ສາລະພັດປະໂຫຍດຈາກຂ່າຮັກສາໂລກຜີວໝັງ

     ສັບ­ພະ​ຄຸນ: ເປັນ​ຢາ​ແກ້ທ້ອງ​ອືດ, ຂັບ​ລົມ​ແກ້​ອາ­ການ​ເປັນພິດ ແລະ​ ໃຊ້​ເປັນ​ຢາ​ແກ້​ອາ­ການແພ້​ອາ­ກາດ, ໂລກ​ຜິວ­ໜັງ​ຕິດ­ເຊື້ອພະ­ຍາດ ແລະ​ ເຊື້ອ​ຣາ.

    ວິ­ທີ ແລະ​ ປະ­ລິ­ມານ​ທີ່​ໃຊ້: ຮັກສາ​ທ້ອງ​ອືດ, ຂັບ​ລົມ, ແກ້​ບິດ, ຮາກ, ປວດ​ທ້ອງ ໃຫ້​ໃຊ້​ເຫງົ້າ​ແກ່ຂອງ​ຂ່າ​ສົດ​ຍາວ​ປະ­ມານ 1-6 ນິ້ວ​ຕຳ​ໃຫ້​ລະ­ອຽດ​ຕື່ມ​ນ້ຳ​ປູນ​ໃສພໍ­ປະ­ມານ​ໃຊ້​ເປັນ​ນ້ຳ​ຢາ​ດື່ມ​ຄັ້ງລະ 5 ຖ້ວຍ​ແກ້ວ​ນ້ອຍ​ດື່ມ​ມື້​ລະ 3 ເວ­ລາ​ຫຼັງ​ອາ­ຫານ , ຮັກ­ສາ​ລົມ​ພິດ ຫຼື ອາ­ການ​ແພ້​ອາ­ກາດໃຫ້​ໃຊ້​ເຫງົ້າຂ່າ​ແກ່​ສົດໆ 1 ອັນ​ຕຳ​ໃຫ້​ລະ­ອຽດຕື່ມ​ເຫຼົ້າ​ຂາວ​ລົງ​ໄປ​ພໍ​ໃຫ້​ປຽກໆໃຊ້​ທັງ​ຕ່ອນ ແລະ​ ນ້ຳທາ​ບໍ­ລິ­ເວນທີ່​ເປັນ​ຜືນ​ຄັນ​ແດງ​ເລື້ອຍໆ​ຈົນກວ່າ​ຈະ​ດີ​ຂຶ້ນ, ຮັກ­ສາ​ຂີ້­ຫິດ​ຂີ້ກາກ, ໂລກ​ຜິວ­ໜັງໃຊ້​ເຫງົ້າ​ຂ່າແກ່​ເທົ່າ​ຫົວ​ໂປ້​ມື​ຕຳ​ໃຫ້​ລະ­ອຽດປະ­ສົມ​ເຫຼົ້າ​ຂາວທາ​ບໍ­ລິ­ເວນ​ທີ່ເປັນ​ຫຼາຍໆ​ຄັ້ງ​ຈົນ​ກວ່າ​ຈະ​ຫາຍເຊົາ​ເປັນ​ປົກ­ກະ­ຕິ.

................................................................................................................................................................................

ບົດຄວາມໃຫມ່ໆ