ສາລະພັດປະໂຫຍດຂອງນ້ຳໝາກພ້າວ

 

ການກັ່ນເອົານ້ຳມັນຫມາກພ້າວບໍລິສຸດ ບໍ່ຄວນໃຊ້ຄວາມຮ້ອນ ແລະ ສານເຄມີເພື່ອຮັກສາສານໃນນ້ຳມັນຫມາກພ້າວ ແລະ ປ້ອງກັນບໍ່ໃຫ້ການຈັບຕົວຂອງໂມເລກຸນໃນນ້ຳມັນຫມາກພ້າວກາຍເປັນໂທດຕໍ່ຮ່າງກາຍ.

ນ້ຳມັນຫມາກພ້າວເປັນໄຂມັນອີ່ມຕົວຊະນິດດີ ບໍ່ເຮັດໃຫ້ຄໍເລສເຕີລໍໃນເລືອດສູງ ແຕ່ກົງກັນຂ້າມເຮັດໃຫ້ຄໍເລສເຕີໂຣນດີເພີ່ມຂຶ້ນ, ບໍ່ກໍ່ໃຫ້ເກີດມະເຮັງ ເພາະເປັນໄຂມັນອີ່ມຕົວ ບໍ່ປ່ຽນສະພາບໄດ້ງ່າຍ ມີແຄລຊຽມ, ແມັກເນຊຽມ, ເບຕ້າແຄໂລທີນ, ວິຕາມິນ A, D, E ແລະ K ເມື່ອຮ່າງກາຍຂາດແຄນຊຽມ ແລະ ແມັກເນຊຽມ ເຮັດໃຫ້ກະດູກແຕກຫັກໄດ້ງ່າຍ. ດັ່ງນັ້ນ, ການກິນນ້ຳມັນຫມາກຈະຊ່ວຍເສີມສ້າງກະດູກໃຫ້ແຂງແຮງ.

ການກິນນ້ຳມັນຫມາກພ້າວເຮັດໃຫ້ຮ່າງກາຍດູດຊຶມສານອາຫານໄດ້ດີ ໂດຍສະເພາະຜູ້ທີ່ກຳລັງຖືພາຄວນກິນອາຫານທີ່ປະກອບດ້ວຍນ້ຳມັນຫມາກພ້າວໃຫ້ຫລາຍໆ ເພາະລູກນ້ອຍຈະໄດ້ຮັບສານອາຫານທ່ີຈຳເປັນຢ່າງພຽງພໍ. ນອກນີ້ນ້ຳຫມາກພ້າວຍັງປະກອບດ້ວຍກົດລໍລິດເປັນສານທີ່ມີໃນນ້ຳນົມແມ່. ດັ່ງນັ້ນ ການກິນນ້ຳມັນຫມາກພ້າວຈຶ່ງເປັນການກະຕຸ້ນໃຫ້ນ້ຳນົມແມ່ອຸດົມໄປດ້ວຍສານອາຫານ ແລະ ກົດດັ່ງກ່າວຍັງສາມາດຂ້າເຊື້ອພະຍາດໄດ້ ຈຶ່ງເຮັດໃຫ້ລູກນ້ອຍແຂງແຮງມີພູມຄຸ້ມກັນສູງ.

ນອກຈາກນີ້ການກິນນ້ຳມັນຫມາກພ້າວຍັງຊ່ວຍປ້ອງກັນການເກີດມະເຮັງ, ຫົວໃຈ ແລະ ເບົາຫວານ ຍ້ອນວ່າການກິນນ້ຳມັນຫມາກພ້າວຈະຊ່ວຍຫລຸດການເສື່ອມຂອງຫລອດເລືອດຫົວໃຈ ແລະ ການເບິ່ງເຫັນກໍລະນີພະຍາດເບົາຫວານ ແລະ ຫລຸດອະນຸມູນອິດສະຫລະທີ່ກໍ່ໃຫ້ເກີດພະຍາດມະເຮັງ. ການກິນນ້ຳຫມາກພ້າວໃຫ້ມີຄວາມເຫມາະສົມແມ່ນ 3 ບ່ວງຕໍ່ມື້ສຳລັບຜູ້ໃຫຍ່ທົ່ວໄປ ແລະ ຜູ້ທີ່ມີນ້ຳຫນັກ 70 ກລ ຂຶ້ນໄປແມ່ນກິນ 4 ບ່ວງຕໍ່ມື້.

ພ້ອມກັນນັ້ນ, ນ້ຳມັນຫມາກພ້າວຍັງຊ່ວຍບຳລຸງຜິວ, ປ້ອງກັນຝ້າ ແລະ ເຮັດຄວາມສະອາດຮູຂຸມຂົນ ຫລຸດບັນຫາເລື່ອງສິວ ເມື່ອຜິວຫນ້າຂອງເຮົາເປື້ອນ ຮູຂຸມຂົນຖືກອັດຕັນຮ່າງກາຍບໍ່ມີຊ່ອງທາງຂັບຂອງເປື້ອນອອກຈຶ່ງເຮັດໃຫ້ເກີດບັນຫາເລື່ອງສິວ, ໃບຫນ້າເກີດມີຮ່ອງຮອຍໃຫ້ເອົານ້ຳມັນຫມາກພ້າວທາຫນ້າ ນ້ຳມັນຫມາກພ້າວຈະຊຶມຜ່ານຜິວຫນ້າ ແລະ ເຮັດຄວາມສະອາດຜິວຫນ້າ. ຊ່ວຍເບິ່ງແຍງເສັ້ນຜົມ, ຮາກຜົມ ແລະ ຫນັງຫົວ, ເຮັດໃຫ້ຜົມເງົາງາມແຂງແຮງ ບໍ່ຫງອກກ່ອນໄວ, ຜົມບໍ່ຫລົ່ນ ແລະ ຄວບຄຸມລັງແຄ ເຊິ່ງການນຳໃຊ້ນ້ຳມັນຫມາກພ້າວແມ່ນໃຫ້ເອົານ້ຳມັນຫມາກພ້າວປະມານ 1-2 ບ່ວງນວດຜົມ ແລະ ຫນັງຫົວຈົນໃຫ້ນ້ຳມັນຊຶມເຂົ້າຫນັງຫົວ ປະໄວ້ປະມານ 15 ນາທີແລ້ວລ້າງອອກ.

 

 

ບົດຄວາມໃຫມ່ໆ