ສາຍສຳພັນ ຣັດເຊຍ ກັບ ຍີ່ປຸ່ນ ເຢັນຊາ ເມື່ອທ່ານ ປູຕິນ ໄປຢ້ຽມຢາມຈີນ


​ໃນ​ຂະນະ​ທີ່ ສັງ​ເກດ​ເຫັນ​ໄດ້​ວ່າ ນາຍົກລັດຖະມົນ​ຕີ ຍີ່ປຸ່ນ ທ່ານ Shinzo Abe ​ບໍ່​ໄດ້​ໄປຮ່ວມ ​ໃນ​ພິທີດັ່ງກ່າວ​ນັ້ນ ປະທານາທິບໍດີ ຣັດ​ເຊຍ ທ່ານ Vladimir Putin ກໍ​ແມ່ນໄດ້ເປັນ​ແຂກ​ຜູ້​ຊົງ​ກຽດ ​ຂອງ​ຈີນ ​ໃນ​ການສະ​ເຫຼີມສະຫຼອງ ໄຊຊະນະ​ສົງຄາມ​ຂອງ​ຈີນກັບຈັກກະພັດຍີ່​ປຸ່ນ. ຫຼັງຈາກ​ບັນດາ​ປະ​ເທດ​ຕາ​ເວັນ​ຕົກ ໄດ້ວາ​ງມາດ​ຕະການ​ລົງ​ໂທດ​ ກ່ຽວ​ກັບ​ຢູເຄຣນ​ແລ້ວ​ ມົສກູ ​ໄດ້ຫັນ​ໄປ​ຫາ​ປະ​ເທດ​ໃນ​ຕາ​ເວັນ​ອອກ ​ແຕ່​ບໍ່​ແມ່ນ​ຍີ່ປຸ່ນ ​ເຊິ່ງ​ໄດ້​ສະໜັບສະໜູນ ການ​ລົງ​ໂທດ​ດັ່ງກ່າວ.ອະດີດ​ເອກ​ອັກຄະ​ລັດຖະທູດ ຣັດ​ເຊຍ ປະຈຳ​ຍີ່ປຸ່ນ ທ່ານ Alexander Panov ​ເວົ້າວ່າ“ໜ້າ​ເສຍ​ດາຍ ທີ່ບໍ່ເຫັນຜົນ​ປະ​ໂຫຍ​ດທີ່​ໃຫຍ່ສຳລັບຍີ່ປຸ່ນ ​ໃນ​ດ້ານ​ການ​ເມືອງ​ ​ແລະ​ເສດຖະກິດຂັ້ນສູງຂອງຣັດ​ເ​ຊຍ ​ເຊັ່ນ​ດຽວ​ກັນ​ກັບ​ທີ່ພວກ​ເຮົາ​ເຫັນຢູ່ໃນ​ຍີ່ປຸ່ນ.”

ຄວາມ​ເຄັ່ງ​ຕຶງ ​ໄດ້ພຸ້ງຂຶ້ນ ເມື່ອ​ເດືອນ​ສິງຫາ ​ໃນ​ເວລາ ນາຍົກລັດຖະມົນຕີ ຣັດ​ເຊຍ ທ່ານDmitry Medvedev ​ເດີນທາງ​ໄປ​ຢ້ຽມຢາມ ​ເກາະ​ແຫ່ງ​ນຶ່ງ​ ທີ່​ເປັນ​ຕ່ອງ​ໂສ້ ​ເປັນບ່ອນຜິດ​ຖຽງ​ກັນ​ກັບ​ຍີ່ປຸ່ນ ນັບ​ຕັ້ງ​ແຕ່ສົງຄາມ​ໄດ້​ສິ້ນ​ສຸດ​ລົງ​ເປັນຕົ້ນມາ. ຮອງ​ນາຍົກ​ລັດຖະມົນຕີຣັດ​ເຊຍ ​ໄດ້​ເຢາະ​ເຢີ້ຍ ຊາວ​ຍີ່ປຸ່ນ​ຜູ້​ທີ່​ປະ​ທ້ວງ ​ການ​ຢ້ຽມຢາມ​ຂອງ​ທ່ານ ​Medvedevໂດຍ​ກ່າວ​ວ່າ ພວກ​ເຂົາ​ເຈົ້າ​ຄວນຈະ​ທຳ​ພິທີການ​ຂ້າ​ຕົວ​ຕາຍ.

ຍີ່ປຸ່ນ ​ໄດ້ເລື່ອນການ​ເດີນທາງໄປ​ຍັງ​ມົສກູອອກ​ ​ຂອງ​ລັດຖະມົນຕີ​ຕ່າງປະ​ເທດ ພ້ອມກັນກັບການ​ເຈລະຈາ​ເລື້ອງ​ການເດີນທາງ​ໄປ​ຍັງ​ໂຕ​ກຽວ ​ທີ່ເປັນ​ການຢ້ຽມຢາມ​ປະ​ເທດ​ຢ່າງ​ເປັນ​ທາງ​ການ ໂດຍ​ທ່ານ Putin ​ໃນ​ປີ​ນີ້. ທ່ານ Dmitri Trenin ຜູ້ອຳ​ນວຍ​ການສູນ​ກາງ Carnegie Moscow ​ເວົ້າວ່າ “ທ່ານ ປູ​ຕິນ ​ໄດ້​ເຫັນ​ດີ​ຕົກລົງ ກ່ຽວ​ກັບການ​ຢ້ຽມຢາມໝູ່​ເກາະ ​ໂດຍ​ທ່ານ Medvedev ຊຶ່ງ​ເວົ້າ​ແທ້ໆ​ແລ້ວ​ ແມ່ນ​ເພື່ອ​ສົ່ງ​ສັນຍານ ​ເຖິງ​ໂຕ​ກຽ​ວວ່າ ພວກ​ເຮົາ​ກໍສາມາດເອົາ​ແທ້​ເອົາ​ວ່າ​ເຊັ່ນ​ກັນ. ພວກ​ທ່ານມີ​ມາດ​ຕະການ​ລົງ​ໂທດ ​ຂອງກຸ່ມ​ແນວ​ໂຮມ. ພວກ​ເຮົາ​ແມ່ນ​ມີ​ມູນເຊື້ອ​ ຂອງ​ສົງຄາມ​ໂລກ​ຄັ້ງທີ​ສອງ.”

​ເຈັດ​ທົດ​ສະວັດ​ຜ່ານ​ມາ ການ​ຜິດ​ຖຽງ​ກັນ​ເລື້ອງ​ເຂດ​ນ້ຳ​ແດນ​ດິນ ​ແມ່ນ​ຍັງ​ຄົງ​ເປັນ​ເລື້ອງທີ່​ສະ​ເທືອ​ນຈິດ​ໃຈ ​ເຊິ່ງມັນ​ໄດ້​ກີດ​ກັນຣັດ​ເຊຍ ​ແລະ ຍີ່ປຸ່ນ ບໍ່​ໃຫ້​ລົງ​ນາມ​ໃນ​ສົນທິສັນຍາ​ສັນຕິພາບກັນ ​ຢ່າງ​ເປັນ​ທາງ​ການ.ທ່ານ Panov ​ເວົ້າວ່າ “​ແລະ​ ​ໃນ​ລະຫວ່າງ​ກອງ​ປະຊຸມ G7 ​ເມື່ອ​ເດືອນ​ພຶດສະພາ​ຜ່ານ​ມາ ທ່ານ Abe ນາຍົກລັດຖະມົນຕີ ຍີ່ປຸ່ນ ກ່າວ​ວ່າ ທ່ານ​ຢາກ​ຈະ​ເລີ້ມ​ຕົ້ນ​ການ​ເຈລະຈາ​ກັບ​ຣັດ​ເຊຍ​ພຽງ​ຝ່າຍ​ດຽວ ​ເພາະ ທ່ານຢ້ານ​ວ່າ​ຣັດ​ເຊຍ ​ແລ​ະ ຈີນຈະຮ່ວມ​ກັນຕໍ່ຕ້ານ​ຍີ່ປຸ່ນ.”

​ແຕ່​ບັນດາ​ນັກວິ​ເຄາະຫຼາຍທ່ານ ບໍ່​ມີ​ຄວາມ​ໝັ້ນ​ໃຈກ່ຽວ​ກັບ​ຄວາມແໜ້ນ​ແຟ້ນ​ດ້ານມິດຕະພາບລະ​ຫວ່າງ​ມົສກູ ​ກັບ ປັກ​ກິ່ງ ​ແລະ ກ່າວ​ວ່າ ​ເຖິງ​ແມ່ນ​ຈະມີເລື້ອງທີ່ຜ່ານມາກໍຕາມ ​ແຕ່ການເຈລະຈາກັບໂຕກຽວນັ້ນ ກໍແມ່ນຈະ​ເປັນຜົນປະໂຫຍດ​ແກ່ໝົດທຸກຄົນ.

ທີ່ມາ http://lao.voanews.com/

ບົດຄວາມໃຫມ່ໆ