ສາທາ ສະຫລຸບວຽກງານລະບາດວິທະຍາ ປະຈຳປີ 2014-2015

ຂະແໜງລະບາດວິທະຍາ ພະແນກສາທາລະນະສຸກແຂວງສະຫວັນນະເຂດໄດ້ຈັດກອງປະຊຸມ ສະຫລຸບ ວຽກງານລະບາດວິທະຍາ ປະຈຳປີ 2014-2015 ຂຶ້ນ ໃນວັນທີ 26 ພະຈິກ 2015 ໂດຍການ ເຂົ້າຮ່ວມແລະກ່າວເປີດກອງປະຊຸມຂອງທ່ານ ດຣ ປະນອມ ພອງມມະນີ ຫົວໜ້າພະແນກສາທາລະ ນະສຸກແຂວງ ເຊິ່ງກອງປະຊຸມຄັ້ງນີ້ມີທ່ານ ຮອງຫົວໜ້າພະແນກ,ຄະນະອຳນວຍການໂຮງໝໍແຂວງ, ໂຮງໝໍທະຫານແຂວງ,ໂຮງໝໍບໍລິເວນ109,ຂະແໜງການອ້ອມຂ້າງພະແນກສາທາລະນະສຸກ ແຂວງ ,ຫ້ອງການ ສາທາລະນະ ສຸກ ເມືອງ,ໂຮງໝໍເມືອງພະນັກງານວິຊາ ການເຂົ້າຮ່ວມ.
ທ່ານ ໜູດາ ປຣະສິດ ຫົວໜ້າຂະແໜງລະບາດວິທະຍາ ຕີລາຄາວ່າ:ສົກປີ 2014-2015 ລະບົບການ ເຝົ້າລະວັງ ການລະບາດຂອງພະຍາດຊຶມເຊື້ອພາຍໃນແຂວງລວມທັງພະຍາດຕິດຕໍ່ຕາມຊາຍແດນ ແມ່ນເຮັດໄດ້ດີພໍສົມຄວນສະແດງວ່າໃນເມື່ອມີເຫດການພະຍາດທີ່ກັບຄືນມາໃໝ່ຢູ່ຮາກຖານກໍ ໄດ້ ຮັບ ການຕອບໂຕ້ຢ່າງທັນທີທັນໃດໂດຍມີທິມງານທີ່ມີຄວາມສາມາດແລະປະສານພົວພັນລະຫວ່າງ ຂະ ແໜງສຸຂະພາບຄົນແລະສຸຂະພາບສັດ.ສ່ວນການເຝົ້າລະວັງໃນລາຍງານ17 ໝວດອາການ/ພະ ຍາດ ພົບວ່າ:ພະຍາດຖອກທ້ອງເປັນນ້ຳກະທັນຫັນມີລາຍງານຂໍ້ມູນການເຝົ້າລະວັງຕາມຕົວຊີ້ວັດ 6.887 ກໍລະນີ; ລະບົບຫາຍໃຈຮຸນແຮງ 1.595 ກໍລະນີ,ຕາຍ 1 ກໍລະນີ ແລະມີການເຝົ້າລະວັງຕາມເຫດການ 204 ກໍລະນີ, ຕໍ່ມາແມ່ນພະຍາດຖອກທ້ອງມີມູກ ເລືອດກະທັນຫັນ 685 ກໍລະນີ, ເບື່ອອາຫານ,274 ກໍລະນີ,ຄໍຕີບ 68 ກໍລະນີ ຕາຍ 2 ກໍລະນີ, ຈາກນີ້ກໍ່ມີພະຍາດເຫຍື່ອຫຸ້ມສະຫມອງມີ 25 ກໍລະນີ, ຕາຍ1ກໍລະນີ,ສ່ວນການເຝົ້າລະວັງເຕືອນຊຶ່ງເຮັດໃຫ້ການຕ້ານແລະຄວບຄຸມພະຍາດແຕ່ຫົວທີ ໂດຍ ໄດ້ເຮັດແຈ້ງການໃຫ້ແຕ່ລະເມືອງໄດ້ລົງຄົ້ນຫາກໍລະນີໃໝ່ຂອງພະຍາດ ຊຶ່ງສະແດງວ່າເຮັດ ໄດ້ເປັນ ປົກກະຕິແລະຕໍເນື່ອງ,ໃນເບື້ອງການ ເຝົ້າລະວັງພະຍາດແລະອຸບັດຕິເຫດໃນຊ່ວງບຸນປີໃໝ່ ລາວໂດຍ ທາງພະແນກສາທາລະນະສຸກແຂວງໄດ້ໃຫ້ຄວາມສຳຄັນໃນການຈັດຕັ້ງການເຝົ້າລະວັງແລະລາຍງານສະພາບການເກີດພະຍາດແລະອຸບັດຕິເຫດທີ່ເກີດຂຶ້ນທັງໝົດ 639 ກໍລະ ນີ,ໃນນີ້ມີຍິງ 188 ກໍລະນີ ເສຍຊີວິດ 4 ກໍລະນີ ;ແລະການ ເຝົ້າລະ ວັງຢູ່ຈຸດຜ່ານແດນ ຊຶ່ງໄດ້ຈັດ ສົ່ງພະນັກງານ ຈຳນວນ ໜຶ່ງລົງປະຈຳຢູ່ ຂົວມິດຕະພາບ 2,ຈຳນວນ 1 ຄົນ, ຢູ່ດ່ານສະຫວັນນະເຂດ-ລາວບາວ 3 ຄົນ ແລະ ຢູ່ດ່ານສະໜາມ ບິນສະຫວັນນະເຂດ 1 ຄົນ. ໂດຍມີ ຄົນເຂົ້າ-ອອກຜ່ານຈຳນວນ 1.3 ລ້ານກວ່າ ຄົນ,ຍິງ 831.406 ຄົນ.
ຊຶ່ງໃນສົກປີ 2015-2015 ທາງພາກສ່ວນກ່ຽວຂ້ອງຈະເອົາໃຈໃສ່ການເຝົ້າລະວັງຕາມເຫດການ, ທັງເພີ່ມປະສິດຕິພາບໃນການເຝົ້າລະວັງຕາມຕົວຊີ້ວັດ,ແລະເພີ່ມຄວາມສາມາດໃນການປະເມີນ ຄວາມສ່ຽງ,ເພີ່ມຄວາມສາມາດໃນການຕອບໂຕ້ພ້ອມທັງພັດທະນາລະບົບເຕັກໂນໂຍີ ດ້ານຂໍ້ມູນຂ່າວ ສານ ເພື່ອເຝົ້າລະວັງພະຍາດຕິດຕໍ່ຕາມແນວຊາຍແດນ

Cr : Savanhphuttana News