ້ນຝ່າຍຍິງຈຶ່ງຍູ້ ຣາວີ ເຂົ້າໄປໃນຫ້ອງນຳ້ແກ້ເຄື່ອງເຂົາອອກ ແລະ ບັງຄັບໃຫ້ເຂົາມີເພດສຳພັນກັບນາງ ນາງຂູ່ເຂົາວ່າຖ້າບໍ່ຍອມເຮັດໃນສິ່ງທີ່ນາງບອກເຂົາຈະຕ້ອງຮັບຜົນຮ້າຍແຮງທີ່ຈະນຳມາ ຢ່າງໃດກໍຕາມ ຝ່າຍຊາຍບອກນາງວ່າເຂົາາບໍ່ແຕ່ງງານກັບນາງແນ່ນອນ ເຮັດໃຫ້ສາວຄົນນີ້ໃຈຮ້າຍຫຼັງຈາກທັງສອງມີເພດສຳພັນກັນເປັນເທື່ອສຸດທ້າຍ ນາງກໍກໍ່ເຫດຕັດຍອດຊາຍຂອງເຂົາຖິ້ມທັນທີດ້ວຍມີດປອກໝາກໄມ້ ເຈົ້າໜ້າທີ່ຕຳຫຼວດໄດ້ໃຫ້ຂໍ້ມູນກັບສື່ມວນຊົນທ້ອງຖິ່ນວ່າ ຂະນະເກີດເຫດນ້ອງຊາຍ ແລະ ນ້ອງສະໄພ້ຂອງຝ່າຍຍິງກໍຢູ່ໃນບ້ານແຕ່ພວກເຂົາບໍ່ຫ້າມນາງຂະນະທີ່ນາງກຳລັງທຳຮ້າຍເຂົາ ເຮັດໃຫ້ເມື່ອ ຣາວີ ຮ້ອງຂໍໃຫ້ມີຄົນຊ່ວຍເພື່ອນບ້ານທີ່ຢູ່ຕິດກັນຈຶ່ງເປັນຄົນໂທແຈ້ງຕຳຫຼວດ ແລະ ພາຕົວສົ່ງໂຮງໝໍ ສ່ວນຝ່າຍຍິງ ແລະ ພີ່ນ້ອງຕາງພາກັນລົບໜີ ແລະ ຍັງບໍ່ສາມາດຈັບຕົວມາດຳເນີນຄະດີໄດ້.