ສັ່ງຫ້າມ!! ເສືອໃຕ້ແບນເປັບຫ້າມດຶງນັກເຕະໄປເຮືອໃບ

 

ບາເຢິນ ມິວນິກ ຕົກເປັນຂ່າວສັ່ງແບນ ເປັບ ກວາດິໂອລາ ນາຍໃຫຍ່ຂອງທີມ ຫ້າມດຶງນັກເຕະລາຍໃດໄປຮ່ວມທັບ ແມນເຊສເຕີ ຊີຕີ ໃນລະດູການໜ້າຫຼັງນາຍໃຫຍ່ກຽມອຳລາ “ເສືອໃຕ້” ໃນຊ່ວງຊຳເມີນີ້ ແລະ ມີຂ່າວຕ້ອງການດຶງ ໂລເບີດ ເລວານດອບສະກີ ກອງໜ້າຂອງທີມໄປ “ເຮືອໃບສີຟ້າ” ພ້ອມກັນ.

 

“ເສືອໃຕ້” ບາເຢິນ ມິວນິກ ສະໂມສອນດັງຈາກ ບຸນເດສລີກາ ຕົກເປັນຂ່າວໄດ້ສັ່ງຫ້າມ ກວາດິໂອລາ ນາຍໃຫຍ່ຂອງທີມດຶງນັກເຕະຄົນໃດຂອງຕົ້ນສັງກັດໄປເສີມທັບ ແມນເຊສເຕີ ຊີຕີ ສະໂມສອນມະຫາເສດຖີຂອງຜູ້ດີໃນລະດູການໜ້າ ຈາກການລາຍງານເມື່ອວັນພຸດນີ້.

ນາຍໃຫຍ່ສະເປນຈະໄປຮັບໜ້າທີ່ຜູ້ຈັດການທີມທີ່ ເອຕີຮັດ ສະເຕດຽມ ແທນທີ່ ມານູເອວ ເປເຢກີນີ ໃນຊ່ວງຊຳເມີນີ້ແຕ່ກໍໄດ້ມີການຕົກລົງຄຳເວົ້າກັບ ບາເຢິນ ແລ້ວວ່າເຂົາຈະບໍ່ພະຍາຍາມດຶງໂຕນັກເຕະລາຍໃດຂອງ ເສືອໃຕ້ ໄປຫຼິ້ນໃນພຣີເມຍລີກ.

 

ສຳລັບ ກວາດິໂອລາ ມັກ ເລວານດອບສະກີ ຫົວຫອກຂອງທີມຢ່າງຫຼາຍ ແລະ ມີຂ່າວວ່າເຂົາຕ້ອງການທີ່ຈະດຶງໂຕນັກເຕະເຂົ້າມາເປັນຄູ່ຫູໃນແດນໜ້າກັບ ເຊຄິໂອ ກຸນ ອາເກວໂລ ດາວຍິງຂອງ ຊີຕີ ແຕ່ເບິ່ງຄືວ່າຈະຕ້ອງເບິ່ງຫາເປົ້າໝາຍອື່ນແລ້ວ.