ສັນຍາເຊົ່າ..ເຊບີຢາຢືມນາສຣີໃຊ້ງານ 1 ລະດູການ

 

ເຊບີຢາ ຈັດການຢືມ ຊາເມຍ ນາສຣີ ກອງກາງເກມບຸກຂອງ ແມນເຊສເຕີ ຊີຕີ ມາປັ້ນເກມແບບຢືມໂຕ 1 ລະດູການແລ້ວຫຼັງຈາກທີ່ນັກເຕະບໍ່ໄດ້ຢູ່ໃນແຜນການເຮັດທີມຂອງ ເປັບ ກວາດິໂອລາ ນາຍໃຫຍ່ “ເຮືອໃບສີຟ້າ”.

 

ຊາເມຍ ນາສຣີ ກອງກາງ ແມນເຊສເຕີ ຊີຕີ ສະໂມສອນມະຫາເສດຖີຂອງລີກຜູ້ດີຕົກລົງເກັບເຄື່ອງຍ້າຍໄປຢູ່ກັບ ເຊບີຢາ ທີມດັງໃນ ລາ ລີກາ ສະເປນແບບຢືມໂຕ 1 ລະດູການເປັນທີ່ຮຽບຮ້ອຍແລ້ວເມື່ອວັນພຸດທີ່ຜ່ານມາ.

 

ນັກເຕະຍ້າຍຈາກ ອາເຊນອນ ມາຢູ່ກັບ “ເຮືອໃບສີຟ້າ” ຕັ້ງແຕ່ປີ 2011 ແຕ່ບໍ່ຢູ່ໃນແຜນການເຮັດທີມຂອງ ເປັບ ກວາດິໂອລາ ຜູ້ຈັດການທີມຄົນໃໝ່ໃນລະດູການນີ້ຈຶ່ງຕັດສິນໃຈຍ້າຍມາຊອກຫາໂອກາດລົງສະໜາມໃນຖິ່ນ ຣາມອນ ຊານເຊສ ປີຄວານ ແບບຢືມໂຕໃນທີ່ສຸດ ໂດຍຈະເຂົ້າມາປັ້ນເກມບຸກໃຫ້ ເຊບີຢາ ແທນທີ່ ເຢຟເກັນ ໂຄໂນປຽນກາ ທີ່ຍ້າຍໄປຢູ່ກັບ ຊາວເກ 04 ໃນເຢຍລະມັນແບບຢືມໂຕແລ້ວ.

 

ນາສຣີ ປະສົບຄວາມສຳເລັດຢ່າງສູງກັບ ແມນຊີຕີ ເມື່ອໄດ້ແຊມ ພຣີເມຍລີກ 2 ສະໄໝ, ເອຟເອ ຄັບ ແລະ ຄອມມູນິຕີ ຊິວ ອີກຢ່າງລະ 1 ສະໄໝ.