ສາວນ້ອຍບ້ານນາທີ່ມີຍອດຄົນຕິດຕາມສູງເຖິງ 34,140 ຄົນ ເນັດໄອດໍ້ບາງຄົນຍັງອາຍ

       ສາວນ້ອຍບ້ານນາທີ່ມີຊື່ເຟດບຸກວ່າ: ດອກຄູນສາວບ້ານມະຫາໄຊ ດວງສະຫວັນນະບັນລັງ ເປັນສາວເນັດໄອດໍ້ບ້ານນາ ທີ່ມີຍອດຄົນຕິດຕາມຫຼາຍຜູ້ໜຶ່ງໃນປະເທດລາວ. ຫຼາຍຄົນອາດຈະສົງໄສວ່າລາວແມ່ນໃຜມາແຕ່ໃສ? ແລະ ມີຫຍັງດີ ເປັນຫຍັງຜູ້ຄົນຄືໃຫ້ຄວາມສົນໃຈລາວແທ້. ສາວນ້ອຍຄົນນີ້ຊື່ວ່າ: ດອກຄູນ ຮຽນຢູ່ໂຮງຮຽນ ມ.ສ ມະຫາໄຊ ເມືອງ ມະຫາໄຊ ແຂວງ ຄໍາມ່ວນ ດິນແດນຖິ່ນເຂົ້າໜົມປ່ານ ອັນລືຊື່.

       ຄວາມສາມາດໃນອັນເອັນເຕີແທນຜູ້ເບິ່ງໃຫ້ມີຮອຍຍິ້ມ ແລະ ສຽງຫົວ ເປັນສະເໜ່ອີກຢ່າງໜຶ່ງທີ່ສາວນ້ອຍຄົນນີ້ສາມາດເຮັດໃຫ້ທຸກຄົນທີ່ໄດ້ເບິ່ງຫຼົງໄຫຼ ແລະ ຫຼົງຮັກແບບບໍ່ຮູ້ຕົວ. ບຸກຄະລິກທ່າທາງບວກກັບກັບການສະແດງອາລົມ ເພື່ອຖ່າຍທອດເລື່ອງລາວຕ່າງໆຜ່ານທາງສື່ອອນໄລນ໌ (Facebook) ເຮັດໃຫ້ຫຼາຍຄົນສົນໃຈໃນສິ່ງທີ່ລາວເຮັດ ເຊິ່ງໃນແຕ່ລະຮູບທີ່ລາວໂພດສ໌ລົງເຟດບຸກ ມີຍອດໄລ້ບໍ່ຕໍ່າກວ່າ 2000 ໄລ້ ແລະ ວີດີໂອທີ່ມີຍອດໄລ້ສູງເຖິງ 6000 ກວ່າໄລ້. ຍ້ອນເຫດຜົນນີ້ຈຶ່ງເຮັດໃຫ້ທຸກຄົນຢາກຕິດຕາມຜົນງານຂອງສາວນ້ອຍບ້ານນາຄົນນີ້. ມີຍອດຄົນຕິດຕາມ 34,140 ຄົນ ເຊິ່ງສູງປານດາລາຊຸບຕາບ້ານເຮົາເລີຍ.

        ນອກຈາກຄວາມສາມາດທີ່ກ່າວມາແລ້ວສາວນ້ອຍບ້ານນາຄົນນີ້ຍັງຮັບລີວິວສິນຄ້າຕ່າງໆ,​ແຈກ ແລະ ແຊຣ໌ເຟດບຸກໃຫ້ຄົນອື່ນ, ແຕ່ງກາບກອນ ແລະ ການສະແດງ...ຖືໄດ້ວ່າເປັນສາວນ້ອຍທີ່ມີຫຼາກຫຼາຍຄວາມສາມາດເລີຍກໍວ່າໄດ້.​ ສາມາດຕິດຕາມຜົນງານນ້ອງນ້ອຍຄົນນີ້ຕາມທາງຊື່ເຟດບຸກຂ້າງເທິງນັ້ນ.