ສານຕັດສິນລົງໂທດຜູ້ຄ້າຂາຍຢາເສບຕິດ ແລະ ລະເມີດກົດລະບຽບຈະລາຈອນ

ວັນທີ 2 ກຸມພາ 2016, ສານປະຊາຊົນແຂວງຈໍາປາສັກ ໄດ້ພິຈາລະນາຕັດສິນຄະດີອາຍາ ມີທັງໝົດ 10 ເລື່ອງ, ມີຈໍາເລີຍ 10 ຄົນ ຍິງ1 ຄົນ, ໃນນັ້ນຈໍາເລີຍ 7 ຄົນຄື: ທ້າວ ທິດ ອາຍຸ 27 ປີ, ສັນຊາດລາວ, ອາຊີບເຮັດສວນ ຢູ່ບ້ານນ້ຳແບ່ງ ເມືອງເລົ່າງາມ ແຂວງສາລະວັນ, ນາງ ຕຸກຕາ ອາຍຸ 35 ປີ, ສັນຊາດລາວ, ອາຊີບຄ້າຂາຍ ຢູ່ບ້ານວັງເຕົ່າ ເມືອງໂພນທອງ ແຂວງຈໍາປາສັກ ແລະ ທ້າວ ດິນບິນເຫີ້ຍ ອາຍຸ 22 ປີ ສັນຊາດຫວຽດນາມ ບ້ານທ່າໄຮ ເມືອງປາກເຊ ແຂວງຈຳປາສັກ, ເຊິ່ງພວກກ່ຽວແມ່ນຖືກຂໍ້ຫາຄ້າຂາຍ ແລະ ເສບຢາເສບຕິດ ປະເພດຢາບ້າ ຖືກສານລົງໂທດຕັດອິດສະລະພາບຜູ້ລະ 5 ປີ ແລະ ປັບໃໝຜູ້ລະ 10 ລ້ານກີບ.ສວ່ນ ທ້າວ ພອນວິໄລ ອາຍຸ 25 ປີ, ສັນຊາດລາວ, ອາຊີບເຮັດນາ ຢູ່ບ້ານນາບອນ ເມືອງປະທຸມພອນ ແຂວງຈໍາປາສັກ, ຖືກຂໍ້ຫາຄ້າຂາຍ ແລະ ເສບຢາເສບຕິດ ປະເພດຢາບ້າ ຖືກສານລົງໂທດຕັດອິດສະລະພາບ12 ປີ ປັບໃໝ 150 ລ້ານກີບ. ທ້າວ ໂຕເຫຼັກ ອາຍຸ 18 ປີ, ສັນຊາດລາວ, ອາຊີບນັກຮຽນ ຢູ່ບ້ານໂພນງາມ ເມືອງປາກເຊ ແຂວງຈໍາປາສັກ, ຖືກຂໍ້ຫາຄ້າຂາຍ ແລະ ເສບຢາເສບຕິດ ປະເພດຢາບ້າ ຖືກສານລົງໂທດຕັດອິດສະລະພາບ1 ປີ 1ເດືອນ ປັບໃໝ10 ລ້ານກີບ. ທ້າວ ສົມລັດ ອາຍຸ 58 ປີ, ສັນຊາດລາວ, ອາຊີບເຮັດນາ ຢູ່ບ້ານຫຼັກ 40 ເມືອງປະທຸມພອນ ແຂວງຈຳປາສັກ, ຖືກຂໍ້ຫາຄ້າຂາຍ ແລະ ເສບຢາເສບຕິດ ປະເພດຢາບ້າ ຖືກສານລົງໂທດຕັດອິດສະລະພາບ6 ປີ ປັບໃໝ 20 ລ້ານກີບສ່ວນຈໍາເລີຍອີກ 3 ຄົນຄື: ທ້າວ ໄຊ ຫຼື ຫຼິວ ອາຍຸ 41 ປີ, ສັນຊາດລາວ, ອາຊີບເຮັດນາ ຢູ່ບ້ານໜອງຫີນ ເມືອງປະທຸມພອນ ແຂວງຈໍາປາສັກ ຖືກຂໍ້ຫາເຮັດໃຫ້ຜູ້ອື່ນບາດເຈັບ ແລະ ຂົ່ມຂືນທຳສຳເລົ່າຖືກສານຕັດສິນລົງໂທດຕັດອິດສະລະພາບ 11 ປີ ປັບໃໝ 5 ລ້ານກ່ວາກີບ. ທ້າວ ອ່ອນ ອ່ອນວາຈາ, ອາຍຸ 24 ປີ, ສັນຊາດລາວ, ອາຊີບເຮັດນາ ຢູ່ບ້ານຊົ້ງຊາຍ ເມືອງໂພນທອງ ແຂວງຈຳປາສັກ ຖືກຂໍ້ຫາ ຂົ່ມຂືນທຳສຳເລົາ ສານຕັດສິນລົງໂທດຕັດອິດສະລະພາບຈຳຄຸກ1 ປີ ກັບ 6 ເດືອນ ພ້ອມທັງປັບໃໝ 1 ລ້ານກີບ. ສ່ວນ ທ້າວ ໄພບູນ ຫຼື ລ່ອງ ອາຍຸ 38 ປີ ສັນຊາດລາວ, ອາຊີບສ້ອມແປງ ບ້ານສະຜ່າຍ ຖືກຂໍ້ຫາລະເມີດກົດຈະລາຈອນ ພາໃຫ້ເກີດອຸບັດເຫດ ຖືກສານລົງໂທດຕັດອິດສະລະພາບຜູ້ລະ 5 ປີ ແລະ ປັບໃໝຜູ້ລະ 7 ແສນກີບ.
ຂ່າວ-ພາບ:ອໍລະດີ

pathedlao Lao