ສາວຈິນເສຍຊິວິດຕອນເປັນປະຈຳເດືອນເພາະແລ່ນອອກກຳລັງກາຍ

ຫວ່າງບໍ່ດົນມານີ້ມີຂ່າວມາຈາກແດນມັງກອນເປີດເຜີຍວ່າ ເດັກຍິງໄວ 14ປີຜູ້ໜຶ່ງແລ່ນອອກກຳລັງກາຍຕອນເປັນປະຈຳເດືອນ ຢູ່ດີໆກໍລົ້ມຟຸບລົງພື້ນ ມີຜູ້ຊ່ວຍປ້ຳຫົວໃຈ, ຜາຍປອດແຕ່ກໍບໍ່ສຳເລັດ ເລີຍເສຍຊີວິດໃນທີ່ສຸດ.

ຂ່າວນີ້ບໍ່ມີຂໍ້ມູນຊັດເຈນ ຢ່າຟ້າວຫຸເບົາເຊື່ອກັນງ່າຍໆ ຍິ່ງເວົ້າເລື່ອງ ຫ້າມອອກກຳລັງກາຍຂະນະມີປະຈຳເດືອນ ແຮ່ງຕ້ອງພິຈາລະນາກັນດີໆວ່າຄວນເຊື່ອບໍ່?

ບັນດາຜູ້ຊ່ຽວຊານສຸຂະພາບ ແລະຄວາມງາມຂອງຜູ້ຍິງ ຕ່າງກໍອອກຄຳເຫັນກົງກັນວ່າ ຜູ້ຍິງສາມາດອອກກຳລັງກາຍລະຫວ່າງມີປະຈຳເດືອນໄດ້ ຖ້າອອກຢ່າງຖືກວິທີ, ບໍ່ຫັກໂຫມເກີນໄປ ພ້ອມຍັງເປັນການດີຕໍ່ການຮັກສາລະດັບຮໍໂມນຂອງຮ່າງກາຍ ຊ່ວຍໃຫ້ບໍ່ເກີດອາຫານກະວົນກະວາຍ, ບໍ່ເຈັບຫົວງ່າຍ ແລະມີກ້າມເນື້ອແຂງແຮງ.

ສ່ວນການອອກກຳລັງແບບໃດໃຫ້ເໝາະສົມ ແມ່ນສັງເກດຈາກສຸຂະພາບຂອງເຮົາເອງວ່າອ່ອນເພຍເກີນໄປຫຼາຍບໍ່ ຫຼືເລີ່ມປວດກ້າມເນື້ອແລ້ວຫຼືຍັງ...ແນະນຳໃຫ້ດື່ມນ້ຳສະອາດອຸນຫະພຸມປົກກະຕິເພື່ອໃຫ້ຮ່າງກາຍບໍ່ຂາດນ້ຳໃນໄລຍະທີ່ເປັນປະຈຳເດືອນ.

ຕົວຢ່າງຫນຶ່ງທີ່ໜ້າສົນໃຈຂອງການອອກກຳລັງກາຍລະຫວ່າງເປັນປະຈຳເດືອນ  ຜູ້ຍິງຄົນໜຶ່ງຊື່ Kiran Gandhi ໄດ້ເຂົ້າຮ່ວມແຂ່ງຂັນແລ່ນມາລາທອນ ຢູ່ທີ່ລອນດອນ ປະເທດອັງກິດ ໃນຂະນະທີ່ລາວເປັນປະຈຳເດືອນ ແຖມຍັງບໍ່ຍອມໃສ່ຜ້າອະນາໄມ ເພື່ອຮ່ວມໂຄສະນາເຜີຍແຜ່ສິດທິແມ່ຍິງໃນໂລກອີກຈຳນວນຫຼວງຫຼາຍທີ່ຂາດແຄນສິນຄ້າອະນາໄມດັ່ງກ່າວ. ລາວສາມາດແລ່ນເຂົ້າເສັ້ນໄຊໄດ້ຢ່າງສຳເລັດໃນໄລຍະທາງກວ່າ 26ໄມ. ນັ້ນສະແດງໃຫ້ເຫັນວ່າຜູ້ຍິງທີ່ເປັນປະຈຳເດືອນສາມາດອອກກຳລັງກາຍໄດ້. ສາວໆອາດຈະອອກກຳລັງກາຍເບົາໆເຊັ່ນຕີດອກປີກໄກ່, ໄປຟິດເນັດ (ແຕ່ຢ່າໄປລອຍນ້ຳກໍແລ້ວກັນ) ຈາກການວິໄຈພົບວ່າການອອກກຳລັງກາຍຈະສ່ວນໃຫ້ຮູ້ສຶກສະບາຍໂຕຂຶ້ນ. 

ຂໍ້ມູນ: ດຣ. Jessada Denduangboripant