ສັບພະຄຸນ ແລະ ຄຸນປະໂຫຍດຂອງໝາກໂມອ່ອນ

ສັບພະ​ຄຸນ​ຂອງໝາກ​ໂມ​ອ່ອນ:

ໃຊ້​ເປັນ​ຢາສະໝຸນ​ໄພ​ເພາະ​ມີ​ສານ Citrulline ​ແກ້ຖອນ​ພິດ​ເຫຼົ້າ ​ແລະ ​ແກ້​ອາການ​ຢາກ​ນໍ້າ ​ລວມທັງ​ແກ້​ຮ້ອນ​ໃນ ສ່ວນ​ເມັດ​ເປັນ​ຢາ​ເຢັນ ​ແລະ ​ແກ້ຂັບຖ່າຍ, ນອກຈາກ​ນີ້ ​ຍັງ​ເຊື່ອ​ວ່າ ການ​ກິນໝາກ​ໂມ​ແມ່ນ​ຊ່ວຍ​ບຳລຸງ​ກຳລັງ​,​ ເປືອກ​ນຳ​ໄປ​ຕົ້ມ​ກັບ​ນໍ້າຕານ​ດື່ມ​ແກ້​ອາການ​ເຈັບຄໍ ຫຼື ຈະ​ນຳ​ໄປ​ປິ້ງ​ໄຟ​ແລ້ວ​ບົດ​ເປັນ​ຜົງ​ທາ​ບາດ​ແຜ​ໃນ​ປາກ, ​ເມັດ​ເປັນ​ຢາ​ເຢັນ​ແກ້​ຂັບ​ຖ່າຍ ບຳ ລຸງ​ຮ່າງກາຍ ​ແລະ ​ເປັນ​ຢາ​ລະບາຍ​ອ່ອນໆ ສ່ວນ​ຄຸນຄ່າ​ທາງ​ອາຫານ​ນັ້ນໝາກ​ໂມ​ອ່ອນ 100 ກຮາມ​ໃຫ້​ພະລັງງານ 11 ກິ​ໂລ​ແຄ​ລໍຮີ ປະກອບ​ດ້ວຍ​ໂປຼຣຕິນ 0,4 ກຮາມ, ​ໄຂມັນ 0,1 ກຮາມ, ຄາໂບ​ໄຮ​ເດດ 2,2 ກຮາມ, ​ແຄລຊຽມ 2 ມີລີກຮາມ, ທາດ​ເຫຼັກ 0,4 ມິນ​ລີກຮາມ, ວິຕາມິນ​ບີ 1 ​ແລະ  ບີ 2 ມີ 0,03 ມີ​ລີກຮາມ, ​ໄນ​ອາ​ຊິນ 0,3 ມີລີກຮາມ ​ແລະ ວິຕາມິນ​ເຊ 28 ມີລີກຮາມ.

ປະ​ໂຫຍ​ດຂອງມາກ​ໂມ​ອ່ອນ:

ສາມາດ​ນຳ​ມາ​ຕົ້ມ​ຈືດ ​ແລະ ຕົ້ມ​ກິນ​ກັບ​ແຈ່ວ ຫຼື ປົ່ນ​ໄດ້​ທຸກ​ຊະນິດ ​ເພາະໝາກ​ໂມ​ອ່ອນອຸ ດົມ​ໄປ​ດ້ວຍ​ວິຕາມິນ​ເຊ ​ແລະ ຟົດ​ສະ​ຟາ​ດ ​ເໝາ​ະ​ເປັນ​ອາຫານຫຼຸດຄວາມ​ຕຸ້ຍ ​ເພາະ​ໃຫ້​ພະ ລັງງານ​ຕໍ່າ​ສານ​ອາຫານ​ໜ້ອຍ ​ແຕ່​ລົດ​ຊາດ​ທີ່​ເຢັນ​ຂອງໝາກ​ໂມ​ກໍຊ່ວຍ​ໃນ​ເລື່ອງ​ລະບົບ​ຂັບ​ຖ່າຍ ​ແລະ ລະບົບ​ຍ່ອຍ​ອາຫານ​ແຖມ​ຍັງ​ມີ​ຄຸນຄ່າ​ທາງ​ສະໝຸນ​ໄພ​ອີກ​ເຊັ່ນ: ຮາກ​ມີ​ນໍ້າ​ຢາງ​ໃຊ້​ກິນ​ແກ້​ອາການ​ຕົກ​ເລືອດ​ຂອງ​ແມ່ຍິງ​ລຸ​ລູກ,​ ໃບ​ໃຊ້​ຊົງ​ເປັນ​ຢາຫຼຸດ​ໄຂ້​, ໝາກມີ​ຄຸນສົມບັດ​ເປັນ​ຢາ​ເຢັນ ຊ່ວຍ​ລະບາຍ​ຂັບ​ຖ່າຍ, ຊ່ວຍ​ຍ່ອຍ​ອາຫານ,​ ແກ້​ເບົາຫວານ ​ແລະ ດີ​ຊາງ, ​ເມັດ​ມີ​ໂປຼຣຕິນ​ສູງ​ຊ່ວຍ​ບຳລຸ​ງຮ່າງກາຍ, ປອດ ​ແລະ ສະໝອງ.