ສາລະວັນ ໄຂກອງປະຊຸມ ຄົບຄະນະ ບໍລິຫານງານພັກແຂວງ ເປີດກວ້າງ ສະໄໝວິສາມັນ

 ວັນ​ທີ 3 ກັນຍາ​ນີ້, ແຂວງສາລະ​ວັນ ​ໄດ້​ຈັດ​ກອງ​ປະຊຸມ​ ຄົບ​ຄະນະ​ ບໍລິຫານ​ງານ ພັກ​ແຂວງ ສະ​ໄໝ​ວິສາມັນ  ​ໂດຍ​ການ​ເປັນ​ປະທານ​ຂອງ ສະຫາຍ ສີ​ສຸວັນ ວົງ​ຈອມ​ສີ ​ເລຂາ​ພັກ, ​ເຈົ້າ​ແຂວງ​ໆສາລະ​ວັນ, ມີພາກສ່ວນ​ ກ່ຽວຂ້ອງ ພ້ອມ​ດ້ວຍ​ ເລຂາ​ພັກ​ເມືອງ 8 ຕົວ​ເມືອງ​ເຂົ້າ​ຮ່ວມ.

 ກອງ​ປະຊຸມ​​ ໃນ​ຄັ້ງ​ນີ້ ​ໄດ້​ຜ່ານ​ມະຕິ ​ຕົກ​ລົງ​ວ່າ​ດ້ວຍ​ ການ​ແບ່ງ​ງານ ​ຄະນ​ະ ບໍລິຫານ​ງານ ພັກ​ແຂວງ​ ສະ​ໄໝ​ທີ VIII ​ແລະ​ ຜ່ານຮ່າງ​ໂຄງການ ​ດຳ​ເນີນ​ງານ​ ຂອງ​ຄະນະ ​ບໍລິຫານ​ງານ ​ພັກ​ແຂວງ ​ໄລຍະ 5 ປີ (2016 – 2020), ຜ່ານ​ຮ່າງ​ ຂໍ້​ກຳນົດ​ ພາລະ​ບົດບາດ​ໜ້າ​ທີ່, ຂອບ​ເຂດ​ສິດ ​ແລະ ​ແບບ​​ແຜນ ​ວິທີ​ເຮັດ​ວຽກ​ ໃນ​ຊຸດ​ນີ້ ລວມທັງ​​ ໄດ້​ຜ່ານ​ ນິຕິ​ກຳ​ຕ່າງໆ (ການຈັດ​ຕັ້ງ​ ໂຍກ​ຍ້າຍ, ​ເຈົ້າ​ເມືອງ, ​ຮອງ​ເຈົ້າ​ເມືອງ), ອີງ​ຕາມ ​ມະຕິ​ຕົກ​ລົງ​ ສະບັບ​ເລກທີ 07/ຄຈພຂ.ສວ ລົງ​ວັນ​ທີ 13 ສິງຫາ 2015 ວ່າ​ດ້ວຍ ການ​ແບ່ງ​ງານ​ ຂອງ​ຄະນະບໍລິຫານ​ງານຊຸດ​ນີ້​ເພື່ອ​ຊີ້​ນຳຂອບ​ເຂດວຽກ​ງານ​ຕ່າງໆ​ພາຍ​ໃນທົ່ວ​ແຂວງ.

ຜູ້ເຂົ້າ​ຮ່ວມ ​ໄດ້​ພ້ອມ​ກັນ​ ຄົ້ນຄວ້າ ປະກອບ​ຄຳ​ຄິດ​ເຫັນ​ ໃສ່​ຮ່າງ​ໂຄງການ​ ດຳ​ເນີນ​ງານ​ ຂອງ​ຄະນະ​ ບໍລິຫານ​ງານ​ ພັກ​ແຂວງ, ຮ່າງ​ຂໍ້​ກຳນົດ, ພາລະ​ບົດບາດ​ໝ້າ​ທີ່ ​ແລະ​ ແບບ​ແຜນ ​ວິທີ​ເຮັດ​ວຽກ ​ຕ່າງໆ​ ໃຫ້​ມີ​ຄວາມ​ລະອຽດ, ຊັດ​ເຈນ ​ແລະ ​​ເປັນ​ເອກະ​ພາບ​ກັນ​​ເພື່ອຂຸດຄົ້ນ ທ່າແຮງບົ່ມຊ້ອນ ທາງປັນຍາ ອອກມາ ພັດທະນາແຂວງ ຂອງຕົນ ຢ່າງບໍ່ຢຸດຢັ້ງ ​ແລະ ປັບປຸງຄືນໃໝ່ຂອດທີ່ຍັງຄົງຄ້າງເພື່ອສ້າງສາພັດທະນາ.

……………………………………………………………………………………………………………………………………………………………………………………………………………………………

ທີ່​ມາ: www.kpl.gov.la